Lukas 19:38 - Abun Scripture

³⁸ Pakon mwa ne saiye do, ”Yeraja gato Yefun Allah syogat ma ré, Yefun Allah ben sukndo su An et! Yé mwa ne sino mo gu ete kem not. Men yetu ete bes Yefun Allah gum kok sye wai o et.”

Lukas 19:38 Referans Kwoze

Lukas 13:35

Sane bere Yefun Allah misyar nin re. Bere Yefun Allah yo kem mo bi nu sisu nin mone o nde. Sane kadit kam ré, Ji ki sare do, bere nin yo ku Ji o nde, sane sor, tepsu kam gato nin ki do, ’Ye gato Yefun Allah syogat ma ré, Yefun Allah ben sukndo su An et!’ ”

Matius 21:9

Yé mwa gato mu nyim si yé mwa gato boribot, án sino saiye do, ”Men un yeraja Daud bi Dat et! Ye gato Yefun Allah syogat ma ré, Yefun Allah ben sukndo su An et! Men yetu ete bes Yefun Allah gum kok sye wai o et!”

1 Petrus 1:12

Sukdu subot os ndo gato Yefun Allah tarubot yenabi ne, Yefun Allah tarubot yenabi wa ós yenabi dakai nde, wo yenabi ki subot suktaru ne subere ós nin. Suktaru gato yenabi ki nyim ne kom mo nin sare do, Yefun Allah syo An Gen ma kadit gu bok nggwa mo yetu ge bok yo anato yé bok ne nggiwa ki sukdu subot os ndo gato Yesus Kristus kak ne nai nin jam re. Sukdu subot os ndo gato yé bok ne kibot ne, malaikat dom iwa jam.

1 Timotius 1:17

Sane men un Yefun Allah gato men bi Yekwesu kadit kapyo sor kom mo kapyo. Men bes Yefun Allah gato gesyos ne gum petok sor. Yefun Allah gato men me su men gro nde, men un An sor. Men un Yefun Allah dik ne sor, men bes An gum kok su ré to kapyo mato kapyo. Sangge.

Efesus 1:12

Yefun ben An bi suk-i sane subere men yé gato kwabom kam mo Kristus nyim kadit ye yi ne, men nutbot Yefun Allah gato ben bi suk-i ne ndo yé, ete men bes An gum kok mone sor.

Matius 25:34

Sugane Ji, gato Yekwesu mone bere Ji ki nai nje gato tak Ji de syim ge do, ’Nin ma, nin yé gato Ji bi Ai ben sukndo su. Nin ma nin nai suk gato Yefun Allah fro wa nin ne. Yefun fro nat wa nin si An gum yekwesu mone sino, An fro nat ne ndek kadit kam gato An ut bur ré re.

Efesus 1:6

Men yo ben suk yo nyim wa An nde, wo An dakai bi sukjimnut sye kas subot men, An ben sukndo wai su men dakai yi anato An syo An bi Gan gato An jimnotku ne ma kwop win men. Sane men un Yefun Allah sor.

Roma 5:1

Sane su ré Yefun Allah ki do, men sa, tep wa men gum sok mo An bi rus-i, we men onyar kem mo Yesus Kristus it. Sane anato men yo ku sukmaskwa kadit Yefun Allah o nde, wo men si Yefun Allah kem ndo su yu sor. Men bi Yekwesu Yesus Kristus anato kak os ne wa men re.

Kolose 1:20

An syo An bi Gan ma wa kak os subere suk mwa gato mo bur ré si gu nim ne sino kem ndo su Yefun Allah satu. An syo An bi Gan ma kwop mo kwesukwin ete An bi Gan de sye tepsu suktot anato kak os wa suk mwa ne sino si Yefun Allah kem ndo satu.

Efesus 3:21

Sane men yé gato onyar kem mo Yesus Kristus mo bur ré, men bes Yefun Allah gum kok, men bes An gum kok mo suk gato Yesus Kristus ben ne sor. Men si men bi datu si datok bes An gum kok su ré to kapyo mato kapyo et. Sangge.

Efesus 3:10

Sane su ré Yefun Allah iwa An bi rus-i mo bur ré simo os gato An fro ne subere kadum An bi sukjimnut gato kru wai ne nai malaikat bi yesu-i si ye gato bi suktinggi mo gu ne jam.

Matius 2:2

Yepasye ne ma ndobot do, ”Pa gato ye pe tepsu yeraja wa ye Yahudi ana u ne? Men me bí be bor mo gu nim ne anato men jam do, ye pe yeraja be dik yo ma mo bur ré re, sane men ma wa men som Pa ne et.”

Matius 25:40

Bere Ji, gato Yekwesu mone ki do, ’Suk gato Ji ki ré suksangge anare, suk gato nin ben wa Ji bi rus-i, kapre yé ne pa wokgan, tepsu nin ben suk ne wa Ji dakai.’