Lukas 19:26 - Abun Scripture

²⁶ Yepasye ne ki do, ’Ji ki sare do, ye gato bi suk mó yo, bere an ku suk mwa wai o. Ye gato mewa suk gato ye yi syo nai an sisu ndo yo, bere Yefun Allah bes ye ne jowa suk mwa wai o. Wo ye gato bi suk yo mo nde yo, wokgan gato mó yo, bere yé nai or wé kadit an re.

Lukas 19:26 Referans Kwoze

2 Yohanes 1:8

Sane nin mewa nin nggwa subere suk gato men ben wa ós nin yo ges kadit nin nde, wo nin wergat nin nggwa subere Yefun Allah syo suk mwa nai nin dakai or sino tepsu suk gato nin ben ne.

Lukas 8:18

Sane, Yefun Allah bi sukdu gato nin syaretwa ne, nin nutbot sisu ndo et. Ye to bi sukjimnut kak, bere jam Yefun Allah bi sukdu mwa wai o re, sane bere an jam sukdu ne kom mo mit re. Sarewo ye to da jam sukwokgan, ete an misyar, sukwokgan gato an jam ne, bere suk ne ges or wé kadit an re.”

Matius 21:43

Yefun Yesus ki o do, ”Sane Ji ki sare do, nin ben sukibit sane bere Yefun Allah syun nin wé kadit An bi rus-i. Nin bi yewis-i yo tep wa sok mone o nde, wo yewis gato iwa jammo Yefun bere sok mo Yefun Allah bi rus-i ne win nin or re. [

Matius 13:12

Ye to bi sukjimnut kak, bere jam Yefun Allah bi sukdu mwa wai o re, sane bere an jam sukdu ne kom mo mit re. Sarewo ye to da jam sukdu ne wokgan, ete an misyar, sukwokgan gato an jam ne bere ges or kadit an re.

Markus 4:25

Ye to bi sukjimnut kak, bere an jam Yefun Allah bi sukdu mwa wai o re, sane bere an jam sukdu ne kom mo mit re. Sarewo ye to da jam sukdu ne wokgan, ete an misyar, sukwokgan gato an jam ne bere ges or kadit an or re.”

Wahyu 2:3

Ji jam do, nin simo Ji anato nin ku sukye mone, sarewo nin ben Ji bi suk-i petok sor, nin yo misyar Ji nde, wo nin simo Ji pe sor. Suk bok ne sa, nin ben sisu ndo.

Wahyu 3:11

Bergan sor, ete Ji ma re. Nin jom Ji bi sukduno-i ne pe, sane sor Ji satu ma et. Sane bere ye yi yo ku os wa nai sukndo gato bere nin ku ne wé kadit nin nde, bere nin kem ndo mone it.

Lukas 16:3

Sane pakwerut ne nut mo an syidem do, ’Ji ben suma su ré ne? Ji bi yenggras syun ji kadit an bi nu it anare. Sane bere ji ku sugum wa ji so sugit su ne sa u ne? Ji yo nggiwa ji ben nggwe nde. Ji damen wa ji ndek suk mo nje dom.

Suk Gato Yerasul Ben Ne 1:20

Daud krom sukdu subot Yudas, sane Petrus ki do, ”Daud krom mo buku Mazmur do, ’Sa ndo sa, an bi nat-i ne, nje yo kem mo nde. Yetu ge dik yo kem mone dom nde.’ Or o Daud krom o do, ’Sa ndo sa, ye bes yetu ge dik yo win an tepsu yesu.’

Lukas 19:25

Yé bok yo mone ki nai yepasye ne do, ’Yenggras, men syo sugum ne nai an, sarewo an ku sugum det musyu dik mó re.’