Lukas 19:24 - Abun Scripture

²⁴ Orge yepasye ne ki nai yé bok yo gato ti mone do, ’Nin nai sugum kadit pa ré, nin syo nai pa gato ku sugum det musyu dik yo o ne.’

Lukas 19:24 Referans Kwoze

Lukas 16:2

Sane yepasye ne kendo pakwerut ne ma ku an. Yepasye ne ki do, ’Sukdu gato ye ndak nan su ne, gato ye ki nai ji jam ne sangge bado? Sane nan krom subot suk mwa gato nan ben su ji bi sugum si ji bi suk mwa ne subere ji jam et. Nan ben suk tepsu ji bi pakwerut gato jom sugum ne o nde it anare.’

Lukas 12:20

Sarewo Yefun Allah ki nai ye ne do, ’Nan jimgon, su noru ré it yo, nan kwop it are. Sane bere je u anato ku nan bi suk mwa gato nan sum ré ne? Bere nan bi suk mwa ne sok mo ye yi.’ ”

Lukas 19:13

Yepasye ré yo mu nde tó, an kendo an bi pakwerut ge musyu dik ma, ete yepasye ne syo sugum det dik nai pakwerut ne kadik-kadik. Yepasye syo sugum nai an bi pakwerut, ete an ki do, ’Sugum gato ji syo nai nin ré, nin ben suk su, subere nin ku sugum mwa wai o. Nin ben suk su sugum ré sor kom mo ji satu ma et.’ {Yepasye ki sukdu ne, orete an mu re.}

Lukas 19:23

Nan jam ji syogat ye yi ben suk wa ji sane, nan yo gwat ji bi sugum mu grem mo bank nde wa suma ne? Nan gwat ji bi sugum grem mo bank sa, bere ji satu ma, ete ji ku sugum ne su bi bunga o tó, ji ku sugum mwa gan yo o.’

Lukas 19:25

Yé bok yo mone ki nai yepasye ne do, ’Yenggras, men syo sugum ne nai an, sarewo an ku sugum det musyu dik mó re.’