Lukas 18:37 - Abun Scripture

³⁷ Yé ki nai an do, ”Yesus, ye Nazaret, wai ket os tore.”

Lukas 18:37 Referans Kwoze

Matius 2:23

Yusuf si an bi rus kem mo kota gato gum do Nazaret. Sane sukdu gato yenabi ki subot Pa ne bor mone. Yenabi ki do, ”Bere ye kendo Pa ne do, An ye Nazaret.”

2 Korintus 6:2

Mo Yefun Allah bi sukdu, Yefun Allah ki do, ”Tepsu bi kam gato Ji fro os ndo dakai yi wa nin yo, su kam ne Ji ós nin tepsu nin bi sukdu-i it. Tepsu bi kam gato Ji nai nin wé kadit sukye gato nin ku ne yo, su kam gane Ji ós nin kem ndo it.” Nin jammo suk gato men ki ré et, kam gato Yefun Allah fro os ndo dakai yi wa nin ne anato kam ré it. Su ré Yefun kak os wa nai nin wé kadit bot gesyos, subere nin kem ndo to kapyo mato kapyo it. Sane nin sibot os gato Yefun fro ne su kam ré et.

Suk Gato Yerasul Ben Ne 4:10

Saneyo, men ka we ki rer wa nin si ye Israel ne sino jam. Yesus Kristus bi suktinggi anato ben ye gato ti mo men gwem ré ge re. Yesus Kristus anato ye Nazaret gato nin gu kwop mo kwesukwin, wo Yefun Allah sun An kadit sukkwop o re.

Suk Gato Yerasul Ben Ne 2:22

Orge Petrus ki o do, ”Ji bi nji, ji bi nyanggon, ye Israel, nin jammo suk gato ji ki ré et. Yefun Yesus, ye Nazaret ne, men jam do Yefun Allah bes An, we Yefun Allah bi suktinggi bor mo An re. An ben suk mwa gato men yetu yeket {sato: ye gato kwop, An sun mbau satu, ye gato gro ndu, An ben gro ndo satu, ye gato gwes út ne, An ben mu o re}. Yé mwa nutbot suk gato An ben ne ndo nde. An kadum Yefun Allah bi suktinggi bor wa men me re. Nin dakai jam re.

Yohanes 19:19

Pilatus syogat yé krom sukdu mo kwedet, ete yé mban mo Yefun Yesus bi kwesukwin napnim. Yé krom sukdu gato yé ndak Yefun Yesus su ne sare do, ”Yesus ye Nazaret. Ye Yahudi bi yeraja anare.”

Yohanes 1:45

Filipus mu ku yetu ge dik yo o gato gum do Natanael, ete Filipus ki nai Natanael do, ”Men ku Ye gato kam nyim tuya Musa krombot mo Yefun bi sukduno ne re. Men ku Ye gato yenabi dom krombot ne re. An anato Yusuf bi pa gato gum do Yesus. An ma kadit kota Nazaret.”

Lukas 2:51

Orge Yefun Yesus simo An bi im si an bi ai satu mu mo Nazaret, ete An jammo An bi im si an bi ai petok sor. An bi im napawa suk mwa gato Yefun Yesus ben ne pe.

Lukas 18:36

Ye gato gro ndu ne kem mo os de sa, an jam yé mwa wai ket os mone, sane an ndo mo yé mwa ne do, ”Yé ben suma sare ne?”

Lukas 18:38

Sane ye gato gro ndu ne saiye do, ”Yesus o, yeraja Daud bi Dat o, Nan jimnotku ji et!”