Lukas 18:28 - Abun Scripture

²⁸ Orge Petrus ki do, ”Men gare, men misyar men bi rus si suk mwa gato men ku ne sino kem, ete men simo Nan.”

Lukas 18:28 Referans Kwoze

Filipi 3:7

Suk gato ji ben nyim ne, ete ji onyar kem mone, sugane ji nut do, suk mwa ne ós ji sok mo Yefun bi rus-i, wo su ré ji bare suk mwa ne wé it. Ji nut do, suk mwa ne yo ós ji yo mo nde. Wo kadit Yesus Kristus sor anato ji ku os wa ji sok mo Yefun Allah bi rus-i.

Markus 10:28

Orge Petrus ki nai Yefun Yesus do, ”Men gare, men misyar men bi suk mwa gato men ku ne sino kem ete men simo Nan.”

Matius 19:27

Orete Petrus ki do, ”Men gare, men misyar men bi suk mwa gato men ku ne sino kem, ete men simo Nan, sane bere men ku suma ne?”

Lukas 5:11

Sane Simon si bi yesyim tik kwem we ne mo nden or, án misyar án bi suk mwa ne kem, orete án si Yefun Yesus mu sino.

Matius 9:9

Yefun Yesus mu kadit nat ne saresa, An me yetu ge dik yo gato gum do Matius. Matius ré an ye gato nai sugum kadit nje wa pemerintah. Sane an kem mo nat gato yé syo bi sugum nai an ne. Yefun Yesus ki nai Matius do, ”Nan ma simo Ji et!” Sane Matius ti ete simo Yefun Yesus.

Yohanes 19:27

Orete An ki nai pakon ne do, ”Nan bi im anane it.” Kadit kam gane it, pakon ne mewa Yefun Yesus bi im. Yefun Yesus bi im si pakon ne kem mo pakon ne bi nu-i.