Lukas 18:19 - Abun Scripture

¹⁹ Yefun Yesus ki nai ye ne do, ”Suma ben to nan ki do, Ji ben Ji bi suk-i ndo ne? Yetu gato ben bi suk-i ndo yo mo nde, wo Yefun Allah ka dik sor anato ben bi suk-i ndo.

Lukas 18:19 Referans Kwoze

Yakobus 1:17

Suk mwa gato men ku kadit Yefun Allah ne ndo sino, suk gato ibit yo mo nde. Yefun Allah syo suk mwa ne nai men. Yefun Allah ne ut suk gato rer mo gu nim ne sato aina e, kam e bí e ne, sarewo Yefun Allah dakai yo win nggwa nde, suk mwa gato An ben kamdik-kamdik An ben tepsu yu sor, An yo gwat ndendu bi os-i nde.

Ibrani 7:26

Sane, Yefun Yesus sa, An dakai anato Yekwesu gato gum kok wai o re. Yefun Yesus sa, tep wa ós men mo suk mwa gato men yé mone. An bi An nggwa wa ben Yefun Allah bi suk-i sor. An yo ben sukibit mo nde, kwa dik yo dom nde. An ben suk mwa ne ndo sino. An ben An bi suk-i tara kadit men yetu gato ben sukibit. Yefun Allah bes An gum kok wai kadit suk mwa neya mo gu o re.

1 Timotius 3:16

Suk gato men krom ré suksangge, men bi sukduno gato nyim neya Yefun Allah gurik ne ndo wai o re, sato ré: Yefun Yesus ma mo bur re, An kaim tepsu yetu kaim. Yefun Allah Gen kadum do, Kristus sa, ben bi suk-i ne sangge sino. Malaikat mwa ne sino me An re. Yé ki sukdu subot An frekbot yetu wisyo-wisyo. Yé mwa mo bur ré iwedewe onyar kem mo An re. An it mo gu nim, mo pe gato ndo wai o re.

Lukas 11:13

Kapre nin anato ye gato ben nin bi suk-i ibit ne, nin jam nin syo suk gato ndo nai nin bi pa. Sane bere, nin ndek suk mo nin bi Ai mo gu yo, bere nin bi Ai syo suk gato ndo wai kadit ne o re. Ye to ndek Yefun Allah wa Yefun Allah syo An Gen, bere An syo re.”

Lukas 1:35

Malaikat ne ki do, ”Bere Yefun Allah Gen ma mo nan. Bere Yefun Allah Gen bi suktinggi ben nan, subere nan ku Pa. Bere nan ku Pa gato yé kendo do Yefun Allah bi Gan. Pa ne Yefun Allah fro dor wa ben Yefun bi suk-i sor re.

Lukas 18:18

Ye Yahudi bi yekwesu dik yo ndo mo Yefun Yesus do, ”Yeguru, Nan sa, Nan ben Nan bi suk-i ndo. Ji ben suk sato suma subere ji kem ndo to kapyo mato kapyo ne?”

Lukas 18:20

Nan jam Yefun Allah bi sukduno sato: Nin ben siri daret nde, nin gu ye yi kwop daret nde, nin syimsi suk nde, nin ndak ye yi gum su sukkidar nde, nin jammo nin bi ai si nin bi im.”