Lukas 17:31 - Abun Scripture

³¹ Bere su kam gato Ji satu ma ne, ye gato ti mo bi nu yu, an is, ete an sok mo nu mit wa nai an bi suk nde. Sane dom, ye gato ben suk mo nggwe satu ma mo an bi nu wa nai an bi suk nde.

Lukas 17:31 Referans Kwoze

Lukas 21:21

Nin do me yeko ne ma yo, ye gato kem mo bur Yudea titi mu mo banbo et. Ye gato kem mo kota titi kadit kota et. Ye gato kem mo kota de nden sok mo kota mit nde.

Matius 16:26

Nin ben suk ket nin mit-i subere nin ku suk mwa mo bur ré, ete nin ges mo os ibit mone, suk mwa gato nin ku ne sato sugum e, san e, nu e ne te, bere ós nin gum sok mo Yefun Allah bi rus-i sa u ne? Yo os nin nde. Bere suk mwa gato nin ku ne, nin syo nai Yefun Allah, ete bere An nai nin gum sok mo An bi rus-i bado? Mo nde, {wo nin sibot os gato Ji kak ne sor.}

Matius 6:25

Sane, Ji ki sare do, sugit wa nin git si syur wa nin da, suk gato nin mitmo subere nin kem mo bur ré, nin nutbot teker eta nde. Sane dom, san wa nin it mo nin kaim, nin nutbot teker eta nde, we sare, men kem mo bur ré anato ndo wai kadit sugit. Sane dom, men kaim anato ndo wai kadit san.