Lukas 17:25 - Abun Scripture

²⁵ Sarewo Ji yo satu ma nde tó, yé mwa gato kem mo bur su ré, bere yé ne bariwa Ji or re, ete yé ben sukye nai Ji ket kwayo-kwayo.

Lukas 17:25 Referans Kwoze

Matius 16:21

Kadit kam ne Yefun Yesus ki rer nai bi pakon ne do, ”Ji mu mo kota Yerusalem et. Mone ye Yahudi bi yepasye e, yekwesú mo Yefun Allah bi nu si ye Yahudi bi yeguru agama bere ben sukye nai Ji ket kwayo-kwayo. Bere yé gu Ji kwop, sarewo kom mo kam we rek, bere Yefun Allah sun Ji kadit sukkwop o re.”

Lukas 9:22

Yefun Yesus ki o do, ”Yetu bi Pa to Ji ré, gato Yefun Allah syogat ma kadit gu ne, bere ye Yahudi bi yepasye, yekwesú mo Yefun Allah bi nu si ye Yahudi bi yeguru agama ne, án sino bariwa Ji or re, ete án ben sukye nai Ji ket kwayo-kwayo. Bere yé gu Ji kwop, sarewo kom mo kam we rek, bere Yefun Allah sun Ji kadit sukkwop o re.”

Markus 8:31

Orge Yefun Yesus duno An bi pakon subot sukye gato ri ma yé ben nai An ne. Yefun Yesus ki nai An bi pakon do, ”Yetu bi Pa to Ji ré, gato Yefun Allah syo ma kadit gu ne, bere ye Yahudi bi yepasye, yekwesú mo Yefun Allah bi nu si ye Yahudi bi yeguru agama ne, án sino bariwa Ji o re, ete án ben sukye nai Ji ket kwayo-kwayo. Bere yé gu Ji kwop, sarewo kom mo kam we rek, bere Yefun Allah sun Ji kadit sukkwop o re.”

Yohanes 1:11

An ma mo An dakai bi nat-i sarewo An bi yetuge-i bariwa An.

Lukas 18:33

Sarewo kom mo kam we rek, bere Ji sun kadit sukkwop o re.”

Markus 12:10

Nin baca sukdu kwa ré mo Yefun Allah bi sukdu mó bado, nde tó e? Sukdu ré ki do, ’Jok gato yé nggo nu su ne, su ketke yé bariwa, án nut do ibit re, ri ma sa yé nai jok ne tepsu jok gato ndo wai wa yé nggo nu ne su o re.

Matius 21:42

Sane Yefun Yesus ki nai yekwesú si yepasye ne do, ”Nin baca sukdu kwa ré mo Yefun Allah bi sukdu mó bado, nde tó e? Sukdu ré ki do, ’Jok gato yé nggo nu su ne, su ketke yé bariwa, án nut do ibit re, ri ma sa, yé nai jok ne tepsu jok gato ndo wai wa yé nggo nu ne su o re. Yefun Allah anato fro jok ne. Men me, ete men nut do, suk gato Yefun ben ne ndo wai o re.’ ”

Yohanes 12:38

Sane suk gato yenabi Yesaya ki suga nyim tuya bor it anane. Yesaya ki do, ”Yefun Allah, je u anato jam mo men bi sukdu-i ne? Men da ki sukdu ne, sarewo yé yo jambot nde. Yé da me Nan bi suktinggi bor re, sarewo yé yo jambot nde.”

Lukas 24:46

Or o, Yefun Yesus ki nai án do, ”Yé krom mo Yefun Allah bi sukdu sare do, bere Yekwesu gato Yefun Allah syogat ma mo bur ré wa nai nin yetu kadit sukye ete jowa nin, bere An ku sukye, An kwop orete yo, kam we rek, ete Yefun Allah sun An kadit sukkwop o re.

Lukas 18:31

Yefun Yesus kendo An bi pakon ge musyu dik sop we ma dor kadit yé yi, orete Yefun Yesus ki nai An bi pakon ne do, ”Men mu mo Yerusalem it anare. Suk mwa gato yenabi krom subot Ji gato Yetu bi Pa ne bere bor mone.

Markus 10:33

Yefun Yesus ki do, ”Men mu mo Yerusalem it anare. Mone yé meret os wa gwat yeko ma wa but Yetu bi Pa to Ji ré, ete yé syo Ji mo yekwesú mo Yefun Allah bi nu si yeguru agama syim. Bere án syokom yé gu ji kwop, án syo Ji mo yewis yi syim-i.

Markus 9:31

we sugane An duno An bi pakon. Yefun Yesus ki nai An bi pakon do, ”Bere yeko ma wa but Yetu bi Pa to Ji ré, ete yé gu Ji kwop wé. Yé gu Ji kwop, sarewo kom mo kam we rek bere Ji sun kadit sukkwop o re.”