Lukas 17:12 - Abun Scripture

¹² Yefun Yesus mu sok mo kampung dik yo saresa, yetu ge musyu dik gato suki borbuk git ne ma ku Yefun Yesus mo kampung de nden. Yé ka musyu dik ne ti ko kadit Yefun Yesus.

Lukas 17:12 Referans Kwoze

Lukas 5:12

Kam dik yo Yefun Yesus si An bi pakon ben suk mo kota dik yo. Mo kota ne yebris dik yo gato suki borbuk git ne ma ku Yefun Yesus. Yebris ne do me Yefun Yesus sa, an bare nggwa mo Yefun Yesus gwem. An ndek mo Yefun Yesus do, ”Yenggras, Nan imo yo, Nan nggiwa Nan ben ji ge kadit suki re, subere ji yo fowa ku ye yi o nde.”

Lukas 18:13

Sarewo ye gato nai sugum kadit nje wa pemerintah ne, an ti ko gan kadit ye Farisi ne. An yo sok mu nim mo gu nde, an nggo an tunap, we an nderku an nggwa mo sukibit mwa gato an ben ne. An ki do, ’Yefun Allah o, ji anato ye gato ben sukibit mwa. Nan maskwa ji o nde, wo Nan jimnotku ji et.’ ”