Lukas 16:23 - Abun Scripture

²³ Yepasye da gesyos ngga mo bot gesyos. An kem mone, ete an ku sukye ndo nde. Yepasye sok mu nim, ete an me Abraham si Lazarus kem mo pe gato ndo, sarewo os syu kadit an re.

Lukas 16:23 Referans Kwoze

2 Petrus 2:4

Bere Yefun Allah syo sukye nai án mo sukibit gato án ben ne, we suga nyim tuya Yefun syo sukye nai malaikat si nje mwa neya mo sukibit gato yé ben ne re. Malaikat gato ben sukibit, Yefun Allah yo misyar nde, wo Yefun syo sukye nai malaikat ne it. Yefun bare malaikat ne mo pe gato yé wai o re. Yefun Allah rai án ete bok án mo pe gato ndendu yut mo bur desnak kret kam gato Yesus Kristus satu ma ndobot men yetu si malaikat sino. Tepsu kam gane bere An syo sukye nai malaikat ne dom.

Lukas 16:28

we ji bi nji ge mumek mone. Sane, nan syogat Lazarus mu wa ki suknapa wa án, subere ji bi nji yo sok mo pe gato yé more nde.”

Matius 23:33

Nin ben nin bi suk-i ibit, nin tepsu kwis! Nin si nin bi amui sino ben sukibit tepsu yu. Bere je u anato nai nin kadit sukye gato bere nin ku mo bot gesyos ne?

Matius 18:9

Sane dom, nin gro dik yo ben nin ges mo os ibit it yo, nin tik nin gro ne buk, ete nin bare wé et. Nin sok mo Yefun Allah bi rus-i mo gu su nin gro dik yo sor re anato ndo wai kadit Yefun Allah bare nin mo bot gesyos su nin gro we ne sino mó.”

Wahyu 20:10

Orete biris bi yekwesu gato ben kidar yé mwa ne, Yefun am mu ngga mo bot sye gato tepsu em ete ru sye basmi kwik su belerang. Yefun Allah am biris bi yekwesu mo nat gato Yefun am suge doketke si suge kedowe, gato tepsu yenabi gato kidar nje ne, nyim wé re. Mo bot ne, biris bi yekwesu e, suge doketke si yenabi ne ku sukye ete dipa su noru nombrak sane sor to kapyo mato kapyo.

Lukas 8:28

Yesemda ré me Yefun Yesus sa, an saiye, an bare nggwa mo Yefun Yesus gwem, ete an saiye nggi do, ”Yesus, Yefun Allah gato gum kok sye wai ne bi Gan, Nan ma ku ji wa suma ne? Ji ndek mo nan do, Nan ben sukye nai ji nde.”

Matius 5:29

Sane nin gro do ben nin ben sukibit it yo, nin tik buk mu nden, ete nin am wé. Kwa dik yo mo nin kaim ibit anato ndo wai kadit Yefun am nin kaim sino mo bot gesyos.

Matius 5:22

Sarewo Ji ki sare do, ye to maskwa ket an bi nji, bere Yefun syo sukye nai. Sane o, ye to kendo an bi nji do, ’Nan yeibit,’ bere ye gwat mu mo ye Yahudi bi yepasye si yekwesu gato sum sino wa kibot sukdu ibit gato an ki ne. Sane o ye to kendo an bi nji do, ’Nan jimgon,’ bergan Yefun am ye ne mo bot gesyos.

1 Korintus 15:55

”Sukkwop a, nan bi suktinggi mo u ne? Sukkwop a, nan bi ri wa nan gu men kwop su ne mo u ne?”

Matius 11:23

Sane dom, nin yé gato kem mo kota Kapernaum, bere yé bes nin gum kok wai kadit nje mo kota yi neya bado? Sane nde, bere Yefun Allah bare nin mo bot gesyos. Suk mwa gato Ji ben kota Kapernaum gato ben nje mone yeket ne, Ji do ben mo kota Sodom suga nyim ne yo, yé mo kota Sodom kwet kadit sukibit gato án ben ne, ete su ré kota ne mó tó.

Matius 8:29

Semda ben ye we ne saiye ket Yefun Yesus do, ”Yefun Allah bi Gan, Nan ma ku men wa suma ne? Men yo kom mo kam gato Yefun Allah ma ndobot men yetu nde tó, ete Nan ma wa ben sukye nai men su mit ré bado?”

Lukas 16:24

Sane, yepasye ne saiye do, ”Yenggras Abraham, nan jimnotku ji et! Nan syogat Lazarus ras an sopkwa mo syur, or an gwat ma an ras mo ji brip, we more bot sye kam is ji ndo nde.”