Lukas 16:22 - Abun Scripture

²² Kom mo rut sa, Lazarus kwop re, ete malaikat ma kar an da gesyos mu mo pe gato Abraham kem mone, an we kem mo pe gato ndo ne. Sane yepasye ne waii kwop o, ete yé bi an mo bur.

Lukas 16:22 Referans Kwoze

1 Petrus 2:24

Sukibit mwa ne sino gato men yetu ben ne tepsu sukde gato Yesus Kristus sam wa men. Ben sato Kristus sam men bi sukde ne mo An kaim mu kom mo kwesukwin. An kwop wa men, An tot suktot mo sukibit mwa gato men ben ne or wé mone, subere men gum pakwerut wa ben sukibit o nde, wo men ben men bi suk-i ndo tepsu Yefun Allah mit sor. Yé sap Kristus wip e, yé mban An mo kwesukwin e, yé ben sukye nai Kristus ket kwayo-kwayo e ne, anato nin ku os wa nin ge kadit nin bi suki mwa ne, orete nin kem ndo mone it.

Wahyu 14:13

Orete ji jam sukdu kadit gu ne sare do, ”Nan krom sare do: Kadit kam ré yo, yé gato ben Yesus Kristus bi suk-i, ete kwop mone, yé ne sa, mit at wa, we bere Yefun ben sukndo su án.” Yefun Allah Gen ki do, ”Sangge, yé ne ku suk mwa gato ndo mo suk gato án ben ne. Sane yé ne yo mitwa ben suk mwa o nde, wo án kem not kadit re.”

Yakobus 1:11

Kam it, ete kam gat yó, kam gat es u ne mbrai ete i-u ne ges re. Sane dom, ye gato ku suk mwa, an werwa sum suk mwa wa an dakai mo bur ré saresa, an dakai kwop su mit wé kadit bur ré re.

Yohanes 13:23

Yefun Yesus bi pakon ge dik yo kem karowa Yefun Yesus de. Yefun Yesus bi sukjimnut sye kas subot pakon ne. {Pakon ne anato Yohanes gato krom sukdu ré.}

Markus 8:36

Nin ben suk ket nin mit-i subere nin ku suk mwa mo bur ré, ete nin ges mo os ibit mone, suk mwa gato nin ku ne sato sugum e, san e, nu e ne te, bere ós nin gum sok mo Yefun Allah bi rus-i sa u ne? Yo os nin nde.

Ibrani 1:14

Yefun yo ki sukdu bok ne subot malaikat nde, sane malaikat ne te suma gei ne? Malaikat ne anato suk gato da kridek yo mo nde, wo malaikat da gesyos sor ete mó. Yefun Allah yo bes malaikat tepsu An bi Gan gato Yekwesu si Yefun sino nde, wo Yefun syogat malaikat mu ós nje gato bere kem ndo to kapyo mato kapyo mo Yefun Allah bi nat-i ne sor re.

Matius 24:31

Malaikat dik yo fuf trompet ba sye yo, bere Ji syogat Ji bi malaikat mubot bur ré iwedewe nai yé gato Yefun Allah fro suga nyim wa An nai sok mo An bi rus-i ne. Malaikat ne bere nai yé ne kadit nobu nim, kadit nobu ket, kadit nobu sem, kadit nobu nden. Malaikat nai yé mwa ne sor kadit bur ke kom mo bur naprut ne.”

Matius 18:10

”Sane nin mewa nin nggwa subere nin gwat os ibit wa pa wokgan sato ré nde, we Ji ki sare do, malaikat gato mewa pa ré mu ku Yefun Allah mo gu petok sor. [

Ibrani 2:14

Pa mwa ne tepsu yetu gato da kridek. Sane anato Yefun Yesus dakai ben nggwa tepsu yetu gato da kridek mó dom. An ben nggwa tepsu yetu subere An kwop sa, An ku os wa An nai biris bi yekwesu bi suktinggi gato gwat sukkwop ma wa men yetu ne wé. Yefun Yesus ben biris bi yekwesu ibit it anare, Yefun syat suktinggi ibit ne wé re.

Yohanes 21:20

Petrus brek sa, an sokme pakon gato Yefun Yesus jimnotku boribot an we. Pakon ré, tomgato Yefun Yesus si bi pakon sino git sugit su noru, an anato kem karowa Yefun Yesus de, ete an ndo mo Yefun Yesus do, ”Je u ana meret os wa gwat yeko ma wa but Nan ne?”

Lukas 12:20

Sarewo Yefun Allah ki nai ye ne do, ’Nan jimgon, su noru ré it yo, nan kwop it are. Sane bere je u anato ku nan bi suk mwa gato nan sum ré ne? Bere nan bi suk mwa ne sok mo ye yi.’ ”

Matius 8:11

Ji ki sare do, bere su kam sari ne ma yé mwa git sugit mo pesta sye mo pe gato Yefun Allah jowa nje tepsu men bi Yekwesu, sarewo yewis ye Israel gato bi yepasye mo Abraham e, Isak e, si Yakub ne bere yo mwa nde, wo yewis yi mwa kadit bur ré iwedewe si yepasye ka gri ne bere git sugit sino mone.

Lukas 16:21

Lazarus on de ndo nde. Lazarus mit iwa an git sugit napta gato yepasye bare wé mo nden, sarewo sugit ne yo kom an nde. Sane dom, ndar ma rim an wip mone.

Yohanes 1:18

Yetu yo ku Yefun Allah yo mo nde, wo Yefun Allah dakai bi Gan ge dik ne sor ete sisu Yefun Allah. Yesus Kristus si An bi Ai ben suk tepsu dik. Yesus Kristus anato kadum An bi Ai nai men yetu jam re.