Lukas 16:2 - Abun Scripture

² Sane yepasye ne kendo pakwerut ne ma ku an. Yepasye ne ki do, ’Sukdu gato ye ndak nan su ne, gato ye ki nai ji jam ne sangge bado? Sane nan krom subot suk mwa gato nan ben su ji bi sugum si ji bi suk mwa ne subere ji jam et. Nan ben suk tepsu ji bi pakwerut gato jom sugum ne o nde it anare.’

Lukas 16:2 Referans Kwoze

Wahyu 20:12

Ji sokme yé mwa ne sino gato kwop sum mo kursi sye ne gwem. Yé gato gum sye e, yé gato gum wok e ne, yé mwa gato kwop ne sino ti mo kursi sye ne gwem. Buku bok yo kak mone. Orete ye nai Buku dik yo o ma, ye kak mone dom. Ye krom yé gato bere kem gesyos ne gum mo Buku ne. Or o Yefun Allah syo sukye nai yetu gato kwop ne tepsu sukdu gato ye krom mo buku bok ne. Yefun Allah syo suk nai yetu mwa ne tepsu suk gato yetu mwa ne ben re.

1 Petrus 4:10

Yefun Allah syo suktinggi mo nin kadik-kadik tara kadit yu wa ben nin nggiwa nin ben nin bi suk-i wa ós nje. Sane suktinggi gato Yefun Allah syo nai nin yi ne, nin ben suk su suktinggi ne sisu ri-roi wa ós ye yi et.

1 Petrus 4:5

Wo yo nam nde ge, Yefun Allah ndobot yé gato mbau si yé gato kwop ne sino. Bere Yefun Allah ndobot án mo suk gato án kiket nin mone, ete Yefun syo sukye nai án o re.

1 Timotius 5:24

Sukibit gato yetu deyo ben ne, napyo bor wa yé mwa jam do, bere yé ne ku sukye mone tó. Sarewo sukibit gato yetu deyo o ben ne, yo bor sugane nde, wo kom mo rut sa, bere yé mwa ne jam mone tó.

1 Timotius 4:14

Suktinggi gato Yefun Allah Gen syo nai nan sugato yekwesu mo nu ari sum ete ak syim mo nan ne, ete yenabi ki sukdu kadit Yefun Allah mone, nan ben suk su suktinggi ne, nan misyar nde.

2 Korintus 5:10

we su kam gato Kristus ma ne, bere An ndobot men yetu mwa ne sino. Mone yetu gedik-gedik ku suk tepsu suk gato án ben mo bur ré. Men yé gato ben sukndo, bere men ku suk gato ndo mone, wo yé gato ben sukibit, bere yé ne ku sukye mone.

1 Korintus 4:5

Sane su ré yo, men ki ye yi gum ibit mo suk yo daret nde. Kam gato men ki ye yi gum ibit anare nde tó, wo men eswa men bi Yekwesu Yefun Yesus ma mo bur ré, ete Yefun dakai kibot men yetu mwa ne. Bere Yefun Yesus rek suk mwa gato men gurik mo pe gato ndendu kadit yu ne bor wa yé mwa jam. Bere Yefun Yesus rek yé mwa ne sino bi sukjimnut-i ne bor wa yé mwa jam dom. Sane, sugane Yefun Allah un men yé gato ben sukndo mo suk gato men ben ne.

1 Korintus 4:2

Ye bes yetu ge dik yo gum wa ben suk yo, ye ne bere jammo ye gato bes an ne sor, an yo brek kadit wokgan yo dom nde.

1 Korintus 1:11

Ji bi nji, ji bi nyanggon, Kloe bi rus-i ge bok yo ma ki nai ji do, nin duwer yu, nin maskwa yu mone.

Roma 14:12

Sane bere men yetu gedik-gedik dakai ki rek subot suk mwa gato men dakai ben ne mo Yefun Allah gwem sor. Sane men mewa men nggwa kadit men ki yu daret nde.

Lukas 12:42

Yefun Yesus ki do, ”Pakwerut gato jam suk mwa, ete ben bi suk-i ri-roi tepsu bi yenggras mit ne te, men jam pa ne sa u ne? Pa ne ben bi suk-i sa u ne? Pa ne anato tepsu pa gato yenggras bes tepsu yesu wa yenggras bi pakwerut ne sino. Pa ne mewa pakwerut bok neya sisu ndo, pa syo sugit tep wa pakwerut mwa ne git sino.

Lukas 12:20

Sarewo Yefun Allah ki nai ye ne do, ’Nan jimgon, su noru ré it yo, nan kwop it are. Sane bere je u anato ku nan bi suk mwa gato nan sum ré ne? Bere nan bi suk mwa ne sok mo ye yi.’ ”

Matius 12:36

Ji ki sare do, su kam gato Yefun Allah ndobot yetu mwa ne sino, bere Yefun Allah ndo men subot sukdu kwayo-kwayo gato men ki daret ne sino re.

Matius 20:8

Kom mo noru, ye gato bi nggwe ne ki nai an bi pa gato tepsu yesu wa yé mwa gato ben suk mone do, ’Nan kendo yé gato ma ben suk ma sum, ete nan syo sugum nai án mo án bi kamba et. Nan syo bi gaji nai yé gato ma ben suk kadit kre ne nyim, orete nan syo nai ye gato ma ben suk kadit nyotkwo wari.’

Lukas 16:1

Yefun Yesus ki nai An bi pakon do, ”Yepasye dik yo gato bi suk mwa, yenggras ne bi pakwerut dik yo gato jom an bi sugum si suk mwa. Sarewo ye yi ndak ye gato jom yenggras ne bi sugum si suk mwa ne do, pakwerut ne kamo su yenggras bi suk mwa anato deyo ges or re.

Lukas 16:3

Sane pakwerut ne nut mo an syidem do, ’Ji ben suma su ré ne? Ji bi yenggras syun ji kadit an bi nu it anare. Sane bere ji ku sugum wa ji so sugit su ne sa u ne? Ji yo nggiwa ji ben nggwe nde. Ji damen wa ji ndek suk mo nje dom.