Lukas 16:15 - Abun Scripture

¹⁵ Yefun Yesus ki nai án do, ”Nin anato ben suk subere yé mwa nut do, nin sa, ben sukndo, ondewo Yefun Allah jam nin mit-i tara re. Suk gato yetu nut do, ndo, Yefun Allah nut do, ibit.”

Lukas 16:15 Referans Kwoze

1 Korintus 4:5

Sane su ré yo, men ki ye yi gum ibit mo suk yo daret nde. Kam gato men ki ye yi gum ibit anare nde tó, wo men eswa men bi Yekwesu Yefun Yesus ma mo bur ré, ete Yefun dakai kibot men yetu mwa ne. Bere Yefun Yesus rek suk mwa gato men gurik mo pe gato ndendu kadit yu ne bor wa yé mwa jam. Bere Yefun Yesus rek yé mwa ne sino bi sukjimnut-i ne bor wa yé mwa jam dom. Sane, sugane Yefun Allah un men yé gato ben sukndo mo suk gato men ben ne.

Suk Gato Yerasul Ben Ne 15:8

Yefun Allah, gato jam men yetu mit si men onyar kom mo mit, An syo An Gen bok nggwa mo yewis yi tepsu An syo An Gen bok nggwa mo men re. Sane, men jam kadit ne do, Yefun Allah mit iwa yewis yi sok mo An bi rus-i tepsu men ye Yahudi sok mo An bi rus-i.

1 Petrus 3:4

Wo nggon gato kur mek sisu sangge anato nggon gato mbrau mom mit su suk sato ré, nggon ne kem not ete ben bi suk-i sisu njep sor. Nggon ben bi suk-i sane bere tepsu nggon ne kur mek mo an mit to kapyo mato kapyo anane. Yefun Allah nut do, nggon gato ben bi suk-i sane anato ndo wai,

Lukas 11:39

Sane Yefun Yesus ki nai ye Farisi ne do, ”Nin, ye Farisi, nin mus gelas si mbem mo de nden kwo sor re, wo mo mit ne dum ndo nde, tepsu nin ben nin nggwa ndo mo nden sor re, wo nin mit tara re, nin gro sye wa nin ku suk mwa, nin ben sukibit mwa ye re.

Lukas 10:29

Yeguru ne bariwa an damen mo yé mwa gwem, sane an waii ndo mo Yefun Yesus o do, ”Je u anato gum do, ’ye yi’ gato ji bi sukjimnut sye kas subot ne?”

Wahyu 2:23

Yé bok ne sino gato simo nggon ne, bere Ji gu kwop wé. Ji gu yé bok ne kwop wé, subere yé gato onyar kem mo Yefun Yesus mo nu ari mwa ne sino jam do, Ji anato jam kadik-kadik bi sukjimnut-i kom mo mit re. Yé bok ne yo ku os wa gurik sukibit gato án ben ne nde. Bere Ji ben sukye nai kadik-kadik tepsu sukibit gato án ben ne.

1 Petrus 5:5

Sane dom, nin yemsok si nggonnak, nin jammo ye gato ka yenggras et. Nin sino ben suk njep nai yu et. Nin bes nin nggwa kok dom nde, we mo Yefun Allah bi sukdu, ye krom sare do, ”Yefun Allah bariket ye gato bes nggwa kok, wo An ben An bi suk-i ndo su ye gato ben an nggwa ga tepsu pa wokgan.”

Roma 3:20

Sane anato kapre men yetu werwa men benbot ye Yahudi bi sukduno-i ne yo, bere men yo ku os ndo mone nde. Yefun Allah ki mo ye gato werwa benbot sukduno ne do, sukduno ne yo kak os wa án sok mo Yefun Allah bi rus-i nde, wo sukduno ne ós wa kadum suk gato Yefun Allah bariwa men yetu sino mo bur ré ben ne sor re.

Yohanes 2:25

Yefun yo mitmo yetu ge dik yo ki rer nai Yefun Yesus jam subot yetu nde, we An jam yetu mit si onyar sino re.

Matius 23:5

Suk mwa gato án ben ne, án ben subere yé me suk gato án ben ne sor re, wo án mit tara re. Án it kotak wokgan mo án git si án syim yo, án ben kotak ne sye wai kadit yé yi ne, subere yé nut do, án sa, yepasye mo Yefun bi de-i. Sane dom, san yar gato yé bit mo án bi san nap ne, án ben án bi ne syu wai, subere yé nut do, án sa, yekwesu mo Yefun bi de-i.

Lukas 18:21

Ye ne ki do, ”Sukduno mwa ne sino ji benbot kadit ji ka yemsok ne it.”

Lukas 18:11

Ye Farisi ti mone, an ki suk su Yefun Allah, sarewo an ki subot an dakai sare do, ’Ndo mo Yefun Allah, Nan, we ji yo ben sukibit sato ye yi nde. Ji yo gro sye wa suk nde, ji yo syimsi suk nde, ji yo kidar suk nde, ji yo ben siri su nggon yo mo nde. Yé mwa ne ben suk sane, wo ji yo ben suk sane nde. Ji ki ndo mo Yefun Allah, Nan, we ji ré yo ben sukibit tepsu ye gato nai sugum kadit nje wa pemerintah gato ti reya nde.

Suk Gato Yerasul Ben Ne 1:18

(Sugum gato Yudas ku mo sukibit gato an ben ne anato ye so bur det su ne. Bur det gato an kwop mone anato ye so ne. Mo bur det ne an ges gwa mo bur, an onyar buk kadit an kaim syesyar mo nden or sino re.

Lukas 20:47

Yeguru ne kidar nggonna subere án nai suk mo nggonna ne bi nu or sino. Sane dom yeguru ne benadi syu, subere yé mwa gato me yeguru benadi sane nut do, yeguru ré sa, ben Yefun Allah bi suk-i sisu ndo, ondewo yeguru ben bi suk-i ibit re. Sane bere Yefun Allah syo sukye gato de wai nai yeguru gane o re.”

Lukas 20:20

Sane yeguru si yekwesú ne eswa bi kam-i tep wa án but Yefun Yesus. Yekwesú ne syo sugum nai yetu ge bok yo gato ben nggwa tepsu ye gato ben sukndo. Yé bok ne mu ndarwa Yefun Yesus, yé ne meret os wa ben kidar Yefun Yesus. Án ndobot Yefun Yesus, subere Yefun Yesus do ki suk yo siri it yo, án ku os wa án but Yefun Yesus, ete án gwat Yefun mu án syo mo yepasye gato jowa bur ne syim-i.

Matius 6:16

”Nin mewa nin nggwa kadit nin git sugit yei yo, nin ben nin gwem ibit saga ye gato kidar do, an onyar kem mo Yefun, sarewo an mit tara ne nde. Ye ne misyar an kaim subere yé mwa jam do, an mewa an nggwa kadit sugit yei wa an ki suk su Yefun. Suk gato Ji ki ré suksangge anare, yetu bes ye ne gum kok mone sor re, wo bere Yefun yo syo suk yo nai an o nde.

Matius 6:5

”Nin ki suk su Yefun Allah yo, nin ben saga ye gato kidar do, an onyar kem mo Yefun, sarewo an mit tara ne nde. Yé ne iwa án ti, ete án ki suk su Yefun mo ye Yahudi bi nu ari e, mo os de e neya, subere yetu me suk gato án ben ne. Suk gato Ji ki ré suksangge anare, yetu bes án gum kok sor re, wo bere Yefun yo syo suk yo nai án o nde.

Matius 6:2

Sane, nin syo suk nai ye gato yewa suk yo, nin ki sukdu sye subot suk gato nin ben subere yé mwa jam mone, bere siri re. Ye gato kidar do, an onyar kem mo Yefun, sarewo an mit tara re anato ki subot sukndo gato án ben ne bor subere yé mwa jam. Sane nin ben suk tepsu ye ga sane nde. Yé ne ki bor mo ye Yahudi bi nu ari e, mo os de neya. Yé ne ki subot sukndo gato án ben bor sane subere yé mwa bes án gum kok. Suk gato Ji ki ré suksangge anare, yetu bes án gum kok sor re, bere Yefun yo syo suk yo nai án o nde.

Yohanes 21:17

Yefun Yesus ndo mo Petrus wam do gri o do, ”Simon, gato Yohanes bi pa, nan jimnotku Ji bado?” Petrus kwabom dek, we Yefun Yesus ndo mo an ne sor kom mo wam gri it. Sane Petrus ki nai Yefun Yesus do, ”Yenggras, men bi Yekwesu, Nan sa jam suk mwa ne sino kom mo mit, Nan rer mo Nan dakai. Nan jam do, ji jimnotku Nan re.” Orete Yefun Yesus ki nai an do, ”Sane yo, nan mewa Ji bi pakon ne tepsu ye mewa suksi sato domba gan sisu ndo et.

Lukas 18:9

Yefun Yesus duno nje mone sa, ye deyo nut do án sa, yé gato ben sukndo tepsu Yefun mit wai kadit ye yi neya. Yé ne bes án nggwa kok, yé ne nut do ye yi yo ben suk-i ndo teker nde.

Lukas 18:14

Sane Yefun Yesus ki do, ”Ji ki sare do, ye gato nai sugum kadit nje wa pemerintah ré, an satu mo an bi nu sa, Yefun Allah nut do, ye ré anato ben sukndo tepsu Yefun Allah mit. Yefun Allah yo maskwa an mo sukibit gato an ben ne o nde. Wo Yefun Allah yo iwa ye Farisi ne nde. Sane, ye gato bes an nggwa kok tepsu an yepasye, bere Yefun Allah ben an damen or re, wo ye gato ben an nggwa ga tepsu pa wokgan, bere Yefun Allah dakai bes an gum yepasye o re.”

Suk Gato Yerasul Ben Ne 1:24

Yé kibot Yusuf si Matias, orge yé ki suk su Yefun do, ”Yefun, Nan sa, jam men yetu mit si men onyar ne sino, sane kadit ye we ré, Nan kadum ye gato Nan iwa men bes win Yudas,

Roma 8:27

Sane suk gato Yefun Allah Gen ndek mo Yefun wa ye gato onyar kem mo Yesus Kristus ne, bere sukdu ne tepsu Yefun Allah mit re. Sane anato Yefun Allah gato jam men yetu kom mo mit ne, An jam An Gen bi sukjimnut-i re.