Lukas 15:28 - Abun Scripture

²⁸ Pa dosye ne maskwa ndo nde it anane. Sane pa dosye bariwa an sok mo nu mit. Sane an bi ai syesyar wa bidek pa ne subere pa sok mo nu mit.

Lukas 15:28 Referans Kwoze

Lukas 15:2

Ye Farisi si yeguru agama me Yefun Yesus ki sukdu su ye gato gum ibit ne sa, ye Farisi si yeguru ne kiket Yefun Yesus, án ki do, ”Bei! Ye ré ma nuk sukdu su ye gato gum ibit ré. Ye ré kak An mit wa ye gato ben sukibit ré, ete An si yé ne git sugit sino dom.”

Lukas 7:39

Ye Farisi gato kendo Yefun Yesus ma git mo an bi nu ne, an me suk gato nggon ne ben sa, an nut mo an mit do, ”Ye ré tepsu yenabi sangge yo, ye ré, ye gato jam suk rer yo, bere An jam do, nggon gato rot An, nggon ne anato nggon gato ben suksiri mwa.”

Suk Gato Yerasul Ben Ne 14:2

Sarewo ye Yahudi ge bok yo gato bariwa sukdu ne, án krokgat yewis yi ge bok yo subere án bariket ye gato onyar kem mo Yefun Yesus ne.

Suk Gato Yerasul Ben Ne 13:45

Ye Yahudi me yé mwa mit iwa ma jam an we bi sukdu-i, sane ye Yahudi ne on sa mone, we yé mwa ne misyar suk gato ye Yahudi bi yesu ki ne, wo yé iwa jam sukdu gato an we ki ne sor. Sane ye Yahudi ne kabor an we. An ki Paulus ket kwayo-kwayo mo sukdu gato Paulus ki ne.

Lukas 24:47

Bere yé mu kibot suk gato Kristus ben ne nai yewis mwa mo bur ré sino jam. Bere yé ki do, ’Nin onyar kem mo Yekwesu gato Yefun Allah syogat ma mo bur ré et! Nin onyar kem mo An eteyo, nin kwet kadit sukibit gato nin ben ne, ete nin jammo An yo, bere Yefun Allah yo maskwa nin mo sukibit mwa gato nin ben ne o nde, tepsu An tot sukibit ne wé kadit nin re.’ Bere yé ki sukdu ne frekbot bur ré iwedewe, yé ki nai nje mo kota Yerusalem jam nyim, orete yé ki nai yewis mwa ne mo bur ré or sino jam re.

Lukas 13:34

Yefun Yesus ki do, ”Kamapa! Nin yé gato kem mo kota Yerusalem, nin gu yenabi kwop, nin am ye gato gwat Yefun Allah bi suktaru ma ne su jok. Kapre nin gu yenabi kwop sane o, Ji iwa Ji mewa nin tepsu ndam kokor mewa bi gan mo i desnak, sarewo nin bariwa re.

Lukas 5:30

Sarewo ye Farisi si yeguru agama bok yo gato sok mo ye Farisi bi det-i, án nut do, suk gato Yefun Yesus ben ne ibit. Sane án ndo mo Yefun Yesus bi pakon do, ”Suma ben anato nin si ye gato nai sugum kadit nje wa pemerintah si ye gato gum ibit ré git sugit sino sare ne?”

Matius 20:11

Án ku sugum ne sa, án maskwa, án kabor ye gato bi nggwe ne.

1 Tesalonika 2:16

Ye Yahudi bok gane ben sukye wa men, subere men yo ku os wa men ki Yefun Allah bi sukdu nai yewis yi nde. Sukdu subot os ndo gato Yesus Kristus gato kak wa men subere men kem ndo to kapyo mato kapyo ne, ye Yahudi ne bariwa men ki nai yewis yi neya jam. Án ben sukibit mwa gat sane sor, tep more it. Su ré, bi kam-i ne tep it, Yefun Allah bi sukmaskwa kom mo án re.

2 Korintus 5:20

Sane Yefun Allah bi suktaru subot os be gato Kristus kak ne, men anato mu ki napyo nai nje jam. Yefun anato kendo yetu mwa ne ma wa si An kem ndo mo sukdu gato men ki ne. Sane nin jammo sukdu subot Kristus gato men ki ré et: Nin bariwa nde, wo nin sibot os be subere nin si Yefun Allah kem ndo su yu se!

Roma 10:19

Ji ndobot o do, ye Israel jam sukdu subot Kristus ne ri re, bado nde tó, e? Ye Israel ne da jam, sarewo án bariwa jammo sukdu ne, wo yewis yi sor ete iwa jammo. Musa ki subot suk gato bor mo yewis yi suga nyim ne. Musa krom sukdu gato Yefun Allah ki nai ye Israel sare do, ”Yewis yi neya gato nin nut do ye jam nde gum ne, bere Ji ben nin maskwa ket yewis yi ne mo os ndo gato Ji fro wa án ne. Bere Ji ben nin maskwa ket yewis yi gato nin nut do jam suk nde.”

Suk Gato Yerasul Ben Ne 14:19

Orge ye Yahudi ge bok yo ma kadit kota Antiokhia si kota Ikonium ma mo Listra. Yé bok ne ben kidar yé mwa mone subere yé mwa ne simo os ibit gato án ben ne, or án sino am Paulus su jok wa gu Paulus kwop. Án am Paulus su jok, án nut do Paulus kwop re, or án gwat Paulus mu mo kota de nden.

Suk Gato Yerasul Ben Ne 13:50

Sarewo ye Yahudi ge bok yo meret os subere nggon pasye gato sok mo ye Yahudi bi agama ge bok yo si yepasye mo kota ne sino maskwa ket an we. Sane yé bok ne meret os, án krokgat nje mone subere yé ben sukye nai Paulus si Barnabas, án syun ye we wé kadit án bi bur-i.

Markus 1:40

Yefun Yesus mubot bur Galilea sa, yebris ge dik yo gato suki borbuk git ne ma mo Yefun Yesus. Suki ne git an kaim ibit or re. An do me Yefun Yesus sa, an tu an umsu mo Yefun Yesus gwem. An ndek mo Yefun Yesus do, ”Yenggras, Nan imo yo, Nan nggiwa Nan ben ji ge kadit suki ré, subere ji yo fowa ku ye yi o nde.”

Lukas 15:27

Pakwerut ne ki do, ’Nan bi nji dowok satu ma mo nu re. Nan bi nji satu ma ku nan bi ai o re, sane nan bi ai gu sapi gan gato sye wa men konwa.’

Lukas 15:29

Sarewo pa dosye ne ki nai an bi ai do, ’Tahun bok yo it anare, ji ben suk wa nan, ji kamba ndo nde. Ji yo misyar suk gato nan syogat ji ben ne yo mo nde, ji ben suk mwa ne or sino re. Sarewo nan syo suk sato suma nai ji mo ji bi kamba ne? Nan yo syo sukwokgan sato kambing wa ji si ji bi yesyim konwa ji wam dik yo dom nde.