Lukas 14:33 - Abun Scripture

³³ Orge Yefun Yesus ki do, ”Sane dom, ye gato simo Ji nutbot sisu ndo et, we ye gato yo misyar an bi suk-i or wé nde yo, Ji bariwa ye ne tepsu Ji bi pakon.”

Lukas 14:33 Referans Kwoze

Lukas 5:28

Sane Lewi ti, an misyar an bi suk mwa ne kem, ete an simo Yefun Yesus.

Lukas 14:26

”Ye to iwa simo Ji, sarewo ye ne bi sukjimnut sye mo bi ai si bi im wai kadit Ji it yo, Ji bariwa ye ne simo Ji tepsu Ji bi pakon re. Ye to bi sukjimnut sye mo bi nggon, si bi pa wai kadit Ji it yo, Ji bariwa ye ne simo Ji tepsu Ji bi pakon re. Ye to iwa simo Ji, sarewo ye ne bi sukjimnut sye mo bi nji si bi nyanggon it yo, Ji bariwa ye ne simo Ji tepsu Ji bi pakon re. Ye to jimnotku an nggwa wai kadit Ji it yo, Ji bariwa ye ne simo Ji tepsu Ji bi pakon re.

Lukas 5:11

Sane Simon si bi yesyim tik kwem we ne mo nden or, án misyar án bi suk mwa ne kem, orete án si Yefun Yesus mu sino.

2 Timotius 4:10

we, Demas mu kadit ji re. An bi sukjimnut sye mo suk mwa mo bur ré re. An mu kadit ji, an mu mo kota Tesalonika. Kreskes mu mo bur Galatia, Titus mu mo bur Dalmatia.

Lukas 14:32

Yeraja ré do nut do, an yo nggi nde it yo, yeraja motu ne os syu kadit an tó, an syogat yegweswai ge bok yo mu gwawa an. Bere yegweswai ne gwat suktaru do, ’Men kibot sisu ndo or et. Men yo gu yu nde, wo men kem not, ete men jom syim sor.’ ”

Ibrani 11:26

Musa nut do, ye kabor an gum mo sukndo gato an ben anato ndo wai kadit an ku suk mwa mo bur Mesir ne sino, we an bi sukjimnut kas ko kom mo os ndo gato kam sari ne ma bere Kristus kak ne. An bi sukjimnut kas ko kom mo sukndo gato bere an ku mo Yefun bi nat-i.