Lukas 14:32 - Abun Scripture

³² Yeraja ré do nut do, an yo nggi nde it yo, yeraja motu ne os syu kadit an tó, an syogat yegweswai ge bok yo mu gwawa an. Bere yegweswai ne gwat suktaru do, ’Men kibot sisu ndo or et. Men yo gu yu nde, wo men kem not, ete men jom syim sor.’ ”

Lukas 14:32 Referans Kwoze

Suk Gato Yerasul Ben Ne 12:20

Yeraja Herodes ne, an maskwa ket ye Tirus si ye Sidon. Sane ye Tirus si ye Sidon tepsu dik wa án mu ku Herodes, subere án si Herodes kem not, we án nai án bi sugit mo Herodes bi bur-i ne. Ye Tirus si ye Sidon meret os subere án si Herodes kem not. Sane ye Tirus si ye Sidon ne mu ku Blastus gato ós Herodes mo Herodes bi nu sye. Herodes onyar kem mo Blastus. Sane ye Tirus si ye Sidon ndek Blastus kak os wa án ku Herodes wa kibot suk, subere án si Herodes yo maskwa yu o nde, wo án jom syim, ete kem not.

Lukas 12:58

Ye yi do maskwa nan, ete werwa nan bi denda kit an, orete an gwat nan mu mo pe gato yepasye kibot sukmaskwa ne yo, sa ndo sa nin ka we yo mu kom mo pe ne nde tó, nan si an kibot sukmaskwa ne or wé mo os miten. Wo nan yo ben sane nde yo, bere ye ne gwat nan kom mo yepasye gato kibot sukmaskwa ne. Bere yepasye ne syo nan mo yesukmise syim, ete yesukmise gwat nan mu sok mo sel.

Matius 5:25

Ye yo maskwa nin subot suk yo ete werwa nin bi denda kit an yo, sa ndo sa nin si an mu kom mo pe gato yepasye kibot sukmaskwa ne nde tó, nin si an dakai kibot or wé et. Wo nin si an kibot nde yo, bere yenggras gato kibot sukmaskwa ne syo nin mo yesukmise syim, orete yesukmise bok nin mo sel.

Matius 5:42

Ye yo ndek suk mo nin it yo, nin syo nai an sor. Ye yo ndekwa nin bi suk yo nai an yei, ete an tom do, bere an syo satu nai nin o yo, nin syo nai an sor.”

Lukas 14:31

Or o, sato yeraja dik yo mitwa futma gu yeraja dik yo o bi nje te, bere yeraja ré ben suma ne? Bere yeraja ré kem ete an nutbot do, ’Ji bi yesukmise ré ge ribu musyu dik sor re. Sarewo yeraja motu ne bi yesukmise ge ribu musyu we. Yeraja ne do futma gu men yo, bere men anato nggi wai bado, men yo nggi tep nde e?’

Lukas 14:33

Orge Yefun Yesus ki do, ”Sane dom, ye gato simo Ji nutbot sisu ndo et, we ye gato yo misyar an bi suk-i or wé nde yo, Ji bariwa ye ne tepsu Ji bi pakon.”

Lukas 19:14

Sarewo yé mo bur ne bariket yepasye ne. Sane yé syogat yé bok yo mu boribot an subere yé bok ne ki nai yekwesu mone do, ’Men bariwa nan bes ye ne gum yeraja wa jowa men mo men bi bur-i.’