Lukas 14:15 - Abun Scripture

¹⁵ Yetu ge dik yo gato si nje git mone jam Yefun Yesus ki sukdu ne sa, ye ne ki do, ”Bere mo pe gato Yefun Allah jowa men tepsu men bi Yekwesu ne, ye to git sugit mo pesta sye mone yo, ye ne mit at wa wai o re.”

Lukas 14:15 Referans Kwoze

Wahyu 19:9

Orete malaikat ne ki nai ji do, ”Nan krom sukdu gato ji ki ré et: Ye gato ye kendo ma simo Domba Gan bi sukra gato ye konwa ne, ye ne sa, mit at wa.” Orete malaikat ne ki o do, ”Sukdu gato ji ki ne, Yefun Allah bi sukdu gato sangge anane.”

Lukas 22:30

Bere kam sari ne ma mo pe gato Ji jowa yé bok ne sino, nin sisu Ji, nin si Ji kem mone. Men git sino mo pe gato Ji fro wa yekwesu ne. Nin gum yekwesu, sane bere nin ndobot ye Israel bi yewis ge musyu dik sop we mone.”

Lukas 13:29

Bere yetu mwa mo bur ré iwedewe, ye wis mwa ne sino ma git sugit mo pesta sye mo pe gato Yefun Allah jowa men tepsu men bi Yekwesu.

Matius 25:10

Ge mumek gato jimgon mu so manik saresa, yebris gato bere kra ne ma. Ge mumek gato fro ne si yebris ne mu mo pe gato yé konwa sukra ne, ete ye syimwa nusyo ne krat wari re.

Lukas 12:37

Pakwerut ne bi yenggras do ma ku pá ne yo, pá gato mewa an bi nu tepsu yenggras syogat pá ben ne bere pá ku sukndo mone. Suk gato Ji ki ré suksangge anare, bere yenggras ne win an bi san, yenggras syogat an bi pakwerut ne kem, orete yenggras gwat sugit ma wa pakwerut ne git.

Matius 8:11

Ji ki sare do, bere su kam sari ne ma yé mwa git sugit mo pesta sye mo pe gato Yefun Allah jowa nje tepsu men bi Yekwesu, sarewo yewis ye Israel gato bi yepasye mo Abraham e, Isak e, si Yakub ne bere yo mwa nde, wo yewis yi mwa kadit bur ré iwedewe si yepasye ka gri ne bere git sugit sino mone.

Lukas 22:16

We Ji ki sare do, Ji yo si nje git sugit mo Kam Sye Waiket o nde yei kom mo kam sari ne ma. {Tepsu Waiket doketke ne, Yefun Allah nai ye Israel wé kadit sukye,} bere Yefun Allah nai nin yetu wé kadit sukye, ete An jowa nin tepsu nin bi Yekwesu mo suk gato Ji ben ne or wé eteyo, bere Ji git o mone.