Lukas 14:13 - Abun Scripture

¹³ Sarewo nan do konwa suk yo it yo, nan kendo ye gato ku suk mo nde ma, nan kendo ye gato gwes út ma, nan kendo ye gato yo mu ndo nde ma, nan kendo ye gato gro ndu ma si nan git sino mone.

Lukas 14:13 Referans Kwoze

Lukas 14:21

Pakwerut ré satu mu ki suktaru mwa gato yé ki ne nai an bi yenggras. Sane yenggras ne maskwa ndo nde, orete an syogat an bi pakwerut mu o. Yenggras ne ki do, ’Nan mu kekro. Nan mubot os sye si os wok gato mo kota mit, ete nan kar ye gato bi suk yo mo nde, nan kar ye gato yo nggiwa ben suk nde, nan kar ye gato gwes út, nan kar ye gato gro ndu ma. Nan kar yé ne ma mo pesta gato ji fro re.’

Ibrani 13:2

Men me yemabe gato men jam nde yo, men kendo ye ne ma si men git sugit sino mo men bi nu-i et, men bariwa ye ne nde, we yé bok yo da kendo yemabe ma si án git sane mó re, wo yemabe ge yo, yetu nde, wo yemabe ge bok ne malaikat, sane ye ne da si malaikat git sino, sarewo án jam nde re.

Matius 22:10

Sane pakwerut bok ne mu kar ye gato án ku mo os sye ne ma, yé gato ben sukndo si yé gato ben sukibit ne sino pa kar ma sane sor, nu gato yé konwa sukra mone ses re.

1 Timotius 5:10

Nggonna ne yé mwa jam do, mom ben bi suk-i ndo sato ré, mom kon mom bi pa sisu ndo e; yé yo ma mo mom bi nu yo, mom iwa, mom syo sugit nai e; mom ben suk tepsu pakwerut wa ós ye gato onyar kem mo Yefun Yesus e; mom ós ye gato ku sukye e; mom ben suk mwa gato ndo petok su mom mit dik mom onyar dik sor e ne.

1 Timotius 3:2

Sane, ye gato gum yekwesu mo nu ari, an ben an bi suk-i sato re, an ye gato ben sukndo sor, ye yo ki an gum ibit mo nde; an kra nggon ge dik sor, an mewa nggwa kadit an ben sukdaret, an mewa nggwa kadit an ben sukibit, an ben sukndo sor; yé yo ma mo an bi nu yo, an iwa, an syo sugit nai yé ne sor; an jam an duno nje sisu ndo;

Titus 1:8

An ben an bi suk-i sane nde, wo an iwa nje ma kem si an mo an bi nu ne sor. An iwa suk gato ndo sor. An mewa an nggwa subere an ben sukdaret nde. An ben suk su sangge sor, an yo kidar suk nde. An ben Yefun Allah bi suk-i sor. An fro nggwa subere suk gato an ben ne kas sisu ndo.

Filemon 1:7

Filemon, ji bi nji gato ji jimnotku, ji jam do, nan bi sukjimnut sye kas subot ye gato onyar kem mo Yefun Yesus ne sino anato ji mit ndo wa, ji mit at wa. Ye gato onyar kem mo Yefun Yesus ne sino dom mit at wa.

Suk Gato Yerasul Ben Ne 9:39

Petrus si an we mu kadit kota Lida ma mo kota Yope. Petrus ma kom mo kota Yope sa, ye we top Petrus mu mo gumwak mo nim mo nu gwes kok ne. Nggonna mwa ti wairi wa Petrus. Nggonna ne wo, án kadum san gato Dorkas bit ete syo nai án sugato Dorkas mbau, ete kem su án tó.

Lukas 11:41

Sane suk gato mo gelas si mbem mit ne, nin syo napyo nai ye gato yewa suk et. Nin do ben sukndo su ye gato yewa suk it yo, bere Yefun Allah mit iwa nin mone, tepsu nin bi gelas si mbem ne sino kwo re.

Matius 15:30

Yé mwa ma sum mone, ete yé gwat ye gato gwes út e, ye gato gro ndu e, ye gato syim út e, ye gato dabe mbut e, ye gato syokwet mbut, si yé mwa yo o gato i ne, yé gwat ma mo Yefun Yesus gwem, or An ben yé mwa ne ge or re.

Lukas 14:12

Orge Yefun Yesus ki nai ye Farisi gato kendo An ma git ne do, ”Nan do konwa suk yo it yo, nan kendo nan bi yesyim ma sor nde, nan kendo nan bi nji ma sor nde, nan kendo nan bi mben ma sor nde, nan kendo yepasye gato kem mo nan bi kampung ma sor nde. Nan do kendo yé ne ma si nan git sugit mo pesta ne yo, bere yé ne waii kendo nan ma mo án bi pesta ne satu o, sane bere nan ku sukndo satu.

Lukas 14:14

Nan do kendo ye ga sane ma it yo, bere Yefun Allah ben sukndo su nan. Ye gato nan kendo ma ne, yé ne bi os wa án ben sukndo satu yo mo nde. Wo Yefun Allah sa, bere ben sukndo satu nai nan. Su kam gato Yefun sun yé gato ben sukndo tepsu An mit ne mbau satu kadit sukkwop, su kam gane Yefun Allah ben sukndo su nan.”