Lukas 13:33 - Abun Scripture

³³ Ji kwop o Ji mbau o, Ji mu su, Ji mu mo Yerusalem sor. Ji ben Ji bi suk-i su kam re, ik o kam we rek ete or mone. Ji mu mo Yerusalem it anare, we mo Yerusalem ne pe gato yé gu yenabi mó. Sane Ji mu mone dom, pe yi yo tepsu wa yé gu yenabi mo nde.”

Lukas 13:33 Referans Kwoze

Lukas 9:53

Sarewo yé mwa gato kem mone bariwa Yefun Yesus re. Yé ne yo kak án mit wa Yefun Yesus nde, we yé ne jam do, Yefun Yesus mu wai mo Yerusalem re.

Matius 21:11

Yé mwa gato mu wairi wa Yefun Yesus ki do, ”Yefun Yesus anare. An yenabi gato ma kadit kota Nazaret mo bur Galilea.”

Suk Gato Yerasul Ben Ne 13:27

Sarewo ye gato kem mo Yerusalem si an bi yekwesu ne sino jam nde Yefun Allah bes Yefun Yesus kak os ndo ne wa men. Yé mwa gane da jam yenabi bi sukdu subot Yefun Yesus gato ye baca su ye Yahudi bi kam sye kam Sabat ne petok sor, sarewo yé jam nde re, wo yé syokom ye gu An kwop anato yenabi bi sukdu ne bor mone re.

Matius 20:18

”Men mu mo Yerusalem it anare. Mone ye meret os wa gwat yeko ma wa but Yetu bi Pa to Ji ré, ete yé syo Ji mo yekwesú mo Yefun Allah bi nu si yeguru agama syim. Bere án syokom yé gu Ji kwop,

Yohanes 11:54

Sane anato Yefun Yesus yo mubot pe gato yé mwa kem mone nde. An mu kadit pe ne, ete An mu mo kota dik yo gato gum do Efraim, karowa pe gato kwe yo kom mo nde. An si An bi pakon kem mone.

Yohanes 9:4

Ji kem mo bur ré su nombrak tó, sane men ben suk tepsu Ye gato syogat Ji ma more ki ne. Men ben An bi suk-i su nombrak. Noru it yo, men yo ben suk yo o nde.

Yohanes 4:34

Yefun Yesus ki do, ”Suk gato tepsu sugit wa Ji anato Ji ben suk tepsu Yefun Allah mit. Ji ben An bi suk-i gato An syogat Ji ma mo bur ré wa ben ne sor kom mo pe gato or mó anato tepsu sugit wa Ji git re.

Suk Gato Yerasul Ben Ne 10:38

Nin dakai jam do, Yefun Allah bes Yesus, ye Nazaret ne, orete Yefun Allah Gen bok nggwa mo Yefun Yesus, syo suktinggi nai Yefun Yesus. Nin jam do, Yefun Yesus mubot peyo-peyo, An ben sukndo, An ben ye gato i ne ge. Yé mwa gato biris bi yekwesu jom ne, An nai wé kadit biris bi yekwesu, ete ben yé mwa ne ge re. Yefun Allah sisu Yefun Yesus anato An nggiwa ben suk ne.

Yohanes 12:35

Yefun Yesus ki nai án do, ”Su ré, rer ku nin mó tó. Yo nam nde ge, rer yo ku nin o nde. Sane su kam gato rer sisu nin more tó, ndendu nde tó, nin ben nin bi suk-i mo pe gato rer ku nin ne sor. Wo nin mu su ndendu yo, bere nin jam nde pe gato nin muket ne re.

Yohanes 11:9

Yefun Yesus ki do, ”Su nombrak bi jam musyu dik sop we mó. Ye gato mu su nden rer yo, tepsu ye gato ben Ji bi Ai bi suk-i, suk yo wai an gwes nde, an mu sisu ndo sor, nombrak rer ku suk mwa ne wa an me re.