Lukas 13:32 - Abun Scripture

³² Yefun Yesus ki nai ye Farisi ne do, ”Nan mu ki nai ye gato meret os mwa tepsu ndar krok ne do, ’Su ré it yo, Ji ben ye gato i ne ge, Ji syun semda wé kadit ye gato semda ben ne, Ji ben suk ne tó, wo kam we rek o ete suk gato Ji ben ré tut mone.’

Lukas 13:32 Referans Kwoze

Ibrani 2:10

Yefun Allah sa, ben bi suk-i tep sino. Yefun gato ut suk mwa ne sino wa An dakai, An misyar yé ben sukye mwa nai Yefun Yesus subere kadum do, Yefun Yesus gum ndo wai o re, kwa yo gwet mo nde, sane Yefun Allah bes Kristus wa kak os ndo wa men yetu. Yefun Yesus ku sukye ket kwayo-kwayo ete An bi An nggwa subere An kak os wa Yefun Allah kar bi pa mwa si Yefun Yesus sino kem mo bi nat-i gato ndo wai o re.

Ibrani 5:9

Sane An ben suk mwa gato Yefun Allah fro wa An ben ne or sa, An kak os wa men yetu gato jammo An muket, subere An nai men wé kadit bot gesyos, subere men kem ndo to kapyo mato kapyo.

Ibrani 7:28

Suga nyim tuya, yé sibot Musa bi sukduno-i, sane yekwesu gato gum kok wai mo Yefun Allah bi nu, gato ye bes ne, án yo nggiwa ben bi suk-i ri-roi mo nde. Sarewo tepsu suk gato Yefun Allah tom ete syo syim su, gato bor wari kadit Musa bi sukduno-i ne, Yefun Allah bes An bi Gan gum Yekwesu gato gum kok wai mo Yefun Allah bi nu o re. An bi Gan sa, Yekwesu gato ben bi suk-i ne ri-roi sane sor to kapyo mato kapyo.

Yohanes 10:32

Sarewo Yefun Yesus ki nai án do, ”Ji bi Ai syogat Ji ben suk mwa gato ndo, gato ben nje yeket, suk gato yetu yo nggiwa ben ne nde. Kwa u anato ben nin maskwa anato nin am Ji su jok ré ne?”

Markus 6:14

Yé ki Yefun Yesus gum kas mu kom mo peyo-peyo anato Yeraja Herodes jam sukdu subot suk mwa gato Yefun Yesus ben ne. Yé deyo kibot Yefun Yesus do, ”Yohanes gato ras nje mo syur anane, an kwop wé re, ete ré ne Yohanes sun kadit sukkwop. Yohanes frus an nggwa tepsu Ye ne anato Ye ne ku suktinggi wa ben suk gato ben men yeket ne.”

Yohanes 19:30

Yefun Yesus da nau rom or sa, An ki do, ”Tut more it.” Orete An su e mo bur, An mas bok it.