Lukas 13:24 - Abun Scripture

²⁴ ”Nin werwa nin sok mo Yefun Allah bi rus-i tepsu nin werwa nin sokbot nusyo gato buk wa nin. Ji ki sare do, bere yé mwa werwa sok mo Yefun Allah bi rus-i ware, ye ne yo ku nusyo gato nggwot ne nde re.

Lukas 13:24 Referans Kwoze

2 Petrus 1:10

Sane, ji bi nji ji bi nyanggon gato onyar kem mo Yefun Yesus, men wergat men nggwa nggi o et, subere suk gato Yefun Allah iwa men ben ne, men ben pe sor. Sane dom, men yé gato Yefun Allah fro suga nyim wa An nai sok mo An bi rus-i, An jam nyim wé re, sane men werwa men ben men bi suk-i tepsu Yefun Allah bi pá-i petok sor. Men ben sane it yo, bere men yo mu brek kadit Yefun Allah bi os-i nde.

Ibrani 4:11

Sane men sino wergat men nggwa sisu men mit dik si men onyar dik, subere men si An kem not mo An bi nat-i, tepsu Yefun Allah tom su men ne. Men werwa, subere men bariket Yefun Allah bi sukdu nde, saga nyim ye deyo ben ne, subere ri ma Yefun Allah do watbot men ne yo, men ge dik yo gwet mo nde, wo men yé mwa ne sino kem not mo Yefun Allah bi nat-i.

Lukas 21:36

Nin frawa nin nggwa pe et! Nin ki suk su Yefun Allah petok sor subere An ós nin titi fro wé kadit sukye gato bere ma ne. Nin ndek mo Yefun Allah dom subere su kam gato Ji, gato Yetu bi Pa ma ndobot nin yetu ne, nin yo damen mo suk gato nin ben ne nde.”

Yohanes 6:27

Nin ben suk it yo, nin meret sugit gato bergan kwik kadit nin nde re. Wo nin ben suk it yo, nin meret sugit gato kem nam, gato ben nin mbau gesyos. Bere Yetu bi Pa to Ji ré syo sugit ne nai nin re, we Ji bi Ai Yefun Allah bes Ji gum kok subere Ji kak os ndo wa nin kem gesyos re.”

Roma 10:3

Án jam nde os ndo gato Yesus Kristus kak wa án sok mo Yefun bi rus-i, wo {ye Israel gato ye kendo gum yo o do, ye Yahudi}, án dakai fro án dakai bi os-i Án nut do án benbot ye Yahudi bi sukduno-i sa, bere Yefun nai án gum sok mo bi rus-i sor re. Án dakai fro án dakai bi os-i sane anato án yo jammo os gato Yefun Allah fro ne nde.

Kolose 1:29

Ji samok, ji wergat ji dakai su suktinggi gato ma kadit Kristus ne. Kristus ben ji nggiwa ji benbot suk bok yo gato ji kibot ré kas sisu ndo.

Yohanes 7:34

Bere nin syeret Ji ware, nin yo ku Ji nde. Nin yo ku os wa ma mo pe gato Ji mu mone nde.”

Yohanes 8:21

Yefun Yesus ki nai ye Yahudi bi yepasye ne do, ”Bere Ji mu kadit nin. Bere nin syeret Ji ware, nin yo ku Ji nde, wo bere nin kwop mo sukibit gato nin ben ne. Bere nin yo mu kom mo pe gato Ji mu mone nde.”

Matius 11:12

Kadit kam gato Yohanes duno nje kom mo kam ré, Ji duno nje subere án onyar kem mo Ji ete sok mo Yefun Allah bi rus-i. Yetu mwa o jammo Ji bi sukduno-i, sarewo yé bok yo ma ben sukye nai ye gato brek ete jammo Ji bi sukduno-i ne. Ye Farisi si yeguru gato duno nje su Musa bi sukduno-i ne anato wergat nje subere án misyar Ji bi sukduno-i ne or re.

Yohanes 13:33

Ji bi pá, Ji mu kadit nin it anare. Bere nin syeret Ji. Sarewo Ji ki sare do, tepsu gabere Ji ki nai ye Yahudi bi yepasye ne do, pe gato Ji mu mone, nin yo ku os wa nin mu mone nde.

Lukas 13:23

Yefun Yesus duno nje mone sa, yetu ge dik yo ndo mo Yefun Yesus do, ”Yenggras, bere yetu ge bok yo sor ete sok mo Yefun Allah bi rus-i wé kadit bot gesyos bado?” Sane Yefun Yesus ki nai yé mwa mone do,

Yohanes 5:4

we wam bok yo Yefun Allah bi malaikat is ma mo syurgun, ete malaikat ne ben syur ne rom-ram. Syur ne do rom-ram yo, ye gato mu bok ngga mo syur ne nyim kadit ye yi neya, bere an ge kadit an bi suki re.]