Lukas 12:59 - Abun Scripture

⁵⁹ Ji ki sare do, bere nan kem mo sel mit sane sor, nan bi denda kit ye ne orete nan syesyar.”

Lukas 12:59 Referans Kwoze

Markus 12:42

Orete nggonna ge dik yo ma mone dom. Nggonna ne ye gato ku suk mo nde, mom yewa suk. Nggonna ne ma gwat bi sugum wokgan yi sor, mom bok sugum det wokgan we mo peti mit ne.

Matius 18:34

Sane yenggras maskwa ndo nde. Yenggras syogat ye sok pa we sye mo sel subere ye ben sukye nai pa mone sor pa ne bi bon sye ne sino satu et.”

2 Tesalonika 1:3

Men bi nji, men bi nyanggon, men jam sukdu do, nin onyar kem mo Kristus nggi wai kadit nyim neya o re. Sane men ki ndo mo Yefun Allah mone. Sane dom, nin bi sukjimnut sye kas subot yu sye wai kadit nyim ne o re, sane men ki ndo mo Yefun Allah noru nombrak sor.

Lukas 16:26

Sane o, mo men miten kwoye ware, subere men yo ba mo nin nde, nin yo ma mo men nde.”

Matius 25:46

Sane yé tak Ji de syim jam ne bere ges mu ngga mo bot gesyos, wo yé gato ben suk tepsu Yefun Allah mit yo, bere kem ndo to kapyo mato kapyo.”

Matius 25:41

Sane o, bere Ji ki nai yé gato tak Ji de syim jam ne do, ’Nin mu kadit Ji. Yefun Allah dufo mo nin it. Nin mu ngga mo bot gesyos gato Yefun Allah fro wa biris bi yekwesu si bi rus-i ne et.

Matius 5:26

Suk gato Ji ki ré suksangge anare, bere nin kem mo sel mit sane sor, nin bi denda kit ye ne or wé, ete nin syesyar.”