Lukas 12:48 - Abun Scripture

⁴⁸ Wo pakwerut gato jam nde suk gato an bi yenggras mitwa an ben ne, ete pa ne yo ben suk tepsu nde, bere yé kwam pa tep yi. Pa gato jam suk mwa, bere pa bi yenggras syogat pa ne ben suk mwa. Sane dom, pa gato jam suk mwa teker, bere pa bi yenggras syogat pa ben suk mwa teker.”

Lukas 12:48 Referans Kwoze

Yakobus 3:1

Ji bi nji, ji bi nyanggon, nin iwa nin ben suk tepsu yeguru nde, we nin jam do, men yé gato tepsu yeguru bere Yefun Allah ndobot an wai kadit ye yi neya.

Yohanes 15:22

Ji ma duno án anato án jam suk gato siri kadit Yefun mit, ondesor sa, Yefun yo syo sukye nai án mo sukibit gato án ben ne nde. Sarewo, sangge Ji ma duno án it, sane án yo ku os wa án rewa suk gato án ben siri ne o nde.

Matius 13:12

Ye to bi sukjimnut kak, bere jam Yefun Allah bi sukdu mwa wai o re, sane bere an jam sukdu ne kom mo mit re. Sarewo ye to da jam sukdu ne wokgan, ete an misyar, sukwokgan gato an jam ne bere ges or kadit an re.

1 Timotius 1:13

wo suga nyim tuya ji kiket Yesus Kristus gum ibit, ji ben sukye, ji ben sukot nai An bi nje-i, ji kabor An ket kwayo-kwayo. Ji da ben sukibit mwa ne, sarewo An ben sukndo su ji, An dakai jimnotku ji sor, we tomgato ji ben ji bi suk-i ibit ne, ji jam nde suk, ji yo onyar kem mo An nde tó, anato ji ben sukdaret sane.

Suk Gato Yerasul Ben Ne 17:30

Suga nyim tuya Yefun Allah misyar men yetu ben suk ket men jam nde sane, wo ré yo, An syogat men yetu mo bur ré iwedewe kwet kadit sukibit gato men ben ne, ete men jammo An.

1 Timotius 1:11

Sukduno gato sangge ne anato sukdu gato ndo wai subot os ndo gato Yesus Kristus kak wa men yetu ne. Yefun Allah gato gum kok wai anato fro sukdu ne, ete An tarubot ji, subere ji ki frekbot nje mo peyo-peyo.

Lukas 16:2

Sane yepasye ne kendo pakwerut ne ma ku an. Yepasye ne ki do, ’Sukdu gato ye ndak nan su ne, gato ye ki nai ji jam ne sangge bado? Sane nan krom subot suk mwa gato nan ben su ji bi sugum si ji bi suk mwa ne subere ji jam et. Nan ben suk tepsu ji bi pakwerut gato jom sugum ne o nde it anare.’

1 Timotius 6:20

Timotius, Yefun Allah bi sukduno mwa gato Yefun grem kem su nan wa nan duno nje su ne, nan mewa sisu ndo et, nan jamwa pe sor. Sane ye ki subot sukduno gato siri kadit Yefun Allah mit yo, nan si nje kibot sukdu sino mone nde. Sane dom, ye duwer nan mo Yefun bi sukduno-i it yo, nan si nje duwer yu mo sukduno ne nde. Sukduno ne, yé bok ne ki do, ”Sukjimnut kru,” anane, sarewo ye kidar kone. Nan si nje duwer yu mo sukduno ne nde,

Titus 1:3

Tepsu bi kam-i ne it, suk gato Yefun Allah tom ne bor wa yé mwa jam re. Suk ne bor mo suk gato An tarubot ji. Yefun Allah gato fro os ndo wa men kem ndo to kapyo mato kapyo, An syaugat ji ki subot sukdu ne. Sane ji ki subot sukdu gato An tarubot ji ne sor.

Lukas 12:41

Petrus ki do, ”Yenggras, Nan ki gado subot ye gato fro an nggwa wa an bi yenggras satu ma ne te, Nan gwat sukamno ne wa men bado, Nan gwat sukamno ne wa yé mwa ne sino, e?”

Lukas 12:49

”Ji ma mo bur ré wa Ji gwat bot gato git suk mwa. Bere yé wat yu, yé maskwa yu mo Ji. Ji iwa bot ne ru it.

Matius 23:14

Nin yeguru agama, bere nin ku sukye. Nin ye Farisi, bere nin ku sukye. Nin kidar nggonna subere nin nai suk mo nggonna ne bi nu or sino. Sane dom nin benadi syu, subere yé mwa gato me nin ben sane nut do, nin sa, ben Yefun Allah bi suk-i sisu ndo, ondewo nin ben nin bi suk-i ibit re. Sane bere Yefun Allah syo sukye gato de wai nai nin mone o re.]