Lukas 12:45 - Abun Scripture

⁴⁵ Wo sato pakwerut ne nut mo pa dakai do, ’Ji bi yenggras, nam ete bere ma,’ ete pa ne kwam pakwerut yi ne daret e, pa ne kwam nggon kwerut mo nu ne dom, ete pa git sugit sor, pa da nau, an yenau bu e ne.

Lukas 12:45 Referans Kwoze

Wahyu 18:24

Yé mo kota Babel gu yenabi ge bok yo. Yé gu yé gato onyar kem mo Yefun Yesus ne kwop dom. Yé gu yetu ge bok yo sino mo bur ré mone. Yé mwa ne dé sye mo kota ne, sane Yefun Allah waii ben sukye nai nje mo kota ne win suk gato án ben ne.

Wahyu 16:6

Yetu gu yé gato onyar kem mo Yefun Yesus si Nan bi yenabi ne kwop ete dé sye, sane anato Nan syo yetu dé wa án da win sukibit gato án ben ne.”

2 Petrus 2:19

Yeguru ne tom su án do, ”Su ré bur ré bi suk-i yo jom men o nde, sane sukduno gato nyim ne, men jambot o nde, men ben ket men í sor, bere Yefun Allah iwa men re.” Sarewo bur ré bi suk-i gato ben yetu ibit mo koirut ne jom yeguru ne tepsu pakwerut, we suk gato nggi wai kadit men do jom men it yo, men tepsu pakwerut wa suk ne.

2 Petrus 2:13

Án ben sukye nai yé mwa, sane bere Yefun Allah waii ben sukye nai án dom. Án bi sukjimnut do, ndo sa, án kem mo bur ré wa án ben suk mwa ket án í sor, ete án iwa ben suk sane bor wa yé mwa jam. Án ma kem njepbot nin e, git sugit sino su nin yo, bere án ben nin gum ibit, we án ben sukibit ket án í sor.

1 Tesalonika 5:7

Ye gato sem yo, an sem su noru. Ye gato da nau yo, bere an yenau su noru.

2 Korintus 11:20

Nin iwa yé bok gato ma daret ne ben nin tepsu án bi pakwerut, nin yo bariwa nde. Nin iwa yé bok gato ma daret ne ben kidar nin e, án ben nin nyu e, án dakai nai nin bi suk e ne, nin yo bariwa án mo nde. Nin iwa án bes nggwa kok, ete án ben sukye nai nin ket kwayo-kwayo, nin yo bariwa án mo nde.

Roma 16:18

Ye gato wat nin kadit yu e, ki bi sukduno-i siri kadit sukduno gato yeguru ki ne yo, ye ne yo ben suk wa men bi Yekwesu Yesus Kristus nde, wo án ben suk wa ben án dakai mit at mo koirut sor re. Án ki án bi suk-i ndo yé re, án bidek nai yé gato jam nde, subere án kidar yé ne.

Matius 22:6

Deyo o but pakwerut ne ete kwam pa ne, ete gu pa bok ne kwop or re.

Lukas 12:44

Suk gato Ji ki ré suksangge anare, bere yenggras ne bes pa ne wa mewa yenggras ne bi suk mwa ne sino.

Lukas 12:46

Orete pa bi yenggras satu ma su mit, sisu kam gato pa jam ri nde, si jam gato pa jam ri nde. Sane yo, bere pa bi yenggras sap pa kaim wip ndo nde, orete yenggras syun pa ne mu ngga mo pe gato ibit, mo pe gato ye gato jam nde Yefun ku sukye mone.

Lukas 21:34

”Nin frawa nin nggwa subere su kam gato Ji satu ma ne, nin fro wa re. Nin mewa nin nggwa subere nin bi sukjimnut kas ri et. Nin yenau nde, nin simo sukibit gato yenau ben ne nde, nin jimnotbot suk mwa gato yetu yémo, sato sugit e, san e, sugum e ne teker nde. Nin bi sukjimnut sye mo suk mwa ne teker nde, sawe nin gensu kam gato Ji satu ma mo bur ré su ne.

Yohanes 2:10

ete an ki nai yebris ne do, ”Yé konwa suk yo it yo, sagana yé fro nau gato wik wa yé da nyim. Orete yé da nau gato wik tep mó it, yé gwat nau gato yo ndo teker nde ne wa yé da wari o. Sarewo nan sa, nan grem nau gato wik wai ré kwop sor kom more, ete nan syo nai men da.”

Suk Gato Yerasul Ben Ne 2:18

Bere Ji syo Ji Gen bok nggwa mo Ji bi pákwerut, yebris si nggon ne sino. Su kam gato karowa bur kru ne yo, bere Ji syo Ji Gen bok nggwa mo Ji bi pákwerut, sane suktaru gato Ji ki nai Ji bi pákwerut ne, bere án waii ki nai ye yi jam.