Lukas 12:42 - Abun Scripture

⁴² Yefun Yesus ki do, ”Pakwerut gato jam suk mwa, ete ben bi suk-i ri-roi tepsu bi yenggras mit ne te, men jam pa ne sa u ne? Pa ne ben bi suk-i sa u ne? Pa ne anato tepsu pa gato yenggras bes tepsu yesu wa yenggras bi pakwerut ne sino. Pa ne mewa pakwerut bok neya sisu ndo, pa syo sugit tep wa pakwerut mwa ne git sino.

Lukas 12:42 Referans Kwoze

Ibrani 13:17

Men jammo men bi yekwesu mo nu ari et. Yefun bes yekwesu mone, sane suk gato án ki ne men benbot sor. Yekwesu mewa men ete bere Yefun Allah ndo án subot suk gato án ben su men ne, sane men jammo án bi sukdu-i et. Men jammo án bi sukdu-i yo, bere án ben suk su án mit at wa. Wo men yo jammo án bi sukdu-i ne nde yo, bere án nutbot ndo nde. Men bariwa án bi sukdu-i ne yo, yo ós men dom nde.

Ibrani 13:7

Men napawa men bi yekwesu bok yo gato ki Yefun Allah bi sukdu nai men jam. Suk gato men bi yekwesu ben mo bur ré sor kom mo kam gato án kwop su ne, men nutbot sisu ndo et. Men nutbot suk mwa gato án ben ne, án tepsu ye gato onyar kem mo Yefun. Án nut do, suk gato Yefun Allah ki ne sangge anato án jammo Yefun Allah. Sane men waii benbot suk gato án ben ne dom et.

2 Timotius 4:2

Nan ki subot os ndo gato Yefun Allah fro wa yé mwa jam sisu ndo et. Nan duno nje gat, ye bari o, ye iwa o, nan duno nje gat sor. Nan me ye gato ben sukibit yo, nan ki mo án, nan ndantom án subere án kwet kadit sukibit gato án ben ne, ete án ben suk gato ndo. Nan wergat nje subere án benbot sukduno gato nan duno án su ne. Nan duno nje sisu njep sor. Kapre ye yo jammo nan bi sukduno kekro nde, nan maskwa wokgan dom nde, wo nan werwa kom-kem petok sor.

1 Timotius 5:17

Yekwesu mo nu ari gato ben suk mone sisu ndo yo, men bes án gum kok, men syo suk nai án mo án bi kamba mone tep yi sor nde, wo mwa wai kadit ne et. Yekwesu gato faiya si duno nje, men bes án gum kok, men syo suk nai án wai kadit yekwesu yi ne,

1 Petrus 4:10

Yefun Allah syo suktinggi mo nin kadik-kadik tara kadit yu wa ben nin nggiwa nin ben nin bi suk-i wa ós nje. Sane suktinggi gato Yefun Allah syo nai nin yi ne, nin ben suk su suktinggi ne sisu ri-roi wa ós ye yi et.

Titus 1:7

Yekwesu mo nu ari ne Yefun Allah fro wa ben Yefun bi suk-i mo bur ré, sane an ye gato ben an bi suk-i ndo sor, kwa gato ibit yo mo nde. An yo at nde, an yo maskwa dek nde. An yenau bu nde. An iwa ben sukndi nde. An gro sye wa sugum nde.

Suk Gato Yerasul Ben Ne 20:28

Nin mewa nin nggwa subere nin jom sukdu ne petok sor. Nin mewa yé gato onyar kem mo Yefun Yesus. Nin mewa yé gato Yefun Allah Gen bes nin gum yekwesu wa ne sor. Nin mewa yé gato gum sok mo Yefun Allah bi rus-i ne sisu ri-roi tepsu ye gato mewa suksi ne mewa bi suksi sisu ri-roi ne sor. Ye gato gum sok mo Yefun Allah bi rus-i, Yefun Yesus bi nggwa kwop wa, Yefun Yesus dé sye wa anato ye ne gum sok mo Yefun Allah bi nje-i, sane nin mewa sisu ndo sor.

Matius 20:8

Kom mo noru, ye gato bi nggwe ne ki nai an bi pa gato tepsu yesu wa yé mwa gato ben suk mone do, ’Nan kendo yé gato ma ben suk ma sum, ete nan syo sugum nai án mo án bi kamba et. Nan syo bi gaji nai yé gato ma ben suk kadit kre ne nyim, orete nan syo nai ye gato ma ben suk kadit nyotkwo wari.’

Ibrani 3:5

Musa ré, an ben suk mo Yefun Allah bi nu-i sisu ri-roi sor, tepsu Yefun Allah imo ne. Musa tepsu Yefun Allah bi pakwerut mo nu ne. Musa ki sukdu nai nje mone subot sukdu gato bere Yefun Allah dakai ki bor wa yé mwa jam su kam sari ne ma.

1 Timotius 3:15

sawe suk yo kwa yawa ji ba kekro ne yo, bere nan jam suk gato ndo wa Yefun Allah bi rus-i mo nu ari ben ne. Yefun Allah bi rus-i mo nu ari ne anato tepsu yé mwa gato onyar kem mo Yefun Allah, gato gesyos. Yefun Allah bi rus-i ne anato jowa An bi sukduno gato sangge tepsu kwedi si pondasi gato krat jowa nu dik yo nggi.

Lukas 7:13

Yefun Yesus do me nggonna ré sa, An jimnotku nggonna ndo nde, orete Yefun Yesus ki do, ”Im o, nan wo nde!”

Matius 13:52

Sane Yefun Yesus ki nai án do, ”Sane yeguru agama mwa ne sino gato gum sok mo Yefun Allah bi rus-i ne anato jam Musa bi sukduno-i si sukduno be gato Ji gwat ma ne, ete yeguru duno nje su, tepsu yenggras mo nu dik yo gwat sukrok si sukbe kadit an bi gudang ma nden.”

Lukas 7:19

ete Yohanes syogat an we mu mo Yefun Yesus wa an we ndo mo do, ”Yenggras, Nan anato Yekwesu gato Yefun Allah syogat ma mo bur ré wa nai men yetu kadit sukye ete jowa men bado, men eswa ye yi yo o ma e?”

Lukas 12:43

Pakwerut ne bi yenggras do ma ku pa ne yo, pa gato benbot suk gato bi yenggras syogat pa ben ne, bere pa ku sukndo mone.