Lukas 12:33 - Abun Scripture

³³ Sane nin mu nin so nin bi suk mwa gato nin ku ne, orete sugum gato nin ku mone nin syo nai ye gato yo ku suk yo mo nde, sane bere nin ku suk mwa mo gu. Nin do ben sane, bere tepsu nin grem nin bi suk mwa ne mo gu, tepsu nin bok mbre mo sun bafar gato kem to kapyo. Nin ku suk mwa mo gu ne, suk mwa ne kem pe, yo or nde. Sane dom ye yo ku os wa sok mo gu ete gitsi nin bi suk nde. Kundun yo ku os wa ben suk ne ibit dom nde.

Lukas 12:33 Referans Kwoze

Matius 19:21

Yefun Yesus ki nai pa ne do, ”Nan iwa nan ben suk mwa ne ndo sino yo, nan mu nan so nan bi suk mwa gato nan ku ne, orete suk mwa ne bi sugum nan syo nai ye gato yo ku suk yo mo nde, sane bere nan ku suk mwa mo gu. Nan syo sugum ne nai ye gato yewa suk, orete nan ma simo Ji et.”

Lukas 18:22

Yefun Yesus jam ye ne bi sukdu sa, Yefun Yesus ki nai an do, ”Suk dik yo anato nan yo benbot nde tó, sare do, nan mu nan so nan bi suk mwa gato nan ku ne, orete suk mwa ne bi sugum nan syo nai ye gato yo ku suk yo mo nde, sane bere nan ku suk mwa mo gu. Nan syo sugum ne nai ye gato yewa suk, orete nan ma simo Ji et.”

Suk Gato Yerasul Ben Ne 2:45

Án so án bi suk, án syo nai ye gato yewa suk.

Lukas 16:9

Orge Yefun Yesus ki o do, ”Sane Ji ki sare do, nin syo nin bi suk nai nje, subere yé ne kak án mit wa nin, ete nin ku nin bi yesyim ge bok yo mone. Sane nin bi suk mwa mo bur ré do or kadit nin it yo, bere Yefun Allah syo nat gato ndo wa nin kem mó. Bere nin kem ndo mone to kapyo mato kapyo.

Lukas 12:21

Sane Yefun Yesus ki do, ”Ye gato sum suk mwa mo bur ré wa an dakai, wo an yo ben Yefun Allah bi suk-i nde, bere Yefun Allah waii ki do, ye ne jimgon dom.”

2 Korintus 8:2

Yé gato onyar kem mo Yefun Yesus mo bur Makedonia ne ku sukye gato yé teker wa án. Án ku sukye, án yewa suk ndo nde, sarewo án mit iwa ye yi ndo nde anato án iwa syo suk dakai yi nai yé gato onyar kem mo Yefun Yesus mo bur Yudea. Án syo sukwokgan nde, wo án syo suk mwa nai nje mone.

Yohanes 12:6

Yudas yo nutbot ye gato yewa suk nde, wo an ki an bi sukdu-i ne, we an ye gato syimsi suk. Sagana an nai sugum kadit pakon bi sugum gato an mewa ne dom.

Lukas 11:41

Sane suk gato mo gelas si mbem mit ne, nin syo napyo nai ye gato yewa suk et. Nin do ben sukndo su ye gato yewa suk it yo, bere Yefun Allah mit iwa nin mone, tepsu nin bi gelas si mbem ne sino kwo re.