Lukas 12:21 - Abun Scripture

²¹ Sane Yefun Yesus ki do, ”Ye gato sum suk mwa mo bur ré wa an dakai, wo an yo ben Yefun Allah bi suk-i nde, bere Yefun Allah waii ki do, ye ne jimgon dom.”

Lukas 12:21 Referans Kwoze

Yakobus 2:5

Ji bi nji, ji bi nyanggon gato ji jimnotku, nin jammo suk gato ji krom ré sisu ndo et, Yefun Allah bes ye gato yewa suk mo bur ré subere an bi sukjimnut kem pe mo Yefun nggi wai kadit ye gato bi suk mwa mo bur ré. Sane dom, Yefun nai ye gato yewa suk ne sok mo Yefun Allah bi rus-i tepsu Yefun Allah tom su ye gato bi sukjimnut sye kas subot An ne.

Lukas 12:33

Sane nin mu nin so nin bi suk mwa gato nin ku ne, orete sugum gato nin ku mone nin syo nai ye gato yo ku suk yo mo nde, sane bere nin ku suk mwa mo gu. Nin do ben sane, bere tepsu nin grem nin bi suk mwa ne mo gu, tepsu nin bok mbre mo sun bafar gato kem to kapyo. Nin ku suk mwa mo gu ne, suk mwa ne kem pe, yo or nde. Sane dom ye yo ku os wa sok mo gu ete gitsi nin bi suk nde. Kundun yo ku os wa ben suk ne ibit dom nde.

Wahyu 2:9

Ji jam do, nin ku sukye, nin yewa suk, sarewo Yefun syo suk mwa wa nin da gesyos ne mó re. Ye Yahudi bok yo ki do, án sa, Yefun nai án gum sok mo Yefun bi rus-i. Án ma ki nin gum ibit ket kwayo-kwayo. Ji jam sukibit gato án kiket nin su ne o re. Yé bok ne jam nde Yefun, wo yé gato ben bi suk-i sane sok mo biris bi yekwesu bi rus-i ne sor re.

Roma 2:5

Sarewo nin su krat ware, nin dabe go nit teker ware, sane ben sato nin sum sukye mwa wai o wa nin dakai ku mone. Bere nin ku sukye ne su kam gato Yefun Allah ma ndobot men yetu. Bere Yefun Allah ndobot men yetu mwa ne sino sisu ri-roi sor, tepsu suk gato men ben ne. Bere Yefun bi sukmaskwa ne bor mo sukibit gato men yetu ben ne, bere yé mwa ne ku sukye mone or re.

Lukas 16:11

Sane nin yo mewa sugum si suk mwa mo bur ré sisu ri-roi nde yo, bere Yefun Allah syo sukndo kadit gu wa nin mewa ne wa suma ne?

Lukas 6:24

Sarewo nin yé gato ku suk mwa mo bur ré, nin kwabom dek wa sor, we bere suk mwa ne or kadit nin re, nin mit ndo mo suk mwa gato nin ku mo bur ré sor re.

2 Korintus 6:10

Men da nderku nggwa, sarewo men mit at wa suk mwa neya petok sor. Men yo ku suk yo mo nde, sarewo men kak os wa yé mwa neya ku suk mwa kadit Yefun. Ye da nut do, men bi suk yo mo nde, sarewo men sa, bi suk mwa ne sino mo bur ré iwedewe mó re.

1 Timotius 6:9

Sarewo ye gato iwa ku suk mwa ne, bere an ges mo os ibit re. Ye gato iwa ku suk mwa ne, an tepsu suge gato bus sip, ete an ku sukye mwa ndo nde mone. Suk mwa gato an iwa ne ben an bi sukjimnut ibit. Suk mwa ne ben an bi sukjimnut tepsu ye gato jimgon, anato kom mo rut yo, suk mwa gato an iwa an ku ne ben an ibit or re,