Lukas 12:15 - Abun Scripture

¹⁵ Orge Yefun Yesus ki nai yé mwa gato mone do, ”Nin frawa nin nggwa et! Nin mewa nin nggwa subere nin gro sye wa suk mwa neya mo bur ré nde, we men do ku suk mwa ne yo, suk mwa ne yo ós men kem ndo nde.”

Lukas 12:15 Referans Kwoze

Ibrani 13:5

Men gro sye wa sugum nde, sawe bere men gum kwerut wa sugum or re. Suk sane yo ós men nde, wo sa ndo sa, suk gato men ku ne, men nut do, tep mone it, we Yefun Allah dakai sisu men petok sor, tepsu An ki do, ”Ji yo misyar nin nde, Ji yo mu kadit nin nde.”

2 Timotius 3:2

Su kam ne, bere yetu dakai nutbot án dakai, án nutbot ye yi nde, án gro sye wa sugum, án un án dakai gum mo suk gato án ki ne, án bes nggwa kok, án kabor ye yi, án bariwa jammo án bi yenggras, án jam nde án ki ndo mo ye yi mo suk gato ye ne ben, án bariwa Yefun bi suk-i.

Lukas 16:14

Ye Farisi jam sukdu gato Yefun Yesus ki ne sa, án sa Yefun Yesus, we ye Farisi ne gro sye wa sugum teker.

Kolose 3:5

Bere nin si Kristus kem ndo sino, sane anato sukibit gato nin iwa nin ben mo bur ré, nin bare wé et. Nin bare sukibit gato jom nin ne wé sato ré: yebris si nggon ben siri su yu daret e, nin da bro wa ben sukdaret ket nin í e, nin da bro wa nggon bu e, nin bi sukjimnut nggiwa men nin sukibit bu e, nin gro sye wa nai suk mwa wa nin dakai sor e ne. (Nin gro sye wa nai suk mwa ne yo, tepsu nin onyar kem mo suk daret wai kadit Yefun Allah ne o re.)

Lukas 8:14

Mbet gro gato ges mo jak miten anato tepsu yé gato but sukdu ne, sarewo án bi sukjimnut sye mo suk mwa mo bur ré, án jimnotbot suk mwa gato men yetu yémo sato sugit e san e sugum e ne. Án iwa ku suk mwa, án meret suk gato ben án mit iwa sor re. Sukdu ne yo kom ndo mo án mit o nde, án yo ben suk tepsu sukdu ne nde. Sane án tepsu mbet gro mo jak mit ne, i-bo yo mo nde.

2 Petrus 2:3

Yeguru ne gro sye wa án ku suk mwa wa án dakai. Sane án kidar nin su sukdu gato án dakai fro subere nin syo suk nai án. Sarewo nam it, Yefun Allah gato bere ndobot án fro wa syo sukye nai án. Yefun Allah fro wa bare án mo bot gesyos, Yefun Allah es ndek mo os koirut wa án re.

Markus 7:22

men gro sye wa men ku suk mwa e, men iwa ben sukibit nai ye yi e, men iwa kidar suk e, men gro sye wa ku ye yi bi suk e, men iwa men kiket ye yi, men iwa bes men nggwa kok e, men iwa ben sukdaret mwa.

1 Korintus 6:10

ye gato syimsi suk e, ye gato gro sye wa suk mwa e, ye gato yenau bu e, ye gato iwa kiket ye yi gum e, ye gato gu ye yi ete nai ye ne bi suk e ne. Ye gato ben bi suk-i sane yo, bere Yefun Allah yo nai ye ne gum sok mo An bi rus-i nde.

Lukas 21:34

”Nin frawa nin nggwa subere su kam gato Ji satu ma ne, nin fro wa re. Nin mewa nin nggwa subere nin bi sukjimnut kas ri et. Nin yenau nde, nin simo sukibit gato yenau ben ne nde, nin jimnotbot suk mwa gato yetu yémo, sato sugit e, san e, sugum e ne teker nde. Nin bi sukjimnut sye mo suk mwa ne teker nde, sawe nin gensu kam gato Ji satu ma mo bur ré su ne.

2 Petrus 2:14

Kamdik-kamdik yeguru ne da bro wa ben siri bu. Nggon gato iwa ben siri mwa ne, yeguru iwa án mu ku petok sor. Án werwa ben kidar yé gato yo onyar kem ri mo Yefun nde tó ne, subere án gwat mu ges mo os ibit o re. Án sa, owa án ku suk mwa gato án gro sye wa ne. Bere Yefun Allah ben sukye nai yeguru gane sino mo sukibit mwa gato án ben ne o re,

Lukas 12:16

Orge Yefun Yesus gwat sukamno sare do, ”Yekaya dik yo, an jan sukjan mo an bi bur det. Sukjan ne do kri sa, yekaya ne nai sugit mwa ye re.