Lukas 11:49 - Abun Scripture

⁴⁹ Yefun Allah jam suk mwa ne sino, sane anato An ki do, ’Bere Ji syogat yenabi deyo si yerasul deyo gwat Ji bi suktaru ma, wo bere yé gu deyo kwop, deyo o yé ben sukye nai.’

Lukas 11:49 Referans Kwoze

1 Korintus 1:30

Yefun Allah dakai fro os wa men si Yesus Kristus tepsu dik. Yesus Kristus ne kak men bi sukjimnut. Yesus Kristus ne kak os wa men sok mo Yefun Allah bi rus-i. Yesus Kristus kak os wa men ben Yefun Allah bi suk-i sor. Yesus Kristus tot suktot wa men mo sukibit gato men ben ne wé. Men dakai yo ben suk gato ben to Yefun Allah nai men gum sok mo An bi rus-i nde.

Kolose 2:3

Kristus anato kadum suk mwa gato Yefun Allah gurik suga nyim tuya ne, ete An ki bor wa men jam, subere kak men bi sukjimnut ko ete ós men jam suk mwa.

Efesus 4:11

An anato syo suktinggi bok yo nai men yetu mo bur ré subere men nggiwa ós An bi rus-i sato ré: deyo An bes gum yerasul gato ben Yesus Kristus bi suk-i win An mo bur ré; deyo o An bes gum yenabi gato gwat Yefun bi suktaru ma; deyo o An bes wa mu ki sukdu subot Yesus Kristus; deyo o An bes gum yekwesu wa mewa An bi rus-i; deyo o An bes gum yeguru wa duno An bi rus-i.

1 Korintus 1:24

Sarewo ye Yahudi si yewis yi gato Yefun Allah nai sok mo An bi rus-i jam sukdu subot Kristus gato Yefun Allah bi ma kwop mo kwesukwin anato án sino jam mone do, Yefun Allah sa, bi sukjimnut ne ko, Yefun Allah sa, bi suktinggi ne nggi wai o re.

Suk Gato Yerasul Ben Ne 22:20

Sane dom, yé gu Stefanus kwop sa, ji sokwa, ji imo, ji mewa yé gato gu an ne bi san.’

Suk Gato Yerasul Ben Ne 8:3

Saulus werwa ben sukye nai ye gato sok mo Yefun Yesus bi rus-i. Saulus mubot nu, an do ku ye gato onyar kem mo Yefun Yesus it yo, an ben sukye nai yebris si nggon ne sino, an gwat mu sok mo penjara.

Suk Gato Yerasul Ben Ne 7:57

Yepasye mwa ne bariwa suk gato Stefanus ki ne, sane án rem án syim kewa án dabe. Án syim kewa án dabe saresa, án saiye, án bapu daret subere án jam sukdu gato Stefanus ki ne o nde, ete án kas mu but Stefanus,

Suk Gato Yerasul Ben Ne 1:8

wo su kam gato Yefun Gen bok nggwa mo nin, bere nin ku suktinggi wa nin mu ki sukdu subot os be gato Ji kak wa yetu sok mo Yefun Allah bi rus-i. Bere nin mu ki sukdu ne nai nje mo Yerusalem, mo bur Yudea, mo bur Samaria sane sor, kom mo bur ré iwedewe or sino.”

Yohanes 16:2

Bere ye Yahudi syun nin wé kadit án bi nu ari. Bere kapyo tak yé gato gu nin kwop wé gendo suk gato án ben ne Yefun Allah imo.

Lukas 24:47

Bere yé mu kibot suk gato Kristus ben ne nai yewis mwa mo bur ré sino jam. Bere yé ki do, ’Nin onyar kem mo Yekwesu gato Yefun Allah syogat ma mo bur ré et! Nin onyar kem mo An eteyo, nin kwet kadit sukibit gato nin ben ne, ete nin jammo An yo, bere Yefun Allah yo maskwa nin mo sukibit mwa gato nin ben ne o nde, tepsu An tot sukibit ne wé kadit nin re.’ Bere yé ki sukdu ne frekbot bur ré iwedewe, yé ki nai nje mo kota Yerusalem jam nyim, orete yé ki nai yewis mwa ne mo bur ré or sino jam re.

Matius 22:6

Deyo o but pakwerut ne ete kwam pa ne, ete gu pa bok ne kwop or re.

Lukas 11:48

Sane nin dakai ki do, nin imo suk gato nin bi amui ben ne. Nin bi amui anato gu yenabi kwop, orete nin anato nggo nu wa yenabi mo bi makwe ne.

Suk Gato Yerasul Ben Ne 11:27

Sugane yenabi ge bok yo mu kadit Yerusalem ma mo Antiokhia.

Wahyu 16:6

Yetu gu yé gato onyar kem mo Yefun Yesus si Nan bi yenabi ne kwop ete dé sye, sane anato Nan syo yetu dé wa án da win sukibit gato án ben ne.”

Wahyu 18:20

Nin yé mwa ne sino gato kem mo gu ne, nin mit at, we Yefun syo sukye nai kota Babel, kota ne ibit it. Nin yé gato onyar kem mo Yefun Yesus e, nin yerasul e, nin yenabi e ne, nin sino mit at, we Yefun Allah syo sukye nai nje mo kota ne tepsu sukibit gato yé mone ben ket nin re.