Lukas 11:45 - Abun Scripture

⁴⁵ Yeguru agama dik yo ki nai Yefun Yesus do, ”Yeguru, suk bok gato Nan ki ye Farisi gum ibit mone, tepsu Nan ki men yeguru gum ibit mone dom.”

Lukas 11:45 Referans Kwoze

Yohanes 9:40

Ye Farisi ge bok yo mone jam Yefun Yesus ki sukdu ne sa, án ndo mo Yefun Yesus do, ”Nan bi sukjimnut sa u ne? Nan nut do men gro ndu dom e?”

Yohanes 7:48

Te men bi yepasye si men ye Farisi deyo onyar kem mo Ye ne mó it bado? Yo mo nde.

Yohanes 7:7

Yetu mo bur ré bere án yo bariket nin nde. Sarewo Ji ki yetu mo bur ré mo sukibit gato yé ben ne bu anato án bariket Ji.

Lukas 11:52

Nin yeguru agama, bere nin ku sukye, we nin bi os wa nin jam Yefun Allah bi sukduno, sarewo nin yo benbot ri nde. Nin gurik Yefun Allah bi sukduno kadit ye yi gato iwa jam sukdu ne. Nin dakai bariwa Yefun Allah bi os-i ne. Sane dom, nin duyawa ye gato iwa muket Yefun Allah bi os-i ne. Sane bere nin ku sukye mone.”

Lukas 11:46

Yefun Yesus ki nai an do, ”Nin yeguru agama, bere nin ku sukye dom, we nin duno nje su nin bi sukduno-i ne mwa, nin ben sukye wa nje, tepsu nin bes sukde mo nje wa yé sam. Sarewo nin yo ós nje sam sukde ne nde, nin yo ós wokgan yo dom nde.

Matius 22:35

Ye Farisi ge dik yo gato owa duno nje su Yefun bi sukdu ne meret os wa Yefun Yesus. An ndo Yefun Yesus subot sukduno kwa yo.

Lukas 7:30

Sarewo ye Farisi si yeguru agama sino bariwa Yefun Allah bi os-i, án bariwa án jammo Yefun Allah bi sukdu, anato án bariwa Yohanes ras án mo syur.