Lukas 11:35 - Abun Scripture

³⁵ Sane nin mewa nin dakai, subere nin bi sukru ne te nde, wo nin bi sukjimnut kak pe sor.

Lukas 11:35 Referans Kwoze

2 Petrus 1:9

Sarewo men yo ben men bi suk-i sane nde yo, bere men tepsu ye gato gro ndu, men yo me suk sisu ndo nde, ete men mbrinket do, sukibit gato men ben suga nyim ne, Yefun Yesus tot or wé kadit men re.

Wahyu 3:17

Nin ki do, ’Men yekaya it, men ku suk mwa mó re. Men yo yewa suk nde.’ Nin da ki sane, sarewo nin jam nde, Ji nut mo nin do, ’Kamapa, nin yo ndo nde. Nin yewa suk. Nin gro ndu. Nin kawarun re.’

Roma 1:22

Men nut do, men sa, men jam suk mwa, sarewo men jimgon, men jam suk kom mo pe yo nde.

2 Petrus 2:18

Yeguru ne ki suk su án syokwet wik, án ki án bi sukdu-i, án dakai bes án nggwa kok. Sane yé gato sombok kadit os ibit sim ne, yeguru ne duno sare do, ”Men da bro wa ben siri su nggon anato ndo.” Yé gato ré ete sim titi fro kadit yé bok yo gato simo os ibit ne, yeguru duno án su sukduno daret bok yo digare, ete yeguru tik yé ne mit, subere án ges mo os ibit satu o re.

Matius 6:22

”Nin gro tepsu sukru wa nin kaim. Nin gro ndo tepsu nin bi sukjimnut kak yo, bere rer ku nin kaim sino,

Lukas 11:34

Sane nin gro tepsu sukru wa nin kaim. Nin gro ndo tepsu nin bi sukjimnut kak yo, bere rer ku nin kaim sino, wo nin gro ibit tepsu nin bi sukjimnut yo kak ri nde tó yo, nin kaim kem mo ndendu.

Lukas 11:36

Sane dom, nin do iwa nin bi sukjimnut kak subere nin jam suk gato sangge kom mo mit it yo, bere Yefun Allah kadum suk mwa ne nai nin jam. Bere nin kaim yo kem mo ndendu nde, wo tepsu sukru gato nin ndum, ete nin grem kok mo pe gato dor, bere nin jam suk mwa tepsu sukru rer ku suk mwa ne sino.”