Lukas 11:29 - Abun Scripture

²⁹ Yé mwa sum wa nden wa Yefun Yesus saresa, Yefun Yesus ki do, ”Nin yé gato kem mo bur ré, nin ben nin bi suk-i ibit. Nin werwa Ji ben suk yo wa kadum Yefun Allah bi suktinggi bor. Ji yo ben suk sane mo nin gwem nde. Sarewo tepsu Yefun Allah ben An bi suktinggi bor wa yenabi Yunus, bere An waii ben sane o wa nin me et.

Lukas 11:29 Referans Kwoze

Lukas 11:16

Ye yi yo o meret os wa Yefun Yesus, sane án ndo mo Yefun Yesus do, ”Nan ben suk yo gato ben Yefun Allah bi suktinggi ne bor wa men me et.”

1 Korintus 1:22

Sarewo yé mwa bariwa sukdu ne. Ye Yahudi kiwa Yefun Allah kadum An bi suktinggi ben suk gato ben nje yeket wa án me su án gro, subere án jam do, sukdu ne sangge. Yewis yi ne nut do, yé ki sukdu ne su sukjimnut gato kru sa, bere án jambot.

Lukas 12:1

Ye Farisi si yeguru agama ben bi suk-i sa, yé mwa ye re sum mone wa án me Yefun Yesus. Yetu ge ribu bok yo, yé mwa ne ti buk mo yu. Sane Yefun Yesus yo ki sukdu nai yé mwa ne nde tó, Yefun Yesus ki nai An bi pakon do, ”Nin mewa nin nggwa kadit ye Farisi bi bibit roti-i. Nin mewa nin nggwa subere nin ben suk tepsu ye Farisi ne nde. Ye Farisi duno nje su án syokwet sor, wo án yo benbot án bi sukduno nde.

Yohanes 8:44

Nin bi ai anato biris bi yekwesu. Nin iwa nin ben suk tepsu nin bi ai mit sor. Kadit ketke it, nin bi ai ne anato gu nje kwop. Nin bi ai bariwa suk gato sangge sino, we mo an mit suk gato sangge yo mo nde. Biris bi yekwesu ne do kidar suk yo, an ki an bi sukdu-i sagana anane, we an anato kidar suk nggi. Sukkidar mwa ne sino bi i-ke mo biris bi yekwesu re.

Yohanes 6:30

Sane yé ne ki nai An do, ”Sane Nan ben suk sato suma bor wa men me subere men onyar kem mo Nan ne? Suma anato bere Nan ben ne? Bere Nan ben suk tepsu suk gato bor suga nyim tuya,

Yohanes 2:18

Ye Yahudi bi yepasye syogat Yefun Yesus do, ”Nan kadum Yefun Allah bi suktinggi bor. Nan ben suk gato ben men yeket wa men me bor et, subere men jam do, sangge, Yefun Allah bes Nan ete syo suktinggi nai Nan wa Nan syun suge mwa ne mu nden wé kadit nu ré.”

Lukas 11:50

Ri ma, nin yé mwa gato kem mo bur su ré, bere nin ku sukye mo yenabi mwa ne sino gato nin bi amui gu kwop ne. Nin bi amui gu yenabi mwa ne sino wé kadit ketke sor kom mo kam ré dom.

Lukas 9:41

Sane Yefun Yesus ki do, ”Mban! Nin gare, nin yo onyar kem ri mo Yefun nde, nin su krat teker ware go! Ji bambrai wa Ji ben Ji bi suk-i njep si nin o it! Kam ot ete bere Yefun Allah nai Ji wé kadit nin ne? Nin gwat pa ne ma mo Ji et.”

Markus 8:38

Bere Yetu bi Pa to Ji ré satu ma mo bur ré. Ji satu ma sisu Ji kaim rer-rik su Ji bi Ai bi suktinggi ne. Malaikat gato ben Yefun Allah bi suk-i si Ji ma sino. Sane, ye to damen wa an ki nai ye yi do, an sok mo Ji bi rus-i si ye to damen wa an kibot Ji gum nai ye gato ben sukibit bu mo bur ré jam yo, bere Ji do satu ma it yo, Ji waii damen wa ye ne, Ji waii bariwa Ji ki do, ye ne sok mo Ji bi rus-i dom.”

Matius 3:7

Ye Farisi si ye Saduki mwa ma mo Yohanes wa Yohanes ras án mo syur, sarewo Yohanes me án ma sa, Yohanes ki do, ”Nin yé gato kidar suk nggi, nin tepsu kwis jan, nin nut do, nin ma wa ji ras nin mo syur, bere ós nin titi fro kadit Yefun Allah bi sukmaskwa mo sukibit gato nin ben ne bado? Sane nde, nin kwet kadit sukibit gato nin ben ne dom et.