Lukas 10:29 - Abun Scripture

²⁹ Yeguru ne bariwa an damen mo yé mwa gwem, sane an waii ndo mo Yefun Yesus o do, ”Je u anato gum do, ’ye yi’ gato ji bi sukjimnut sye kas subot ne?”

Lukas 10:29 Referans Kwoze

Lukas 16:15

Yefun Yesus ki nai án do, ”Nin anato ben suk subere yé mwa nut do, nin sa, ben sukndo, ondewo Yefun Allah jam nin mit-i tara re. Suk gato yetu nut do, ndo, Yefun Allah nut do, ibit.”

Galatia 3:11

Sukdu ne rer wa men jam do, men benbot ye Yahudi bi sukduno-i, bere men yo ku os wa Yefun Allah nai men gum sok mo An bi rus-i nde, we ye krom mo Yefun Allah bi sukdu do, ”Men onyar kem mo Yefun Allah it yo, bere men si Yefun Allah kem ndo, we Yefun Allah nut mo men do, men sa, tep wa sok mo An bi rus-i it anane.”

Roma 4:2

Abraham ku os wa Yefun Allah nai Abraham gum sok mo Yefun bi rus-i mo gato Abraham ben bi suk-i ne ndo tepsu ye Yahudi bi sukduno-i yo, bere Abraham ku os wa bes an nggwa kok mone re. Sarewo Abraham yo ku os wa bes an nggwa kok mo Yefun Allah gwem yo mo nde.

Roma 10:3

Án jam nde os ndo gato Yesus Kristus kak wa án sok mo Yefun bi rus-i, wo {ye Israel gato ye kendo gum yo o do, ye Yahudi}, án dakai fro án dakai bi os-i Án nut do án benbot ye Yahudi bi sukduno-i sa, bere Yefun nai án gum sok mo bi rus-i sor re. Án dakai fro án dakai bi os-i sane anato án yo jammo os gato Yefun Allah fro ne nde.

Lukas 10:36

Orge Yefun Yesus ki nai yeguru ne do, ”Nan nutbot yetu ka gri ne te, je u anato ben bi suk-i tepsu ye gato bi sukjimnut sye kas subot ye yi gato yegitsi gu ne?”

Yakobus 2:24

Sane, su ré men jam rer do, Yefun Allah nai nje sok mo An bi rus-i mo gato ye ne onyar kem mo Yefun yi sor nde, wo Yefun me mo suk gato ye ne ben dom et.

Markus 8:34

Orge Yefun Yesus kendo yé mwa gato mone si An bi pakon ma mo An, ete An ki do, ”Ye to iwa simo Ji it yo, ye ne yo iwa ben suk ket an mit-i ne o nde, wo an ben Ji bi suk-i sor, an tepsu ye gato sam an bi kwesukwin. Kapre an ku sukye mone, an kwop o, an mbau o an simo Ji pe sor.