Lukas 10:24 - Abun Scripture

²⁴ Ji ki sare do, yenabi si yepasye bok ne sino, suga nyim neya án mit iwa me suk gato nin me su ré, sarewo án yo me nde; án mit iwa jam suk gato nin jam su ré ne, sarewo án jam nde re.”

Lukas 10:24 Referans Kwoze

Ibrani 11:13

Yenggras bok gato men krombot more onyar kem mo suk gato Yefun ki sane sor, án yo ku tepsu Yefun tom ne nde tó, án kwop kadit re, wo án dakai jam do, ri ma, suk mwa ne bere bor mone tó. Yenggras bok ne yo me suk mwa ne sino su án gro nde, wo án bi sukjimnut sor ete kom mone re. Án ki subot bur ré do, bur ré yo tepsu án bi nat-i nde, án tepsu yemabe gato muya-muma, án tepsu yedamok gato bergan sor ete mu kadit bur ré re.

Yohanes 8:56

Nin bi ai Abraham nutbot kam gato Ji ma kem mo bur ré sa, an mit iwa wai o re. Ben sato an me Ji ma mo bur ré, sane an mit iwa wai o re.”

Ibrani 11:39

Án yé bok ne sino gato men krombot ne sa, án onyar kem mo Yefun Allah ete Yefun Allah bes án gum kok mo suk gato án ben ne, sarewo án yo ku suk mwa gato Yefun Allah tom su án nde tó.

Matius 13:16

Wo nin sa, nin ku suk gato ndo, nin dakai me su nin gro, nin dakai jam su nin dabe, ete nin jam kom mo mit re.

Lukas 10:23

Orge Yefun Yesus brek ma sokme An bi pakon ne wadigan, ete Yefun Yesus ki nai An bi pakon do, ”Nin sa, nin me suk gato ndo, nin me suk gato ben yé yeket su nin gro re.

Lukas 10:25

Orete yeguru agama ge dik yo gato owa duno nje su Musa bi sukduno-i ne meret os wa Yefun Yesus. An ma ti mo Yefun Yesus gwem, ete an ndo mo Yefun Yesus do, ”Yeguru, ji ben suma subere ji kem ndo to kapyo mato kapyo ne?”