Lukas 1:6 - Abun Scripture

⁶ Zakaria si bi nggon ne, an we ben sukndo tepsu Yefun Allah mit. An we benbot Yefun Allah bi sukduno mwa ne sino sor, kwa dik yo gwet dom nde.

Lukas 1:6 Referans Kwoze

Filipi 2:15

Sane bere nin tepsu Yefun Allah bi pa-i, bere nin ben nin bi suk-i ndo petok sor, kwa gato ibit yo mo nde. Sane bere ye yo ku os wa ki nin gum ibit mo suk gato nin ben ne mo nde. Nin do ben suk tepsu Yefun mit sane it yo, nin tepsu sukru gato rer ku nje mo bur ré. Yé mo bur ré mise, án ben sukibit bu.

Suk Gato Yerasul Ben Ne 24:16

Sane, kamdik-kamdik ji wergat ji dakai wa ji benbot sukdu gato ji onyar kem mone, subere mo suk mwa gato ji ben mo Yefun Allah si yetu gwem ne ndo sino, kwa gato ibit yo mo nde, kwa yo gato siri kadit ji bi sukjimnut gato ndo mo ji mit ne yo mo nde.

1 Tesalonika 3:13

Sane bere Yefun ben nin mit kem mo Kristus nggi wai o, subere men bi Yekwesu Yefun Yesus si ye gato sok mo An bi nje-i ne, satu ma mo bur ré yo, bere nin ti mo men bi Ai, Yefun Allah gwem, ete bere nin tepsu ye gato ben nin bi suk-i ndo sor, kwa gato ibit yo mo nde.

1 Yohanes 2:3

Men benbot Yefun Allah bi sukduno-i ne yo, bere men jam mone do, men jam Yefun Allah sisu ndo mone, men si Yefun Allah tepsu dik.

2 Petrus 3:14

Sane it yo, ji bi nji ji bi nyanggon gato ji jimnotku, men eswa kam gato Yefun Yesus tom ré it yo, men kamo nde, wo men wergat men nggwa, subere men ben suk mwa ne ndo sor, kwa yo gato ibit mo An gwem mo nde. Sane dom, men werwa men si Yefun Allah kem ndo su yu petok sor.

1 Yohanes 3:7

Ji bi pa, nin jammo ye gato werwa ben kidar nin brek kadit os ndo ete nin simo os ibit nde. Sukdu gato sangge anare, ye gato ben bi suk-i ndo tepsu Yefun Allah mit, ye ne anato Yefun Allah nai sok mo An bi rus-i, tepsu Yesus Kristus sok mo Yefun Allah bi rus-i re.

1 Yohanes 2:29

Nin dakai jam do, Kristus ben An bi suk-i tepsu Yefun Allah mit. Sane nin jam o do, ye gato ben suk tepsu Yefun Allah mit ne anato tepsu Yefun Allah bi pá-i anane.

Kolose 1:22

Wo, su ré, Yefun Allah syo An bi Gan ma kwop subere kak os wa nin si An kem ndo satu it. Yefun Allah fro os ré subere An bi Gan kar nin ma mo An, ete mone, An nutbot nin do, nin sa, tepsu An dakai bes wa nin ben An bi suk-i sor, ye yo ku os wa ki nin gum ibit mo Yefun gwem nde. Sane dom, Yefun nutbot nin do, sukibit wokgan yo ut mo nin o nde, we An bi Gan kwop wa tot sukibit ne wé re.

2 Korintus 1:12

Men dakai un men dakai wokgan, we men dakai jammo men bi sukjimnut gato ndo mo men mit sare do: Men ben men bi suk-i su yé mwa mo bur ré sa, Yefun Allah ben men nggiwa men ben men bi suk-i sisu ri-roi sor, sukibit yo ut mo men nde. Sane dom, men ben men bi suk-i su nin ndo wai kadit ne o re. Men ben men bi suk-i ne, men yo nai men bi sukjimnut-i mo yetu gato jam suk mwa mo bur ré bi sukjimnut-i nde, wo Yefun Allah ben sukndo su men anato An ben men nggiwa men ben suk gato ndo su nin re.

1 Korintus 11:2

Nin sa, nin yo mbrinket ji nde, wo nin napawa ji, nin jom sukduno gato Yefun tarubot ji wa nin petok sor. Sane ji mit iwa.

Suk Gato Yerasul Ben Ne 23:1

Paulus sokwa yepasye bok ne, an ki do, ”Ji bi nji, kadit ketke sor kom mo kam ré, ji ben Yefun Allah bi suk-i sisu ji mit dik, ji mit kem pe mo Yefun Allah, ji yo brek kadit An wokgan yo dom nde.”

Lukas 16:15

Yefun Yesus ki nai án do, ”Nin anato ben suk subere yé mwa nut do, nin sa, ben sukndo, ondewo Yefun Allah jam nin mit-i tara re. Suk gato yetu nut do, ndo, Yefun Allah nut do, ibit.”

Lukas 1:7

Sarewo an we yo ku pa nde, we Elisabet nukwerit pe re. An we kem, an we ka yenggras it.

Lukas 2:25

Maria si Yusuf gwat Yesus ma kom mo Yerusalem, sugane yetu ge dik yo gato gum do Simeon kem mo kota Yerusalem ne. Simeon ré, an ben sukndo, an ben suk ri tepsu Yefun Allah mit, we an jammo Yefun. An eswa kam gato bere Yefun Allah syogat Yekwesu ma mo bur Israel gato nai ye Israel wé kadit sukye. Yefun Allah Gen sisu Simeon pe.

Suk Gato Yerasul Ben Ne 2:25

Suga nyim tuya, Daud krom sukdu subot Yefun Yesus sare do, ’Ji me Yefun Allah, Nan mo ji gwem petok sor. Nan sisu ji sor, sane ji yo ku sukye mo nde.

Suk Gato Yerasul Ben Ne 8:21

Nan bi nan nggwa mo Yefun Allah sisu sangge nde tó, sane nan si men ka we ak syim mo nje nde, nan si men ka we ben suk sino nde.

Roma 8:4

Yefun Allah syo An bi Gan ma subere men ku os wa men benbot suk gato Yefun iwa men ben, gato Yefun kadum mo ye Yahudi bi sukduno-i ne. Sane men kem mo bur ré, men benbot sukjimnut gato tik men mit wa ben sukibit, bere men yo ku os nde, wo men jammo Yefun Allah Gen sa, bere men nggiwa men benbot suk gato Yefun iwa men ben ne re.