Lukas 1:20 - Abun Scripture

²⁰ Sarewo nan yo onyar kem mo ji bi sukdu-i nde. Nan nut do, ji bi sukdu-i yo sangge nde. Sane kadit kam ré yo, ji ben nan syokwet mbut, nan yo ki suk o nde re. Ji ben nan syokwet mbut mu kom mo kam gato suk gato ji ki ne bor et. Suk gato ji tom ne bor eteyo, nan ki suk satu.”

Lukas 1:20 Referans Kwoze

Wahyu 3:19

Ye gato Ji bi sukjimnut sye kas subot ne yo, bere Ji ndantom yé ne, ete Ji kwam án mo sukibit gato án ben ne. Sane nin kwet kadit sukibit gato nin ben ne et. Nin ben Ji bi suk-i sisu nin mit dik si nin onyar dik et.

Ibrani 6:18

Yefun Allah yo kidar subot suk gato An tom su men ne nde. Yefun tom suk su men, or o Yefun syo An syim su sukdu ne dom. Yefun ben suk we ne, anato men jam do, suk gato An tom ne kwop mone it. Sane anato men yé gato brek kadit sukdu yi neya ete kas ma jom suk gato Yefun tom ne, men yo mit we subot sukdu ne nde, wo men mit at wa sukdu ne wai o re.

Lukas 1:22

Zakaria syesyar kadit nu mit sa, an syokwet mbut, an yo ki suk ndo nde. An ef su an syim sor re. Sane yé mwa mone jam do Yefun Allah kadum suk yo nai Zakaria mo nu mit, anato Zakaria ef su an syim, sarewo an yo du nde, an syokwet mbut ware.

Titus 1:2

Án jammo Yefun Allah, we án kwabom kam mo Yefun Allah do, bere Yefun nai án gum sok mo Yefun bi rus-i, bere án si Yefun kem ndo to kapyo mato kapyo, tepsu Yefun Allah tom su men sugato An ut bur ré nde tó. Suk gato Yefun Allah tom su men ne, bere An benbot sor, An yo kidar nde.

2 Timotius 2:13

Men do misyar An yo, bere An yo misyar men nde, we An mit kem mo men, sane An yo ben suk siri kadit An mit nde.”

Lukas 1:45

Nan onyar kem mo sukdu gato Yefun Allah ki nai nan ne. Nan jam do, sangge, suk gato Yefun ki ne bere bor re, sane anato Yefun Allah ben sukndo su nan.”

Markus 16:14

Kapyo tak o, Yefun Yesus bi pakon ge musyu dik sop dik git sugit sino saresa, Yefun Yesus kadum An nggwa nai An bi pakon ne. Yefun Yesus ndantom An bi pakon ne do, ”Nin yo onyar kem mo Ji nde wa suma ne? Ji sun kadit sukkwop re. Ji kadum Ji nggwa nai yetu ge bok yo, án dakai me su án gro re. Sarewo nin su krat wa yé ne bi sukdu-i wa suma ne?”

Markus 9:19

Yefun Yesus ki nai yé mwa mone do, ”Mban! Nin gare, nin yo onyar kem ri mo Yefun nde, nin su krat teker ware! Ji bambrai wa Ji ben Ji bi suk-i njep si nin o it! Kam ot ete bere Yefun Allah nai Ji wé kadit nin ne? Nin gwat pa ne ma mo Ji et.”

Roma 3:3

Sarewo ye Yahudi ge bok yo bi sukjimnut kem pe mo Yefun bi sukdu nde yo, bere sa u ne? Sane bere Yefun Allah yo bi sukjimnut kem pe mo men o nde dom bado?

Lukas 1:19

Malaikat ne ki nai Zakaria do, ”Ji gum do Gabriel, ji kem mo Yefun Allah gwem. Yefun Allah anato syogat ji gwat suktaru gato ndo ne wa nan.

Lukas 1:21

Malaikat si Zakaria nuk sukdu saresa, yé mwa mo nu de nden eswa Zakaria syesyar kadit nu mit. Yé mwa nut do, ”Suma ben anato Zakaria ben suk nam mo nu mit ne?”

Lukas 1:64

Zakaria do krom pa gum or, sugane Zakaria syokwet kak, Zakaria ki suk sisu ndo satu, an un Yefun Allah.