Lukas 1:13 - Abun Scripture

¹³ Sarewo malaikat ki nai Zakaria do, ”Zakaria, nan nyu nde. Suk gato nan ndek mo Yefun Allah ne, Yefun Allah jam re. Bere nan bi nggon Elisabet ku pa yebris dik yo mone tó. Bere nan kendo pa ne gum do Yohanes.

Lukas 1:13 Referans Kwoze

Suk Gato Yerasul Ben Ne 10:31

An ti mone, an ki do, ’Kornelius, Yefun Allah jam suk gato nan ndekwa ne it. Yefun Allah me nan ós ye Yahudi gato yewa suk. Yefun Allah mit iwa nan.

Lukas 2:21

Maria kem su Pa ne or, kam munggwo rek eteyo, yesu mo nu ari bisunat Pa ne. Yesu ne tot Pa da naprut wé, ete Maria si Yusuf kendo Pa ne gum do, Yesus, tepsu gum gato malaikat ki nai Pa bi im sugato Pa bi im yo pe Pa nde tó.

Matius 14:27

Wo sugane Yefun Yesus ki nai án do, ”Nin nyu nde. Ji ré anato Yesus. Nin nokwa Ji nde.”

Matius 28:5

Malaikat ne ki nai nggon we ne do, ”Nin nyu nde. Ji jam do, nin meret Yefun Yesus gato ye mban mo kwesukwin ne, sarewo

Lukas 1:30

Malaikat ne ki do, ”Maria, nan nyu nde, we Yefun Allah dakai jimnotku nan.

Markus 16:6

Pa yemsok ne ki nai nggon ne do, ”Nin nyu nde. Ji jam do, nin meret Yefun Yesus ye Nazaret gato yé mban mo kwesukwin ne. An mbau re! An sun re! An yo more o nde. Nin dakai me nat gato yé grem An mone.

Matius 1:21

Bere Maria kem su pa yebris, orete nan kendo pa ne gum do Yesus, we Pa ne ma mo bur ré wa ós An bi nje-i. Bere An tepsu suktot wa tot sukibit gato An bi yetuge-i ben ne wé re.”

Lukas 1:14

Nan bi nggon do kem su pa ne, bere nan iwa wai o re. Yé mwa dom, bere án iwa pa gato nan bi nggon kem su ne.