Kolose 4:10 - Abun Scripture

¹⁰ Aristarkhus gato si ji kem sino mo sel ré sino, an ki ndo mo nin. Barnabas bi mben, gato gum do Markus dom, an ki ndo mo nin. Suga nyim nin jam sukdu subot an re. An do ba ku nin it yo, nin mewa an sisu ndo et.

Kolose 4:10 Referans Kwoze

Filemon 1:24

Sane dom, yé gato si ji ben suk sino gato gum do, Markus, Aristarkhus, Demas si Lukas ki ndo mo nan dom.

2 Timotius 4:11

Lukas wadigan sor anato si ji kem more tó. Nan mu kar Markus, ete nan si an ma more, we Markus sa, bere ós ji ben Yefun bi suk-i.

Suk Gato Yerasul Ben Ne 19:29

Bergan, yé mwa mo kota ne saiye daret e neya. Sane án but ye we gato ma kadit Makedonia, gato simo Paulus mubot os. Ye we ne gum do Gayus si Aristarkhus. Ye tik an we bot bur mu kekro mo nu sye gato ye sum mó.

Suk Gato Yerasul Ben Ne 27:2

Men it mo kapal, gato ma kadit kota Adramitium. Ye fro kapal ne wa bere mubot sem de mo bur Asia. Men simo kapal ne mu kadit kota Kaisarea. Ye Makedonia ge dik yo gato gum do Aristarkhus, an ma kadit kota Tesalonika, an si men mo kapal ne.

Suk Gato Yerasul Ben Ne 20:4

Tomgato Paulus mubot bur Makedonia ne, yetu ge mufit simo an. Ye gato simo an gum do, Sopater gato Pirus bi gan ne, an ye Berea; Aristarkhus si Sekundus, ye we ne ye Tesalonika; Gayus, an ye Derbe; Timotius si Tikhikus si Trofimus, an ka gri ye bur Asia.

Suk Gato Yerasul Ben Ne 12:12

Petrus jam do, sangge an syesyar kadit penjara ne sa, an mu mo Maria bi nu. Maria anato Yohanes gato ye kendo do Markus bi im. Mo nu ne yé mwa ne sum ki suk su Yefun.

1 Petrus 5:13

Yé gato onyar kem mo Yefun Yesus mo kota Babilon, yé gato Yefun nai sok mo An bi rus-i tepsu Yefun nai nin ne yo, yé mwa ne ki ndo mo nin. Sane dom, Markus, gato ji jimnotku tepsu ji bi pa ne, an ki ndo mo nin.

Roma 16:7

Nin ki nai Andronikus si Yunias do, ji ki ndo mo an we. An we yewis dik su ji. An we sok mo sel su ji mó re. Ji yo onyar kem mo Kristus nde tó, an we onyar kem mo Kristus nyim wé re. Yerasul bes an we gum kok re.

Roma 16:2

Nggon ne do ma ku nin yo, nin mewa mom tepsu nin mewa men yé gato onyar kem mo Yefun Yesus. Nin kak nin mit wa mom ma tepsu nin kak nin mit wa men bi Yekwesu Yesus Kristus. Sane nggon ne do yewa suk yo, nin ós mom, we mom dakai ós yé mwa mó re, mom ós ji dom mó re.

Suk Gato Yerasul Ben Ne 13:13

Paulus si yé bok yo gato simo an mu kadit kota Pafos. Án sino it mo kapal mu mo kota Perga mo bur Pamfilia. Mone Yohanes, gato ye kendo gum do, Markus mu kadit yé bok ne. Yohanes satu mu mo Yerusalem.

Suk Gato Yerasul Ben Ne 4:36

Yetu ge dik yo gato gum do Yusuf, an ye Lewi gato ma kadit bur Siprus. Yerasul kendo ye ne gum yo o do Barnabas (gato bi sukjimnut do, ye gato ós ye yi). Sane Yusuf ré so an bi bur det dik yo or, an gwat bi sugum ma syo nai yerasul.

Suk Gato Yerasul Ben Ne 13:5

Ye we mu kom mo kota Salamis sa, ye we kibot Yefun Allah bi sukdu subot Yesus Kristus mo ye Yahudi bi nu ari mone. Yohanes ós ye we bot os ne dom.

Suk Gato Yerasul Ben Ne 12:25

Barnabas si Saulus gwat sugum ne mu kom mo Yerusalem, orge an we satu mu mo Antiokhia kadit Yerusalem ne o. An we kiwa Yohanes gato gum do, Markus ne, sisu an we mu dom.

Filemon 1:23

Epafras gato ye rai ete bok mo sel mo gato an ben Yesus Kristus bi suk-i ne, an si ji kem mo sel tó. An ki ndo mo nan.