Kolose 3:8 - Abun Scripture

⁸ Sarewo, su ré nin ben sukibit bok yo ó gato ji krom more ne o nde. Nin bare sukibit sato ré wé kadit nin dakai et: nin grem sukmaskwa nde, nin maskwa ete saiye su nde, nin iwa ben suk ibit nai ye yi nde, nin kiket ye yi nde, nin njak ye yi gum nde,

Kolose 3:8 Referans Kwoze

Efesus 4:29

Nin ki subot sukdu yo, nin ki subot sukdu gato ibit su nje nde, wo nin ki subot sukdu gato ndo wa ós nje su et. Nin ki suk yo, nin ki sukdu gato ós yé gato ku sukye, subere án mit at mo sukdu gato nin ki ne.

Efesus 4:22

Sane suk gato nin ben nyim neya, nin bare wé et. Su kam nyim nin sibot nin dakai bi sukjimnut daret. Sukjimnut ne gwat nin ges mo os ibit mo koirut, sane nin bare sukjimnut ne wé et.

Efesus 5:4

Sane dom, men njak ye yi nde, men ki sukdaret nde, men ki sukdu gato ibit nde. Men tepsu Yefun Allah bi rus-i, sane men do ki suk sane, bere siri re, wo ndo sa, men ki ndo mo Yefun Allah mo suk mwa gato An ben ne sor.

Kolose 3:5

Bere nin si Kristus kem ndo sino, sane anato sukibit gato nin iwa nin ben mo bur ré, nin bare wé et. Nin bare sukibit gato jom nin ne wé sato ré: yebris si nggon ben siri su yu daret e, nin da bro wa ben sukdaret ket nin í e, nin da bro wa nggon bu e, nin bi sukjimnut nggiwa men nin sukibit bu e, nin gro sye wa nai suk mwa wa nin dakai sor e ne. (Nin gro sye wa nai suk mwa ne yo, tepsu nin onyar kem mo suk daret wai kadit Yefun Allah ne o re.)

Efesus 4:26

Nin maskwa yo, nin ben sukibit su nde. Tepsu kam bok nde tó, nin kibot sukmaskwa ne or wé kadit nin et. Nin maskwa o nde,

Ibrani 12:1

Sane yo, men jam sukdu mwa yé subot yé gato onyar kem mo Yefun Allah ne. Yé gato onyar kem mo Yefun Allah kam nyim ne, yé mwa ne ben sato án wairi wa men, án sokwa suk gato men ben wa Yefun Allah. Sane it yo, men bare suk gato kwawa men ben Yefun Allah bi suk-i wé kadit men et. Men am sukibit gato ut mo men wé kadit men et. Sane suk mwa gato Yefun Allah fro wa men ben ne, men ben sisu men mit dik si men onyar dik et, tepsu ye kas bitanding yu mo perlombaan, ye wergat ye nggwa sisu ye mit dik si ye onyar dik subere ye kas nggi mone sor kom mo pe gato or mó.

Kolose 3:9

nin kidar yu o nde. Nin ben nin bi suk-i saga nyim ne o nde, we sukibit mwa ne nin bare wé it.

1 Petrus 2:1

Men ki Yefun Allah bi sukdu gato kem gesyos nai nin jam it. Sane nin bare sukibit gato nin ben nai ye yi ne or wé kadit nin et. Nin kidar ye yi o nde. Nin ben suk tara kadit suk gato nin ki ne o nde. Nin on sa ket ye yi mo suk mwa gato an ku wai kadit nin ne nde. Nin ki ye yi gum ibit ket kwayo-kwayo o nde.

2 Korintus 12:20

Ji nokwa sawe, ji ba ku nin yo, nin ben nin bi suk-i tara kadit pe gato ji mit iwa ne, ete bere ji dom ben ji bi suk-i tara kadit pe gato nin mit iwa ne. Ji nokwa sawe, ji ku nin yo, nin ben nin bi suk-i sato ré: nin ki suk ot is yu e, nin maskwa ket yu mo sukndo gato nin deyo ku e ne, nin on sa ket yu ete nin ben sukndi e, nin brek nden we e, nin ki yu ket kwayo-kwayo, nin ki sukwok mo yu e, nin bes nin nggwa kok e, nin ba daret ete ben yé mwa gato sum ne nalar e ne.

1 Korintus 3:3

we nin ben nin bi suk-i tepsu yetu mo bur ré ben bi suk-i tó. Nin ben sukndi e, nin maskwa ket yu mo suk gato nin deyo ku e ne, sane anato men jam do, nin ben suk tepsu ye gato jam nde Yefun tó. Nin jammo sukjimnut gato tik nin mit wa ben sukibit ne tó.

Matius 5:22

Sarewo Ji ki sare do, ye to maskwa ket an bi nji, bere Yefun syo sukye nai. Sane o, ye to kendo an bi nji do, ’Nan yeibit,’ bere ye gwat mu mo ye Yahudi bi yepasye si yekwesu gato sum sino wa kibot sukdu ibit gato an ki ne. Sane o ye to kendo an bi nji do, ’Nan jimgon,’ bergan Yefun am ye ne mo bot gesyos.

Galatia 5:15

Wo nin maskwa ket yu e, nin ben yu ket kwayo-kwayo e ne yo, bere nin sino dakai ibit mo koirut o re. Sane nin mewa nin nggwa kadit suk sane.

Roma 13:13

Men ben men bi suk-i ndo sor, men ben men bi suk-i tepsu suk gato ye ben su nombrak. Men kamo e, men yenau su e, men ben siri su dom nde. Men yenau nde. Yebris si nggon ben siri su yu daret nde. Men ben suk siri dakai daret nde. Men ben sukndi nde. Men maskwa ye yi mo sukndo gato ye ne ku ne nde.

Yudas 1:8

Sane dom, yeguru gato misyar Yefun gato ji krombot ré, yé ne bi sukjimnut-i kas muya-muma, án ben siri daret, án dakai ben án kaim ibit su ne, án bariwa jammo Yefun Allah bi sukdu-i, ete án kiket suk mwa neya gato gesyos mo gu gato gum kok ne.

2 Petrus 2:18

Yeguru ne ki suk su án syokwet wik, án ki án bi sukdu-i, án dakai bes án nggwa kok. Sane yé gato sombok kadit os ibit sim ne, yeguru ne duno sare do, ”Men da bro wa ben siri su nggon anato ndo.” Yé gato ré ete sim titi fro kadit yé bok yo gato simo os ibit ne, yeguru duno án su sukduno daret bok yo digare, ete yeguru tik yé ne mit, subere án ges mo os ibit satu o re.

Yakobus 2:7

Yé gato bi suk mwa anato kiket nin bi Ai, Yefun Allah gum gato kok ne. Yé gato bi suk mwa anato kiket Yefun Allah gato nai nin sok mo An bi rus-i. Sane nin ben sukndo su ye gato bi suk mwa ne wai kadit ye gato yewa suk ne wa suma ne?

1 Timotius 1:20

sato Himeneus si Aleksander ne. Ji syo sukye nai an we, ji bi an we mo biris bi yekwesu syim-i, subere biris bi yekwesu ben sukye nai an we, subere an we yo ku os wa kiket Yefun Allah gum ibit o nde.

1 Timotius 1:13

wo suga nyim tuya ji kiket Yesus Kristus gum ibit, ji ben sukye, ji ben sukot nai An bi nje-i, ji kabor An ket kwayo-kwayo. Ji da ben sukibit mwa ne, sarewo An ben sukndo su ji, An dakai jimnotku ji sor, we tomgato ji ben ji bi suk-i ibit ne, ji jam nde suk, ji yo onyar kem mo An nde tó, anato ji ben sukdaret sane.

Galatia 5:26

Sane men bes men nggwa kok teker nde, men krokgat yu su sukdu daret nde. Men on sa ket yu mo suk mwa gato men deyo ku wai kadit deyo dom nde, wo men nai sukjimnut dik do, suk gato Yefun Allah Gen kiwa men ben ne yo, men benbot petok sor.

Galatia 5:20

án iwa som sukdaret e; án iwa kro ri mo nje e, kwa syua e, syi gwoi mo nje e, suk sane. Án grem sukmaskwa mo án mit wa nje e; án iwa ben sukndi su ye yi daret e; án maskwa ket ye yi mo sukndo gato ye ne ku ne e; án maskwa dek e; án nutbot án dakai sor re, án dakai bes án nggwa kok sor. Án gwat os wa ben nje subere yé mwa ne yo kem ndo su yu nde e; án iwa brek nden we e;

Markus 7:22

men gro sye wa men ku suk mwa e, men iwa ben sukibit nai ye yi e, men iwa kidar suk e, men gro sye wa ku ye yi bi suk e, men iwa men kiket ye yi, men iwa bes men nggwa kok e, men iwa ben sukdaret mwa.

Wahyu 16:9

Kam yor gat nggi sane sor git yetu da napyo nggom re. Yetu jam do, Yefun Allah anato nggiwa was sukye gato yé ku ne wé. Sane yé dufo mo Yefun gum tepsu sukye ne. Yetu da ku sukye mo sukibit gato án ben ne, sarewo yetu bariwa kwet kadit sukibit ne. Án bariwa bes Yefun Allah gum kok dom re.

Yudas 1:13

Án tepsu sem nap sye wai gato sam sukkwik si i-bre mu bare mo nden. Sukkwik ne tepsu sukibit gato án ben ne, án nutbot sisu ndo yo, bere án damen mone, wo án yo nutbot sukibit gato án ben ne nde. Án tepsu bí gato waiyu muya-muma mo gu nim ne, sarewo án mu siri kadit pe gato Yefun Allah fro wa án muket ne. Sane anato bere Yefun Allah fro nat gato ndendu yut wa án kem mó to kapyo mato kapyo.

2 Petrus 2:7

Sarewo Yefun Allah nai Lot wé kadit bot ne, we Lot ben bi suk-i ndo tepsu Yefun Allah mit sor. Lot jimnutbot yé gato ben sukibit mwa mone teker sane sor Lot kaim rere su, we yé mwa ne iwa ben siri su yu petok sor.

Efesus 4:25

Sane yo, nin sino kidar yu o nde, wo nin ki nin bi sukdu-i ri-roi nai yu sor, we nin sino tepsu yedik mo Kristus bi rus-i it.