Kolose 2:2 - Abun Scripture

² Suk mwa ré ji ben subere nin si án sino bi sukjimnut nggi, eteyo nin si án bi sukjimnut sye kas subot yu tepsu yedik. Ji ben suk mwa ne subere sukdu gato Yefun Allah gurik kadit men suga nyim tuya ne, nin si án sino jam wa pe kom mo brot marum kai. Sane ji ben suk mwa ne subere án jam do, Kristus gato Yefun Allah yo kadum bor wa men jam suga nyim tuya ne nde, su ré án jam do Kristus bor it.

Kolose 2:2 Referans Kwoze

Kolose 1:27

Yefun Allah iwa An bi rus-i gato ma kadit yewis yi neya jam sukdu gato ndo ré, gato nyim tuya An gurik ne. Yefun Allah iwa yetu mwa ne sino jam An bi sukdu ré gato bi sukjimnut kru ete ndo wai ne. Sukdu gato suga nyim An gurik ne anato sukdu subot Yesus Kristus gato ma ete si nin tepsu yedik sino. Men kwabom kam mo Yesus Kristus gato kak os ndo wa men kem mo Yefun Allah bi nat-i gato ndo wai o re.

Kolose 4:8

Bere ji syogat an ba ku nin subere nin jam sukdu subot suk gato bor mo men more, ete nin bi sukjimnut yo waiyu subot men nde, wo nin mit ndo sor.

Efesus 6:22

Sane ji syogat an ba ku nin mone subere an ki sukdu subot men more nai nin sino jam, subere ben nin mit ndo wa nin jom Yefun bi sukdu-i nggi wai o.

Kolose 3:14

Nin benbot suk mwa gare anato ndo, wo kwa gato ndo wai anato nin bi sukjimnut sye kas subot yu. Nin bi sukjimnut sye kas subot yu mo suk mwa ne yo, bere nin tepsu dik, kwa yo gato nin ben tara kadit yu mo nde.

Roma 16:25

Men bes Yefun Allah gum kok et. Ji ki sukdu subot os ndo gato Yefun Allah fro wa men yetu, ji ki subot Yesus Kristus gato kak os ne, orete nin jammo sukdu ne. Sane Yefun Allah ós nin anato nin onyar kem mo Yefun nggi wai kadit nyim ne o re. Kadit nyim tuya kom more, Yefun yo kadum sukdu ne rer wa ye jam nde, Yefun gurik sukdu subot os ne re,

Filipi 3:8

Sane dom, suk mwa gato mo bur ré sino yo ós ji yo mo nde. Suk gato ndo wai o re anato ji jam Yesus Kristus, ji bi Yekwesu, kom mo mit, tepsu ji bi yesyim it. Yesus Kristus anato ndo wai o re. Sane suk mwa gato ji ben suga nyim neya, gato ji onyar kem mone, suk mwa ne ji bare wé re. Suk mwa ne ji nut do, tepsu sukkwik sor re, subere ji ku os wa ji sok mo Yesus Kristus bi rus-i,

Filipi 2:1

Nin sok mo Kristus bi rus-i, sane nin kwabom kam mo An do, bere An mewa nin, sane nin nokwa suk teker nde. Yefun Allah Gen bok nggwa mo nin, sane nin tepsu dik su An, An ós nin subere nin jimnotku yu, nin ben sukndo su yu.

2 Petrus 1:3

Yefun Allah dakai ben sukndo su men. Yefun ben An bi suk-i ndo wai o re anato An nai men tepsu An bi pá-i subere men jam An kom mo mit. Men jam An kom mo mit sane anato An ben men nggi su An dakai bi suktinggi, subere men ku suktinggi wa men kem not mo bur ré. Men ku suktinggi wa men ben Yefun bi suk-i mo suk mwa ne sino sor.

Roma 15:13

Sane Yefun Allah fro os wa nin anato nin kwabom kam mo An. Sane Yefun Allah ete ben nin mit at mo suk mwa gato An ben ne. Yefun Allah ete ben nin kem ndo su yé mwa neya sino, we nin onyar kem mo Kristus. Yefun Allah Gen bi suktinggi ete ben nin kwabom kam mo Yefun Allah krat wai kadit nyim ne o re.

Yohanes 10:30

Ji si Ji bi Ai tepsu dik.”

Yohanes 6:69

Men onyar kem mo Nan it. Men jam do, Nan anato Ye gato Yefun Allah bes ete syogat ma more wa Nan ben An bi suk-i.”

Ibrani 10:22

Sane men karowa Yefun Allah su men mit dik si men onyar dik et, men onyar kem pe mo Yesus Kristus et. Men karowa Yefun Allah yo, men bi sukjimnut mo men mit waiyu mo sukibit gato men ben suga nyim ne o nde, we men jam do, Kristus tot sukibit ne or wé kadit men it. Men karowa Yefun Allah yo, men onyar kwo, ben sato men kaim kwo tepsu ye mus men su syur kwo it.

1 Timotius 3:16

Suk gato men krom ré suksangge, men bi sukduno gato nyim neya Yefun Allah gurik ne ndo wai o re, sato ré: Yefun Yesus ma mo bur re, An kaim tepsu yetu kaim. Yefun Allah Gen kadum do, Kristus sa, ben bi suk-i ne sangge sino. Malaikat mwa ne sino me An re. Yé ki sukdu subot An frekbot yetu wisyo-wisyo. Yé mwa mo bur ré iwedewe onyar kem mo An re. An it mo gu nim, mo pe gato ndo wai o re.

Ibrani 6:11

Men mit iwa nin ben Yefun Allah bi suk-i sisu nin mit dik si nin onyar dik sane sor kom mo pe gato or mó, subere suk gato nin mit iwa ku ne, gato nin eswa ne, bere nin ku sor.

Kolose 1:9

Men jam sukdu mwa ré subot nin re, sane anato men ki suk su Yefun Allah wa nin petok sor. Men ndek mo Yefun Allah subere Yefun Allah Gen kak nin bi sukjimnut wa nin jammo suk mwa ne sino gato Yefun Allah iwa nin ben ne rer kom mo mit.

Galatia 3:28

Sane ye Yahudi e, ye Yunani e, pakwerut e, ye gato dakai ti mo an dakai e, yebris e, nggon e ne, men sino yo tara kadit yu nde, wo men sino si Yesus Kristus tepsu yedik, men sino si Yesus Kristus sok mo rus dik it.

1 Korintus 2:12

Men jam suk mwa gato Yefun Allah dakai syo nai men yi kadit men yetu bi sukjimnut-i nde, wo An syo An Gen nai men subere men jam suk mwa gato Yefun Allah syo nai men dakai yi ne.

Yohanes 17:3

Án jam Nan, Yefun Allah ka dik gato sangge, ye yo nggi tepsu Nan mo nde. Án jam Ji, gato Nan bi Gan, Yesus Kristus gato Nan syogat ma more anato án kem gesyos.

Yohanes 16:15

Ji bi Ai bi suk-i ne sino anato Ji bi suk-i. Sane anato Ji ki do, bere Yefun Allah Gen ki Ji bi sukdu-i rer nai nin jam.”

Yohanes 10:38

Sarewo Ji ben suk tepsu Ji bi Ai syogat Ji ben ne, sane nin onyar kem mo Ji mo suk gato Ji ben gato ben nje yeket ne. Kapre nin bariwa nin jammo Ji bi sukdu-i, nin onyar kem mo Ji mo suk gato Ji ben ne sor. Sane bere nin jam kom mo mit do, Ji bi Ai si Ji tepsu dik. Ji dom, Ji si Ji bi Ai tepsu dik.”

Yohanes 5:23

Ji bi Ai bes Ji gum wa Ji ndobot yetu subere yé mwa ne sino jammo An bi Gan tepsu yé jammo An. Ye gato yo jammo Ji nde yo, ye ne yo jammo Ji bi Ai gato syogat Ji ma mo bur ré dom nde.

Yohanes 5:17

Sarewo Yefun Yesus ki nai ye Yahudi bi yepasye ne do, ”Ji bi Ai Yefun Allah ben suk gat sor kom mo kam ré, sane Ji waii ben suk dom.”

Matius 11:27

Orete Yefun Yesus ki do, ”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.

Matius 11:25

Yefun Yesus ki sukdu ne or sa, An ki o do, ”Ji bi Ai, Nan anato Yekwesu mo gu nim ne si bur ré, Ji ki ndo mo Nan, we Nan gurik sukdu gato Ji ki ne bi sukjimnut-i kadit yepasye gato jam suk mwa, ete Nan kadum sukjimnut ne nai ye gato ben nggwa sato pa wokgan.

1 Yohanes 5:7

Sukdu kwa gri gato kadum rer wa men jam do, Yesus Kristus anato Yefun Allah bi Gan ne anare:

1 Yohanes 3:19

Men bi sukjimnut sye kas subot ye yi sisu sangge sane yo, men jam do, sangge, men sok mo Yefun Allah bi rus-i it anane. Sane dom, men ki suk su Yefun it yo, men nokwa An nde. Men do karowa Yefun Allah it yo, men kwabom dek bot suk yo o nde.

2 Petrus 3:18

Men bi Yekwesu Yesus Kristus gato nai men kadit sukye ete jowa men yetu ne, An ben sukndo su men yetu dakai yi. Sane nin dom ben nin bi suk-i ne ndo mwa wai o kadit nyim ne sor. Nin jam Yesus Kristus sisu ndo o et. Men bes An gum kok su ré sor to kapyo mato kapyo. Sangge.

2 Petrus 1:10

Sane, ji bi nji ji bi nyanggon gato onyar kem mo Yefun Yesus, men wergat men nggwa nggi o et, subere suk gato Yefun Allah iwa men ben ne, men ben pe sor. Sane dom, men yé gato Yefun Allah fro suga nyim wa An nai sok mo An bi rus-i, An jam nyim wé re, sane men werwa men ben men bi suk-i tepsu Yefun Allah bi pá-i petok sor. Men ben sane it yo, bere men yo mu brek kadit Yefun Allah bi os-i nde.

1 Tesalonika 5:14

Men bi nji, men bi nyanggon, men kiwa nin ben suk sato ré do, nin duno ye gato bambrai, subere án iwa án ben suk; nin ós ye gato nyuwa suk mwa, subere an yo nyuwa suk yo o nde; nin ós ye gato yo nggi nde; nin ben nin bi suk-i sisu njep su yé mwa ne sino.

1 Tesalonika 3:2

ete men syogat men bi nji, Timotius ba ku nin mo Tesalonika. Timotius ré, Yefun Allah bes an ben suk si men ka we wa mu ki sukdu subot os ndo gato Yesus Kristus kak ne. Men syogat an ba wa ós duno nin subere nin onyar kem mo Yefun Yesus nggi wai o.

1 Tesalonika 1:5

we suga nyim men ki sukdu subot os ndo gato Yesus Kristus kak wa men yetu ne nai nin jam sa, sukdu ne pet mo nin mit re. Sukdu ne men ki su men syokwet sor nde, wo Yefun Allah Gen bi suktinggi bor mone dom. Men ki sukdu su men syokwet sor nde, wo men ki sukdu ne tepsu ye gato jam rer do, sukdu ne sangge. Nin jam do, men si nin kem mone sino sa, men bi sukjimnut sye wa men ós nin mo nin bi suk-i ne sor.

Suk Gato Yerasul Ben Ne 4:32

Ye gato onyar kem mo Yefun Yesus ne sino, án tepsu dik. Kadik-kadik ki do, ji yo bi suk-i are nde, wo men yé mwa ré bi suk-i anare. Án nut do kadik-kadik bi suk o nde, wo yé mwa ne bi suk sino. Sane ye ós yu su suk.

Matius 13:11

Yefun Yesus ki do, ”Sukdu gato Yefun Allah gurik suga nyim subot os ndo gato bere Yefun Allah fro wa yetu sok mo An bi rus-i ne, Yefun Allah tarubot Ji, subere Ji ki rer wa nin dakai jam kom mo mit, sarewo ye yi neya yo jam sukdu ne rer kom mo mit nde tó.

Lukas 1:1

Yenggras Teofilus, Yé mwa krom sukdu subot suk gato bor mo men miten subot Yesus Kristus ne mó re.

Roma 2:4

Nin nut do, Yefun Allah dakai jimnotku nin, An yo syo sukye nai nin kekro nde, wo An eswa nin kwet kadit sukibit gato nin ben ne bado? Sangge, Yefun Allah da ben sukndo su nin sane, sarewo nin kamo su Yefun nde. Yefun Allah ben sukndo su nin, subere tik nin mit wa nin kwet kadit sukibit gato nin ben ne, nin dakai jam re.

1 Korintus 14:31

Sane nin sino eswa kadik-kadik ki bi sukdu-i gato Yefun Allah tarubot nin, subere nin jam sukdu ne rer, ete nin onyar kem mo Yefun nggi wai o.

Efesus 1:7

Yefun Allah syo An bi Gan, Yesus Kristus ne ma kwop. Yefun Yesus dé sye wa men, An bi An nggwa wa tot suktot mo sukibit gato men ben ne wé. Sane anato Yefun Allah yo maskwa ket men mo sukibit ne o nde, An yo nutbot o nde. Sane men me mone do, Yefun Allah bi sukjimnut sye kas subot men ndo nde, men yo ben suk yo nyim wa An nde, wo

Efesus 3:3

Suktaru gato Yefun Allah fro wa ji ki ne, An yo kadum rer wa yetu jam nde tó, An ki rer nai ji jam nyim wé re. (Ji krom subot suktaru ne napyo nai nin jam mó re.

Efesus 3:16

Ji ndek mo Yefun Allah gato gum kok wai subere An syo An Gen ma ben nin bi sukjimnut mo nin mit nggi o et,

Kolose 1:26

An syogat ji ki subot sukdu gato kam nyim tuya Yefun Allah gurik kadit yetu mwa ne sino, wo su ré, An ki An bi sukdu ne rer nai yé gato onyar kem mo Yefun Yesus ne jam it.

Kolose 2:19

wo an yo jammo Kristus tepsu an bi Yekwesu o nde. An sombok kadit Kristus, tepsu yetu kaim sombok kadit i-su. Kristus anato tepsu yetu su gato jom kaim ne tepsu dik. Men yetu brot si men dini rit ne ós jom men kaim ne krat tok yu ete ut mo men su. Kristus jom An bi rus-i digane, subere men sino tepsu dik, ete tepsu men kaim kom sye o, men ut mo Kristus krat waii o tepsu Yefun Allah dakai imo ne.

Kolose 4:3

Nin do ki suk su Yefun yo, nin ki suk su Yefun wa men more dom, subere Yefun Allah kak os ndo wa men ki sukdu subot Kristus ne frek subot ye yi neya. Sukdu ne, suga nyim neya Yefun Allah gurik re. Ji kibot sukdu ne anato ye sok ji mo sel.