Ibrani 9:16 - Abun Scripture

¹⁶ Sato yetu ge dik yo, an kwop nde tó, an duno pa dik yo su an bi sukrok do, ri ma an do kwop it yo, bere pa ne wat an bi sukrok subot yé gato an tom su ne tepsu sukdu gato an ki ne. Sane yé jam do, an kwop it yo, sukdu ne kem su nje wa yé benbot it anane.

Ibrani 9:16 Referans Kwoze

Yakobus 2:10

Ye gato ben bi suk-i siri kadit Yefun Allah bi sukduno kwa dik yo sor re it yo, an gum ibit mone it, bere an ku sukye tepsu ye gato ben bi suk-i siri kadit sukduno mwa ne sino re.

1 Korintus 15:22

Men yetu mwa ré tepsu dik su Adam anato men kwop ne. Sane dom, men sino gato tepsu dik su Kristus bere Yefun Allah sun men kadit sukkwop re.

Roma 6:23

Sane men do jammo sukjimnut ibit yo, bere men ges mo bot gesyos mo koirut sor. Sarewo suk gato Yefun Allah syo yi nai men anato An syo men bi Yekwesu Yesus Kristus ma kak os ndo wa men kem ndo to kapyo mato kapyo.

Roma 5:12

Yetu ge dik yo kak os wa yetu mwa ne sino anato men ben sukibit mo bur ré. Ye ge dik ne ben sukibit anato an kwop re. Kom mo rut sa, ye ne kak os wa yetu mwa mo bur ré sino kwop, we yé mwa ne sino ben sukibit tepsu an re.

Ibrani 9:15

Kristus dé sye wa men, sane anato Kristus ma gwat os be gato Yefun Allah tom su men ne, subere yé gato Yefun Allah nai sok mo An bi rus-i, bere ku suk gato ndo wai mo gu, gato Yefun Allah tom su án ne. Suk gato ndo wai ne anato gesyos. Kristus kwop wa men yetu anato bere men ku suk mwa mone. Men yetu gato ben suk siri kadit os nyim bi sukduno-i ku sukye mone. Sane Kristus kwop wa An tik men yetu syim wé kadit sukye gato men ku mone.

Ibrani 9:17

An mbau tó yo, yé yo benbot suk gato an tom su pa ne nde tó, wo an do kwop it yo, sukdu ne kem su nje it. Kadit kam ne, yé benbot an bi suk gato an tom ne it anane.

Ibrani 1:3

Yefun Allah dakai ben sato An rer-rik wai o re tepsu kam, ete An bi Gan ne ben sato An rer-rik wai o re dom tepsu kam yor gato gat men. Yefun Yesus gwat Yefun Allah bi rer ne ma wa men jam. Sane An bi Gan ré anato tepsu Yefun Allah dakai ne it, tara kadit Yefun Allah wokgan yo dom nde. An bi Gan ki bi sukdu-i gato nggi wai subere An bi Gan mewa suk mwa mo bur ré si gu nim ne sino subere suk mwa ne kas sisu ndo sor. An bi Gan kak os wa men yetu subere Yefun Allah yo nutbot sukibit gato men ben ne o nde, ete Yefun Allah nai men gum sok mo An bi rus-i. Orete An bi Gan ne kem tak An de syim ge mo gu, mone An bi Gan si Yefun Allah gato sye wai o re, jom suk mwa ne sino.

Ibrani 13:20

Yefun Yesus kwop, An dé sye anato An kak os be gato gesyos, os be ne kem su men kadit kam ne sor to kapyo mato kapyo. Sane Yefun Allah sun men bi Yekwesu Yesus Kristus satu kadit sukkwop, ete An bes Yesus Kristus gum kok wai wa mewa men yé gato sibot os be ne. Kristus mewa men tepsu yetu mewa bi suksi sato domba ne sisu ndo.