Ibrani 8:10 - Abun Scripture

¹⁰ Wo su ré yo, Ji kak os be su yewis ye Israel {gato tepsu Ji bi rus-i,} tepsu suk gato Ji tom ne. Yefun Allah ki do, su kam sari ne ma, Bere Ji bok Ji bi sukduno-i mo án bi sukjimnut, Bere Ji krom Ji bi sukduno-i mo án mit re. Bere Ji, Yefun Allah anato án bi yenggras gato jom án ne, Bere án anato Ji bi rus-i re.

Ibrani 8:10 Referans Kwoze

2 Korintus 3:3

Yé mwa neya me sukndo gato nin ye Korintus ben ne. Sukndo gato nin ben ne anato tepsu surat subot men. Surat ne anato ma kadit Kristus. Kristus yo krom surat ne su tinta nde, wo Yefun Allah Gen gato gesyos anato krom surat ne. An yo krom mo jok gato ye krom suk mone nde, wo An krom mo men yetu mit.

1 Petrus 2:9

Wo nin sa, Yefun Allah nai nin tepsu An dakai bi rus-i it. Nin anato tepsu yewis gato Yefun Allah bes tepsu yesu mo Yefun Allah bi nu wa nin ben suk wa Yefun gato gum kok wai o re. Nin anato yewis gato Yefun Allah fro tepsu An bi rus-i wa nin ben An bi suk-i sor. Yefun Allah kiwa nin mu kadit pe gato ndendu ma mo An bi pe gato rer ndo yé. Sane nin ki subot suk gato An ben ndo wai ne nai ye yi jam.

Roma 11:27

Ji tom su ye Israel sare do, bere Ji yo maskwa án mo sukibit gato án ben ne o nde, bere Ji yo nutbot o nde.”

Yakobus 1:21

Sane it yo, men bare sukibit mwa gato men ben ne wé. Sukdu gato Yefun Allah grem mo men mit si men onyar ne, men kak men mit wa, ete men jammo sukdu ne et, we sukdu ne kak os wa men subere men kem ndo to kapyo mato kapyo.

Titus 2:14

Yesus Kristus bi An nggwa wa tot suktot mo sukibit mwa ne sino gato men ben ne wé, subere men tepsu nje gato ben sukibit o nde, ete men sok mo An dakai bi rus-i gato mit iwa ben suk gato ndo sor.

1 Petrus 1:23

Nin mewa yu sane, we Yefun Allah bi sukdu gato kem gesyos ne ben nin tepsu ye gato be it. Nin bi im pe nin wam dik yo, wo ben sato Yefun Allah bi sukdu anato pe nin wam dik yo o. Sane nin tepsu ye gato be it.

Yakobus 1:18

Yefun Allah dakai iwa ki bi sukdu gato sangge ne ma kak os wa men subere men tepsu An bi pá-i. An kak os wa men subere men kem mo nat gato ndo kok wai kadit suk mwa gato An ut ne sino re.

Matius 22:32

’Ji anato Yefun Allah gato jom Abraham, Isak si Yakub.’ Yenggras ka gri ne da kwop su nyim neya, sarewo án mbau satu. Sane Yefun Allah yo jom ye gato kwop nde, wo Yefun jom ye gato mbau sor.” {Sane Yefun Yesus ki rer do, bere yekwop sun re.}

Ibrani 11:16

Sarewo án bi sukjimnut kem mo bur gato ndo wai o re, án bi sukjimnut kem mo bur mo gu nim ne sor. Yefun fro kota dik yo wa án kem mone mó re. Sane anato yenggras bok ne kendo Yefun Allah tepsu án bi yenggras gato jom án, Yefun Allah yo damen wa nde.

1 Korintus 6:16

Ye gato ben siri su nggon gato ben siri mwa ne anato tepsu dik su nggon ne. Ye ne kaim si nggon ne kaim tepsu dik. Nin nutbot sisu ndo et. Ye gato ben siri su nggon ne, an si nggon ne tepsu dik, we yé krom mo Yefun Allah bi sukdu do, ”Ye we gato nai yu ne, an we tepsu dik it.”