Ibrani 7:22 - Abun Scripture

²² Sane men jam do, sangge, os be gato Yefun Yesus tepsu yegweswai wa ne anato ndo wai kadit os rok mo Musa bi sukduno-i ne o re.

Ibrani 7:22 Referans Kwoze

1 Korintus 11:25

Sane dom, án sino git sugit, or Yefun Yesus nai mok su nau anggur, ete An ki do, ”Nau gato Ji sye wa nin ré anato tepsu Ji dé gato sye subere Ji kak os gato be wa Yefun Allah nai nin gum sok mo An bi rus-i sagato An tom ne. Nin da nau yo, nin waii ben sato Ji ben ré subere nin napawa Ji.”

Ibrani 13:20

Yefun Yesus kwop, An dé sye anato An kak os be gato gesyos, os be ne kem su men kadit kam ne sor to kapyo mato kapyo. Sane Yefun Allah sun men bi Yekwesu Yesus Kristus satu kadit sukkwop, ete An bes Yesus Kristus gum kok wai wa mewa men yé gato sibot os be ne. Kristus mewa men tepsu yetu mewa bi suksi sato domba ne sisu ndo.

Ibrani 12:24

Mone nin ku Yefun Yesus gato dé sye wa kak os be tepsu yegweswai wa men yetu. Yefun Yesus dé-i ne sa, ben sato ye dar mo nin mo sukibit gato nin ben ne subere tot sukibit ne or wé kadit nin re. Yefun Yesus dé-i gato sye wa kak os gato be ne sa, bi sukdu-i gato Yefun Allah tom su men ndo wai kadit sukdu subot Habel dé-i ne o re. Sane nin yo ku sukye tepsu ye Israel nde, wo ben sato nin ku suk mwa gato ndo mo gu ne it.

Lukas 22:20

Sane dom, án sino git sugit, or Yefun Yesus nai sukbo su nau anggur, ete An ki do, ”Nau gato ji sye wa nin ré anato tepsu Ji dé gato bere sye ne subere Ji kak os gato be wa Yefun Allah nai nin gum sok mo An bi rus-i sagato An tom ne.”]

Matius 26:28

Ji dé anare, bere Ji dé sye wa yé mwa subere kak os be wa Yefun Allah nai yé mwa sok mo An bi rus-i sagato An tom ne. Ji dé ré tepsu suktot gato Yefun Allah tom ne. Ji dé ré anato sye wa kak os subere Yefun Allah yo maskwa nin mo sukibit mwa gato nin yetu ben ne o nde, An yo nutbot o nde, tepsu An rus sukibit ne wé it.

Markus 14:24

Yefun Yesus ki nai An bi pakon do, ”Ji dé anare, bere Ji dé sye wa yé mwa subere kak os be wa Yefun Allah nai yé mwa sok mo An bi rus-i sagato An tom ne. Ji dé ne tepsu suktot gato Yefun Allah tom ne.

Ibrani 7:23

Yegweswai ye Lewi gato yesu mo Yefun Allah bi nu, yegweswai gato benbot os rok ne mwa yé re, we án yo kem gesyos nde, wo án kwop kadit re.

Ibrani 8:13

Mo sukdu ne Yefun Allah ki do, ”Ji frot Ji bi os gato be su yewis ye Israel.” Yefun Allah ki do, os ne anato os be. Sane os gato An tom su ye Israel suga nyim tuya ne, Yefun ki do, os gato rok ne yo ndo wa men sibot o nde, bergan os ne yo mó o nde. {Sane men sibot os gato be ne sor.}