Ibrani 7:21 - Abun Scripture

²¹ Wo Yefun Allah bes Yefun Yesus tepsu yegweswai ne sa, An tom su, An syo syim ete Yefun Allah dakai ki Yefun Allah dakai gum su do, ”Ji tom su Nan mó re. Suk gato Ji tom ne, Ji yo brek kadit nde, Ji ki do, ’Nan anato ku gum yekwesu mo Yefun Allah bi nu to kapyo mato kapyo sor.’ ”

Ibrani 7:21 Referans Kwoze

Ibrani 7:17

Yefun Allah bes Yesus Kristus tepsu Yekwesu, tepsu ye krom mo Yefun Allah bi sukdu sare do, ”Nan anato ku gum yekwesu mo Yefun Allah bi nu to kapyo mato kapyo, Nan tepsu yegweswai gato sok mo Melkisedek bi de-i.”

Roma 11:29

Sane sukndo gato Yefun Allah fro wa An ben ne, An ki kwop mone it. Yefun Allah yo brek kadit suk gato An tom su nje nde.

Ibrani 5:6

Yefun Allah ki mo bi sukdu mo nat yi yo o do, ”Nan anato gum yekwesu mo Yefun Allah bi nu to kapyo mato kapyo. Nan tepsu yegweswai gato sok mo Melkisedek bi de-i.”

Ibrani 7:20

Sane dom, Yefun fro os be ne sa, An tom su men, An syo syim su do, An bes Yesus Kristus tepsu yegweswai wa men mone petok sor. Wo yegweswai yi neya gato An bes, An tom suk yo su men mo nde.

Ibrani 7:23

Yegweswai ye Lewi gato yesu mo Yefun Allah bi nu, yegweswai gato benbot os rok ne mwa yé re, we án yo kem gesyos nde, wo án kwop kadit re.

Ibrani 7:28

Suga nyim tuya, yé sibot Musa bi sukduno-i, sane yekwesu gato gum kok wai mo Yefun Allah bi nu, gato ye bes ne, án yo nggiwa ben bi suk-i ri-roi mo nde. Sarewo tepsu suk gato Yefun Allah tom ete syo syim su, gato bor wari kadit Musa bi sukduno-i ne, Yefun Allah bes An bi Gan gum Yekwesu gato gum kok wai mo Yefun Allah bi nu o re. An bi Gan sa, Yekwesu gato ben bi suk-i ne ri-roi sane sor to kapyo mato kapyo.