Ibrani 6:8 - Abun Scripture

⁸ Sarewo ye gato onyar kem mo Yefun Allah, orete ri ma an bariket Yefun Allah it yo, an tepsu un si jak gato kom mo bur det ne. Bur det ne yo ndo wa sukjan o nde. Bere Yefun Allah dufo mo bur det ne, ete ri ma Yefun syo bot git es mo bur det gato ibit ne wé re.

Ibrani 6:8 Referans Kwoze

Yohanes 15:6

Ye to yo ut krat mo Ji tepsu dik nde yo, ye ne tepsu kweguk gato yé tot, ete yé am wé. Bere kweguk ne gu, ete yé sum wa yé gre mo bot wé.

Ibrani 12:17

Men jam do, ri ma, Esau mitwa nai an bi sukrok kadit an bi ai, sarewo an bi ai bari re. Kapre Esau wergat su an gro rom, an wo gat an bi ai, subere an bi ai yo nutbot suk gato an ben nyim ne o nde, an bi ai bari re, sane an yo ku os o nde.

Ibrani 10:27

Ye gato jam sukdu gato sangge, ete ben suk siri kadit Yefun Allah mit gat sor yo, ye ne yo ku os o nde, wo an kwabom dek subot suk gato bere ri ma Yefun Allah ndobot an mone. Bere an kwabom dek subot Yefun Allah bi sukmaskwa gato tepsu bot gato ru sye. Bot sye ne bere git yé gato bariwa jammo Yefun or wé re.

Wahyu 20:15

Ye to ye yo krom an gum mo Buku Yegesyos nde yo, bere ye am ye ne mu ngga mo bot sye gato tepsu em ete ru ne.

Markus 11:21

Orge Petrus napakom sukdu gato Yefun Yesus ki su kamekre ne. Sane Petrus ki nai Yefun Yesus do, ”Yeguru, Nan me et! Kwe ara gato Nan dufo mone te re.”

Markus 11:14

Orge Yefun Yesus dufo mo kwe ara ne do, ”Kadit kam ré, ye yo ma git nan bo yo o nde.” Sukdu gato Yefun Yesus ki mo kwe ara ke ne, Yefun Yesus bi pakon jam dom.

Matius 7:19

Kwe gato yo bo ndo nde, bere ye gwa wé, ete ye gre mo bot.

Matius 3:10

Wo nin ré tepsu kwe gato yo bo ndo nde. Su ré yo, Yefun Allah fro bi mbam wa gwa kwe gato sane wé, Yefun Allah gwa mo i-brot kai. Yefun Allah fro wa syo sukye nai ye gato yo kwet nde, tepsu ye gwa kwe gato yo bo nde ne, orete ye syo bot git wé re.

Matius 25:41

Sane o, bere Ji ki nai yé gato tak Ji de syim jam ne do, ’Nin mu kadit Ji. Yefun Allah dufo mo nin it. Nin mu ngga mo bot gesyos gato Yefun Allah fro wa biris bi yekwesu si bi rus-i ne et.