Ibrani 6:6 - Abun Scripture

⁶ Sarewo an do bariket Yefun Allah ete an mu tara kadit Yefun it yo, bere men yo ku os wa kar an satu ma mo Yefun o nde. Men yo ku os wa duno an subere an brek kadit os ibit ete satu ma mo Yefun Allah o nde, we an do brek satu ma mo Yefun o it yo, tepsu an gu Yefun Allah bi Gan wam dik yo o anane. An do brek satu ma mo Yefun o it yo, tepsu an kamo su Yefun Yesus gum mo yé mwa gwem anane.

Ibrani 6:6 Referans Kwoze

2 Petrus 2:21

Sa ndo sa, án jam nde Yefun Allah bi os-i gato ri-roi ne anato ndo wai kadit án jam Yefun bi os-i, orete ri ma án brek án dari ket Yefun Allah bi sukdu-i gato yé duno án su ne. Ye gato jam Yefun bi os-i, orete an brek an dari ket Yefun it yo, bere an ku sukye wai o re.

Ibrani 10:29

Sane ye gato kamo su os gato Yefun Allah bi Gan kak ne, bere ye ne ku sukye wai kadit ye gato ye gu kwop mo suk gato an ben siri kadit Musa bi sukduno-i ne o re. Ye gato kamo su os gato Yefun Allah bi Gan kak ne yo bi sukjimnut kom mo Kristus dé gato sye wa os be bi sukdu-i ne kem su men ne nde. Ye ne da jam Kristus kwop wa tot sukibit gato an ben ne or wé kadit an, sarewo an ben an bi suk-i, an bi sukjimnut su do, Kristus dé sye dakai yi sane sor re, ben sato an yo nutbot suk gato Yesus Kristus ben ne teker eta nde. Mone an kabor Yefun Allah Gen gato bi os ndo nai an re. Sane ye gato kamo su os gato Kristus kak ne, bere ye ne ku sukye wai o re,

Ibrani 6:4

Men krombot sukdu gato kru ne o, we ye gato ketke onyar kem mo Yefun Allah, orete an bariket Yefun Allah ete mu tara kadit Yefun bi os-i o re yo, men yo ku os wa kar ye ne satu ma mo Yefun o nde. Suga nyim Yefun Allah bi sukdu gato rer ne, an jam re. Yefun Allah syo suk gato ndo nai an mó re. Yefun Allah Gen dom pet mo an mó re, an jam an nggwa mone it.

1 Yohanes 5:16

Men do me ye Kristen ge dik yo ben sukibit, ete sukibit ne yo ben os yewa mit wa an si Yefun Allah nde yo, nin benadi wa, nin ndek mo Yefun Allah subere Yefun Allah ós ye ne kem ndo satu. Sarewo sukibit gato ben os yewa mit wa an si Yefun Allah, we an bariket Yefun Allah it yo, men ndek mo Yefun Allah wa ós ye gato ben sukibit sane nde.

2 Timotius 2:25

Men duno nje gato duwer men it yo, men duno sisu njep sor. Men duno sisu njep, we men iwa kapyo tak Yefun Allah kak ye ne bi sukjimnut subere an kwet kadit os ibit, ete an jammo sukdu gato sangge.

Ibrani 12:2

Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.

Matius 19:26

Yefun Yesus sokbot pakon ne, ete An ki do, ”Yetu yo bi os mo nde, wo Yefun Allah sa, bi os mó; mo suk mwa ne sino gato Yefun Allah iwa ben ne yo, Yefun nggiwa wai mó re.”

Lukas 11:48

Sane nin dakai ki do, nin imo suk gato nin bi amui ben ne. Nin bi amui anato gu yenabi kwop, orete nin anato nggo nu wa yenabi mo bi makwe ne.

Ibrani 4:14

Men bi Yekwesu gato gum kok wai mo Yefun Allah bi nu, An sa, mu kom mo Yefun Allah dakai gwem mo gu, An ki suk wa men mone. Men bi yegweswai ne gum do, Yesus, Yefun Allah bi Gan. Men ki do, men onyar kem mo An, sane men jom An bi sukdu-i gato men onyar kem mone krat et.

Ibrani 10:26

Men da jam sukdu subot os be gato sangge, ye duno men su sukdu ne mó re. Sarewo men dakai iwa ben suk siri kadit sukdu ne gat sor yo, bere or sor, men yo ku os o nde, Kristus bi nggwa wa tot suktot mo sukibit gato men ben ne yo ós men o nde it.