Ibrani 6:12 - Abun Scripture

¹² Men bariwa nin bambrai, wo men mit iwa nin nutbot yé gato onyar kem mo Yefun Allah, yé ne eswa suk gato Yefun Allah tom su án ne sane sor suk ne bor mó re. Nin nutbot yé gane ete nin waii ben nin bi suk-i tepsu án et.

Ibrani 6:12 Referans Kwoze

Ibrani 13:7

Men napawa men bi yekwesu bok yo gato ki Yefun Allah bi sukdu nai men jam. Suk gato men bi yekwesu ben mo bur ré sor kom mo kam gato án kwop su ne, men nutbot sisu ndo et. Men nutbot suk mwa gato án ben ne, án tepsu ye gato onyar kem mo Yefun. Án nut do, suk gato Yefun Allah ki ne sangge anato án jammo Yefun Allah. Sane men waii benbot suk gato án ben ne dom et.

Ibrani 10:36

Nin jom Yefun Allah bi sukdu-i ne pe sor, subere nin nggiwa ben suk tepsu Yefun Allah mit. Nin werwa nin ben suk tepsu Yefun Allah mit petok sor subere nin ku suk mwa gato An tom su nin ne.

1 Yohanes 2:25

Sane Yesus Kristus dakai tom su men do, bere men kem ndo to kapyo mato kapyo.

Roma 12:11

Men ben Yefun Allah bi suk-i, men ben suk su men bambrai nde, wo men ben suk su men samok. Men jammo Yefun Allah Gen, ete men ben Yefun Allah bi suk-i su men mit iwa ne sor.

Ibrani 5:11

Ji bi sukdu mwa gato ji iwa ji ki subot Yekwesu gato gum kok wai, Yesus Kristus ne, sarewo ji werwa ji ki rer nai nin jam, bere sukye, we nin yo nggiwa nin but sukdu ne kekro nde, nin bi sukjimnut yo kak ndo nde tó.

2 Petrus 1:10

Sane, ji bi nji ji bi nyanggon gato onyar kem mo Yefun Yesus, men wergat men nggwa nggi o et, subere suk gato Yefun Allah iwa men ben ne, men ben pe sor. Sane dom, men yé gato Yefun Allah fro suga nyim wa An nai sok mo An bi rus-i, An jam nyim wé re, sane men werwa men ben men bi suk-i tepsu Yefun Allah bi pá-i petok sor. Men ben sane it yo, bere men yo mu brek kadit Yefun Allah bi os-i nde.

Yakobus 1:3

we men jam do, yé ben sukye nai men mo gato men onyar kem mo Yefun Yesus sa, men yo misyar Yefun mone nde, wo men nggiwa men jom An bi sukdu ne krat petok sor, men ó mó it.

Ibrani 12:1

Sane yo, men jam sukdu mwa yé subot yé gato onyar kem mo Yefun Allah ne. Yé gato onyar kem mo Yefun Allah kam nyim ne, yé mwa ne ben sato án wairi wa men, án sokwa suk gato men ben wa Yefun Allah. Sane it yo, men bare suk gato kwawa men ben Yefun Allah bi suk-i wé kadit men et. Men am sukibit gato ut mo men wé kadit men et. Sane suk mwa gato Yefun Allah fro wa men ben ne, men ben sisu men mit dik si men onyar dik et, tepsu ye kas bitanding yu mo perlombaan, ye wergat ye nggwa sisu ye mit dik si ye onyar dik subere ye kas nggi mone sor kom mo pe gato or mó.

Ibrani 1:14

Yefun yo ki sukdu bok ne subot malaikat nde, sane malaikat ne te suma gei ne? Malaikat ne anato suk gato da kridek yo mo nde, wo malaikat da gesyos sor ete mó. Yefun Allah yo bes malaikat tepsu An bi Gan gato Yekwesu si Yefun sino nde, wo Yefun syogat malaikat mu ós nje gato bere kem ndo to kapyo mato kapyo mo Yefun Allah bi nat-i ne sor re.

Roma 4:12

Abraham dom, an tepsu ye gato kadum os wa yé mwa gato simo sunat. Abraham kadum os wa yé mwa gato simo sunat sor nde, wo an kadum os wa yé mwa gato onyar kem mo Yefun dom. Men bi amui Abraham yo simo sunat nde tó, an onyar kem mo Yefun suga nyim tuya re.

Roma 2:7

Ye gato werwa ben bi suk-i ne ndo, we ye ne kwabom kam mo Yefun Allah do, bere Yefun bes án gum kok mone yo, bere Yefun un án gum mone, bere Yefun kak os wa án kem gesyos mone, bere Yefun Allah kak os wa yé ne kem ndo to kapyo mato kapyo.

Wahyu 13:10

”Yé gato Yefun Allah fro wa ye but yo, bere ye but yé ne re. Yé gato Yefun Allah fro wa ye gu su nyom kwop wé yo, bere ye gu yé ne su nyom kwop wé re. Sane men yé gato onyar kem mo Yefun Yesus mo bur ré, men ku sukye it yo, men misyar Yefun nde, wo men simo An pe sor, men werwa men jom Yefun Allah bi sukdu-i sane sor kom mo pe gato or mó et!”

Ibrani 11:33

Yé bok ne onyar kem mo Yefun Allah, sane anato yé bok ne nggiwa nai yeraja bok yo bi bur det kadit yeraja ne re. Yé bok ne onyar kem mo Yefun Allah, sane anato án syo sukye nai ye gato ben sukibit ne sor, án ku suk gato Yefun Allah tom su án ne. Yé bok ne onyar kem mo Yefun Allah, sane anato Yefun Allah ben án nggiwa án ben suk sato ré: án nggiwa jom suge sye gato gum do singa ne syokwet krat.

Ibrani 6:15

Sane Abraham kem ete eswa suk gato Yefun Allah tom su an, an eswa sane sane sor, suk gato Yefun tom su an bor mone, Abraham ku it.

2 Tesalonika 1:4

Sane men mubot ye gato onyar kem mo Kristus mo nu ari mo nat yi neya yo, men ki sukdu subot nin petok sor. Men mit at wa men ki sukdu subot nin sare do, nin sa, kapre yé ben sukye nai nin, kapre yé ben nin ket kwayo-kwayo, nin yo misyar Yefun nde, wo nin onyar kem pe mo Kristus sor.

Lukas 8:15

Mbet gro gato ges mo bur ka gato ndo anato tepsu yé gato but sukdu ne, ete án jom pe mo án mit. Yé ne onyar kwo, án bi sukjimnut ndo. Án jamwa sukdu ne pe sane sor án ben suk gato ndo. Sane sukndo gato án ben ne tepsu mbet gro gato kom sane sor i-bo mwa wai o re.”

Matius 22:32

’Ji anato Yefun Allah gato jom Abraham, Isak si Yakub.’ Yenggras ka gri ne da kwop su nyim neya, sarewo án mbau satu. Sane Yefun Allah yo jom ye gato kwop nde, wo Yefun jom ye gato mbau sor.” {Sane Yefun Yesus ki rer do, bere yekwop sun re.}

1 Tesalonika 1:3

Men ki suk su Yefun Allah, men bi Ai sa, men napawa nin, we men jam do, nin sa, nin onyar kem mo Yefun Yesus, sane anato nin ben suk gato ndo. Men jam do, nin bi sukjimnut sye kas subot ye yi neya, sane anato nin samok wa nin ben sukndo. Men jam do, nin kwabom kam mo men bi Yekwesu Yesus Kristus, sane anato nin misyar Yefun mo nde, wo nin ben An bi suk-i petok sor.

Lukas 16:22

Kom mo rut sa, Lazarus kwop re, ete malaikat ma kar an da gesyos mu mo pe gato Abraham kem mone, an we kem mo pe gato ndo ne. Sane yepasye ne waii kwop o, ete yé bi an mo bur.

Matius 25:26

Yenggras ne ki do, ’Nan yebambrai, nan ben sukibit. Nan da jam suk gato ji ben ne, sarewo nan dakai bambrai. Nan jam ji nai sugit gato kri mo nggwe gato ji jan nde. Nan jam ji nai suk kadit pe gato ji bi kamba mo nde, sarewo nan dakai bambrai.