Ibrani 6:10 - Abun Scripture

¹⁰ Yefun Allah ben An bi suk-i ri-roi petok sor. An yo mbrinket suk gato nin ben wa An nde, kwa dik yo dom nde. Suk gato nin ben wa nin ós ye Kristen yi kadit nyim neya kom more, nin ben sane, tepsu nin jimnotku Yefun Allah it anane. Yefun Allah yo mbrinket suk gato nin ben ne dom nde.

Ibrani 6:10 Referans Kwoze

Matius 10:42

Sane dom, bere ye to syo syur dek nai Ji bi pakon wa pa da, kapre pa ne tepsu ye gato onyar kem mo Ji sim, Ji ki sare do, sangge sor, bere Yefun Allah syo suk gato ndo nai an mo suk gato an ben ne.”

Ibrani 13:16

Men werwa men ben sukndo su yu et, men mbrinket nde. Men ós yu mo suk gato men ben ne et, men mbrinket nde. Men ben sukndo su yu, men ós yu anato tepsu men gwat suksom wa men som Yefun Allah su it anane, bere Yefun Allah iwa re.

Galatia 6:10

Sane os yo kak wa men it yo, men ben sukndo su yé mwa ne sino. Yé gato si men onyar kem mo Yefun Yesus ne yo, men werwa men ben sukndo su án wai kadit ye yi neya et.

Suk Gato Yerasul Ben Ne 10:4

Kornelius sokwa malaikat ne, an nyu, an ki do, ”Yenggras, suma ne?” Malaikat ne ki do, ”Nan ki suk su Yefun Allah sa, Yefun jam suk gato nan ndekwa ne. Yefun Allah me nan ós ye Yahudi gato yewa suk. Suk gato nan ben ne, Yefun Allah jam re, Yefun Allah mit iwa nan re.

1 Tesalonika 1:3

Men ki suk su Yefun Allah, men bi Ai sa, men napawa nin, we men jam do, nin sa, nin onyar kem mo Yefun Yesus, sane anato nin ben suk gato ndo. Men jam do, nin bi sukjimnut sye kas subot ye yi neya, sane anato nin samok wa nin ben sukndo. Men jam do, nin kwabom kam mo men bi Yekwesu Yesus Kristus, sane anato nin misyar Yefun mo nde, wo nin ben An bi suk-i petok sor.

Kolose 3:17

Suk mwa ne sino gato nin ben e, nin kibot e ne yo, nin me mo suk gato men bi Yekwesu, Yefun Yesus dakai ben ne, orete nin waii ben nin bi suk-i tepsu An ben ne sor. Nin ki ndo mo men bi Ai, Yefun Allah, mo os ndo gato Yefun Yesus kadum nai nin ne et.

1 Timotius 6:18

Nan syaugat ye gato ku suk mwa mo bur ré subere án ben suk gato ndo, subere án ben sukndo ne mwa, tepsu suk mwa gato án ku ne. Nan duno án subere án yo gro er wa suk nde, wo án iwa án syo suk mwa nai ye yi neya sor.

Markus 9:41

Suk gato Ji ki ré suksangge anare, ye to syo syur dek nai nin wa nin da mo gato nin tepsu Ji bi pakon, we nin sok mo Kristus bi rus-i it yo, bere Ji syo suk gato ndo nai ye ne mo suk gato an ben ne.”

Roma 12:13

Men ós Yefun Allah bi rus-i dogato yewa suk. Men kendo ye Kristen gato men jam nde ma si men sem mo men bi nu-i, men bambrai wa nde, wo men mit iwa sor.

Suk Gato Yerasul Ben Ne 11:29

Sane ye gato onyar kem mo Yefun Yesus mone kibot, orge án nai sukjimnut dik do, bere án ós, án bi sugum mu nai ye gato onyar kem mo Yefun Yesus gato kem mo bur Yudea. Kadik-kadik syo sugum tepsu sugum gato án ku mó.

Galatia 5:13

Ji bi nji, ji bi nyanggon, sangge, Yefun Allah nai nin tepsu An bi pá-i subere ye Yahudi bi sukduno-i yo jom men tepsu pakwerut o nde, wo men sok mo Yefun Allah bi rus-i it. Men sok mo Yefun Allah bi rus-i tepsu An bi pá-i orete yo, men nut do, ”Ré ne ji tepsu Yefun bi pa-i it, sane ji ben sukibit ket ji i ne sor,” sane bere siri re. Men ben sane nde, wo men bi sukjimnut sye kas subot yu sor, men ben sukndo su yu sor.

Suk Gato Yerasul Ben Ne 10:31

An ti mone, an ki do, ’Kornelius, Yefun Allah jam suk gato nan ndekwa ne it. Yefun Allah me nan ós ye Yahudi gato yewa suk. Yefun Allah mit iwa nan.

Yohanes 13:20

Suk gato Ji ki ré suksangge anare, ye gato iwa Ji bi pakon gato Ji syogat mu ne ma ku an yo, tepsu ye ne iwa Ji ma ku an anane. Ye gato iwa Ji ma ku an yo, tepsu ye ne iwa Ye gato syogat Ji ma mo bur ré ma ku an dom anane.”

2 Timotius 4:8

Ré yo, Yefun Allah fro suk gato bere An syo nai ji mo suk gato ji ben ne, Yefun fro ndek. Bere kam gato bur ré kru re, men bi Yekwesu Yefun Yesus ma ndobot men yetu mo bur ré. Bere Yefun ndobot men sisu ri-roi sor. Bere Yefun syo suk gato An fro ne nai ji mo suk gato ji ben tepsu An mit re. Bere An syo suk gato An fro ne nai ji wadigan sor nde, wo An syo nai ye gato eswa Yefun Yesus satu ma mo bur ré su án mit iwa wai ne dom.

2 Korintus 9:1

Men yo krom sukdu subot sugum gato men sum wa men bi nai yé gato onyar kem mo Yefun Yesus mo bur Yudea ne o nde, nin dakai jam re.

1 Yohanes 1:9

Yefun Allah ben suk tepsu An tom su men ne, An ben An bi suk-i ri-roi su men, sane men rek sukibit gato men ben ne wa An jam yo, bere Yefun Allah yo maskwa men mo sukibit ne o nde, bere An nutbot sukibit gato men ben ne o nde. Orete An ós men subere sukibit gato men ben ne yo ut mo men o nde.

Galatia 5:6

Yesus Kristus kak os wa men anato men sok mo Yefun bi rus-i it. Sane yo, kapre men simo sunat e, men simo sunat nde e, suk ne yo ós men nde. Wo suk dik yo sor re anato tep wa ós men, sare do, men onyar kem mo Kristus. Men onyar kem mo Kristus sane sa, bere men ben sukndo su ye yi neya sor, bere yé mwa ne me bor re.

Ibrani 10:32

Nin napawa tomgatu, nin jam sukdu subot Yesus Kristus sim sa, sukdu ne tepsu Yefun Allah bi sukru gato rer ku nin, ete mone nin onyar brek ete kem mo Yefun Yesus it. Tomgane nin ku sukye ndo nde, sarewo nin sa, nin wergat nin nggwa sane sor nin jom Yefun Allah bi sukdu ne pe sor, nin yo misyar nde.

Matius 20:7

Yé bok ne ki do, ’Ye yo ma kendo men wa ben suk yo mo nde.’ An ki do, ’Sane, nin mu ben suk mo ji bi nggwe et.’

Matius 25:17

Sane dom, pa gato ku det we waii ben suk su sugum ne, ete ku det we yo tó o.