Ibrani 5:13 - Abun Scripture

¹³ Pa gato da bi im sus rom tó yo, pa ne tepsu pabom tó. Suk gato pabom ben ne pa jam nde os koirut ware, ndo bado, ibit bado, pa jam nde wa.

Ibrani 5:13 Referans Kwoze

1 Petrus 2:2

Sarewo nin mit iwa Yefun Allah bi sukdu ne tepsu pabom er sosa wa da bi im sus et. Sane bere nin nggiwa nin ben nin bi suk-i tepsu Yefun Allah mit nggi wai kadit nyim ne, ete Yefun nai nin sok mo An bi rus-i.

1 Korintus 14:20

Ji bi nji, ji bi nyanggon, nin nutbot suk tepsu pa wokgan nde. Mo suk gato ibit sa, nin bi sukjimnut tepsu pabom anato ndo, sarewo mo suk gato ndo yo, nin bi sukjimnut kak tepsu yenggras et.

2 Timotius 3:16

Yefun Allah grem An bi sukdu mwa ne sino mo yetu ge bok yo mit si onyar, ete yé bok ne waii krombot. Sukdu ne ndo wa men duno yu su. Sukdu ne ndo wa duyawa men subere men ben suk gato siri kadit Yefun Allah mit nde. Sukdu ne ndo wa kadum os gato ndo, subere men simo os ibit o nde, wo men simo Yefun bi os-i sor. Sukdu ne ndo wa duno men subere men jam suk gato Yefun Allah mit iwa men ben ne.

Efesus 4:14

Sane bere men bi sukjimnut tepsu pa wokgan o nde. Yé gato werwa ben kidar men su bi sukduno gato siri, án syeret os wa men, sarewo bere yé ne yo ku os wa tik men muya-muma saga sem bak si nofuf gwat kwem muya-muma ne o nde.

1 Korintus 3:1

Ji bi nji, ji bi nyanggon, nin yo jammo Yefun Allah Gen pe nde tó, wo nin ben nin bi suk-i tepsu yetu mo bur ré ben bi suk-i ne tó. Sane ji duno nin tepsu ji duno ye gato onyar kem mo Yesus Kristus sim. Nin tepsu pabom mo Kristus bi sukdu-i tó.

2 Korintus 3:9

Os nyim gato gwat sukkwop wa men yetu ne da ndo yé, sarewo os be gato Yefun Allah kak wa men gum sok mo An bi rus-i ne ndo wai kadit ne o re.

1 Korintus 13:11

Tomgatu, ji ka tepsu pa wokgan, ji ki suk tepsu pa wokgan, ji bi sukjimnut tepsu pa wokgan, ji nutbot suk tepsu pa wokgan. Ré ne ji tepsu yenggras it, sane ji yo ben suk tepsu pa wokgan o nde.

Markus 10:15

Suk gato Ji ki ré suksangge anare, ye to bariwa jammo Yefun Allah tepsu pa wokgan jammo bi ai ne yo, bere ye ne yo ku os wa an sok mo Yefun Allah bi rus-i nde.”

Matius 11:25

Yefun Yesus ki sukdu ne or sa, An ki o do, ”Ji bi Ai, Nan anato Yekwesu mo gu nim ne si bur ré, Ji ki ndo mo Nan, we Nan gurik sukdu gato Ji ki ne bi sukjimnut-i kadit yepasye gato jam suk mwa, ete Nan kadum sukjimnut ne nai ye gato ben nggwa sato pa wokgan.

Roma 2:20

Nin duno ye gato jimgon, nin tepsu yeguru wa ye gato jam nde suk. Nin nut do, mo nin ye Yahudi bi sukduno-i ne sa, nin jam suk mwa, nin bi sukduno-i ne sangge sino re.

2 Yohanes 1:11

we nin do kendo an ma it yo, tepsu nin ós an mo sukibit gato an ben ne.