Ibrani 4:15 - Abun Scripture

¹⁵ Men bi yegweswai gato gum kok wai mo Yefun Allah bi nu ne, An kem mo bur ré sa, An da kridek tepsu men yetu gato yo nggi nde. An kaim rere tepsu men yetu kaim rere. Sane suk yo da ma tik Yefun Yesus mit wa ben sukibit ket kwayo-kwayo tepsu men yetu sino mó re, sarewo An yo ben sukibit yo mo nde.

Ibrani 4:15 Referans Kwoze

2 Korintus 5:21

Kristus yo ben sukibit mo nde, wo Yefun Allah dakai fro Kristus sam kwede win men yetu mo sukibit mwa gato men ben ne, subere Yefun Allah me mo men do, men sa, bi sukibit ut mo men yo mo nde. Sane Yefun Allah nut mo men sa, men tep wa An nai men sok mo An bi rus-i mo suk gato Kristus ben ne.

1 Yohanes 3:5

Sarewo sukibit mwa gato men ben ne, Yesus Kristus ma mo bur ré wa tot wé kadit men re, nin dakai jam re. Sane dom, nin jam do, Kristus dakai yo ben sukibit yo mo nde.

1 Petrus 2:22

An yo ben sukibit yo mo nde. An yo kidar ye yi yo mo nde.

Ibrani 7:26

Sane, Yefun Yesus sa, An dakai anato Yekwesu gato gum kok wai o re. Yefun Yesus sa, tep wa ós men mo suk mwa gato men yé mone. An bi An nggwa wa ben Yefun Allah bi suk-i sor. An yo ben sukibit mo nde, kwa dik yo dom nde. An ben suk mwa ne ndo sino. An ben An bi suk-i tara kadit men yetu gato ben sukibit. Yefun Allah bes An gum kok wai kadit suk mwa neya mo gu o re.

Ibrani 4:14

Men bi Yekwesu gato gum kok wai mo Yefun Allah bi nu, An sa, mu kom mo Yefun Allah dakai gwem mo gu, An ki suk wa men mone. Men bi yegweswai ne gum do, Yesus, Yefun Allah bi Gan. Men ki do, men onyar kem mo An, sane men jom An bi sukdu-i gato men onyar kem mone krat et.

Ibrani 5:2

Yekwesu ne dakai yo nggi nde, án tepsu yetu mo suk mwa ne sino, án jam án nggwa mone, sane anato bere án bi sukjimnut kak wa án ben án bi suk-i ne njep su ye gato jam suk nde, án ben án bi suk-i ne njep su ye gato muket os siri ne.

Yohanes 8:46

Nin deyo me Ji ben sukibit mó bado? Nin ki nin bi sukdu-i ma et. Wo Ji do ki Ji bi sukdu-i ne sangge nai nin it yo, suma ben anato nin bariwa nin jammo Ji bi sukdu-i ne?

Lukas 22:28

Nin ré, nin sisu Ji pe mo sukye sino gato Ji ku ne.

Lukas 4:2

Yefun Yesus mu kom mone sa, biris bi yekwesu meret os wa Yefun Yesus, subere Yefun ben suk siri kadit Yefun Allah bi os-i mone. Noru musyu at, kam musyu at, biris bi yekwesu ne meret os wa Yefun Yesus ware, Yefun Yesus yo ges mo os ibit mone nde. Kam bok ne Yefun Yesus yo git sugit yo mo nde. Kom mo rut sa, An on de ndo nde.

Matius 12:20

Bere An ben An bi suk-i njep su ye gato yo nggi nde, An yo syat es mis gato tu nde. Sukru gato yo ru nggi nde, An yo te nde. An ben sukndo sane sor os ri-roi gato An kak ne fro re,

Matius 4:1

Yohanes ras Yefun Yesus mo syur, orete Yefun Allah Gen gwat Yefun Yesus mu mo pe gato kwe yo kom mo nde, subere mone biris bi yekwesu meret os wa Yefun Yesus subere Yefun Yesus ben suk siri kadit Yefun Allah bi os-i mone.

Roma 8:3

Sukjimnut gato tik men mit wa ben sukibit ne jom men yetu. Sane anato ye Yahudi bi sukduno-i yo nggiwa ós men nde. Sane Yefun Allah fro bi os-i tara re. Yefun Allah syo An bi Gan ma mo bur ré su kaim ka sa men yetu kaim. Yefun Allah syo An bi Gan ma wa bi nggwa tepsu suktot wa men subere kak sukjimnut ibit ne wé kadit men re.

Ibrani 9:28

Sane dom, Kristus bi nggwa kwop wam dik wa men yetu mwa ne tepsu suktot wa tot sukibit gato men ben or wé re. Or o, bere Kristus ma wam kedowe o. An ma o yo, An kwop wa tot men bi sukibit ne o nde, wo bere An ma wa nai men yé gato eswa An ma ne, ete An gwat men mu sok mo An bi nat-i.